| e-texts navigator |
| Wylie |
163b1 པ་དེ་ནི་དེ་བཞིན་གཤེགས་པ་རྣམས་ཀྱི་སྤྱོད་པའོ། །དེ་བཞིན་གཤེགས་པ་ནི་ཆོས་འགའ་ཙམ་ཡང་མི་མཁྱེན་པའམ། ཐུགས་སུ་མ་ཆུད་པ་མི་མངའ་བ་དང་། གནས་ཐམས་ཅད་དུ་མེ་ལོང་ལྟ་བུའི་ཡེ་ཤེས་མངོན་དུ་གྱུར་པས། རྣམ་པར་མི་རྟོག་མོད་ཀྱི། དེ་བཞིན་གཤེགས
163b2 པས་སེམས་ཅན་འདི་དག་གི་ལས་དང་སྤྱོད་པ་ལ་གཟིགས་ནས། དེ་དག་གི་བསམ་པ་དང་མཐུན་པར་སྦྱོར་བས། ཐབས་ཀྱིས་འདྲེན་ཅིང་འཁོར་བ་ལས་སྒྲོལ་བ་དེ་ནི་དེ་བཞིན་གཤེགས་པ་རྣམས་ཀྱི་སྤྱོད་པའོ། །དེ་བཞིན་གཤེགས་པས་སེམས་ཅན་གང་དག་ཕྱུག་ཅིང་དར་བ་གཟིགས
163b3 ན་ཡང་དགྱེས་པ་མི་སྐྱེ། རྒུད་པ་དང་དམའ་བ་གཟིགས་ན་ཡང་ཐུགས་ངལ་མི་མཛད་མོད་ཀྱི། དེ་བཞིན་གཤེགས་པ་སེམས་ཅན་དེ་དག་ཡང་དག་པའི་སྤྱོད་པ་སྒྲུབ་པ་གཟིགས་ནས། ཐོགས་པ་མེད་པའི་ཐུགས་རྗེ་ཆེན་པོས་སྐྱོབ་པར་མཛད་དོ། །སེམས་ཅན་ལ་ལ་ལོག་པར་སྤྱོད
163b4 པ་གཟིགས་ན་ཡང་། ཆགས་པ་མེད་པའི་ཐུགས་རྗེ་ཆེན་པོས་སྐྱོབ་ཅིང་འཛིན་པ་དེ་ནི་དེ་བཞིན་གཤེགས་པ་རྣམས་ཀྱི་སྤྱོད་པའོ། །རིགས་ཀྱི་བུ་འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡང་དག་པའི་སྤྱོད་པ་མཐའ་མེད་པར
163b5 བསྟན་པ་དང་། མྱ་ངན་ལས་འདས་པ་ཡང་དག་པ་བདེན་པའི་མཚན་ཉིད་དུ་འདུ་ཤེས་པར་གྱིས་ཤིག་།སྐབས་གཞན་དག་ཏུ་མྱ་ངན་ལས་འདའ་བ་དང་། རིང་བསྲེལ་འཇིག་རྟེན་དུ་བཞག་ཅེས་བྱ་བ་དེ་ནི་ཐབས་མཁས་པ་བསྟན་པ་སྟེ། སེམས་ཅན་རྣམས་ཀྱི་མཆོད
163b6 པ་དང་། རིམ་གྲོ་བྱེད་པ་དེ་དག་ཀྱང་དེ་བཞིན་གཤེགས་པའི་ཐུགས་རྗེ་དང་དགེ་བའི་རྩ་བའི་མཐུ་ཡིན་པར་བལྟ་བར་བྱའོ། །དེ་ལ་གང་ཞིག་མཆོད་པ་དང་། རིམ་གྲོ་བྱེད་པ་དེ་ནི། མ་འོངས་པའི་དུས་ན། མི་ཁོམ་པ་བརྒྱད་ཡོངས་སུ་སྤངས་ཏེ། དེ་བཞིན་གཤེགས་པ
163b7 རྣམས་དང་ཕྲད་ཅིང་། དགེ་བའི་བཤེས་གཉེན་དང་ལྡན་པ་དང་། བྱང་ཆུབ་ཀྱི་སེམས་མི་གཏོང་བ་དང་། བསོད་ནམས་དཔག་ཏུ་མེད་པ་འཕེལ་བ་དང་། འཁོར་བ་ལས་མྱུར་དུ་འདའ་ཞིང་འཁོར་བའི་འཆིང་བས་གླགས་པར་མི་འགྱུར་བའི་སྤྱོད་པ་དམ་པ་འདི་ཡིན་པས། ཁྱེད
iiif viewer powered by OpenSeadragon
