| e-texts navigator |
| Wylie |
162a1 པའི་རྣམ་པར་རྟོག་པ་ཡོངས་སུ་སྤངས་པས། མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པས་བཟོད་པ་དང་། བཟོད་པའི་འབྲས་བུ་ལ་བདག་དང་བདག་གིར་བྱ་བ་མེད་པར་རབ་ཏུ་ཤེས་པས། བཟོད་པ་དེ་དང་དེའི་འབྲས་བུ་ལ་ལོག་པའི
162a2 རྣམ་པར་རྟོག་པ་ཡོངས་སུ་སྤངས་པས། མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པས་བརྩོན་འགྲུས་དང་། བརྩོན་འགྲུས་ཀྱི་འབྲས་བུ་ལ་བདག་དང་བདག་གིར་བྱ་བ་མེད་པར་རབ་ཏུ་ཤེས་པས། བརྩོན་འགྲུས་དེ་དང་དེའི་འབྲས་བུ་ལ་ལོག་པའི་རྣམ་པར
162a3 རྟོག་པ་ཡོངས་སུ་སྤངས་པས། མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པས་བསམ་གཏན་དང་། བསམ་གཏན་གྱི་འབྲས་བུ་ལ་བདག་དང་བདག་གིར་བྱ་བ་མེད་པར་རབ་ཏུ་ཤེས་པས། བསམ་གཏན་དེ་དང་དེའི་འབྲས་བུ་ལ་ལོག་པའི་རྣམ་པར་རྟོག་པ་ཡོངས
162a4 སུ་སྤངས་པས། མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པས་ཤེས་རབ་དང་། ཤེས་རབ་ཀྱི་འབྲས་བུ་ལ་བདག་དང་བདག་གིར་བྱ་བ་མེད་པར་རབ་ཏུ་ཤེས་པས། ཤེས་རབ་དེ་དང་དེའི་འབྲས་བུ་ལ་ལོག་པའི་རྣམ་པར་རྟོག་པ་ཡོངས་སུ་སྤངས་པས། མྱ་ངན
162a5 ལས་འདས་པ་ཞེས་བྱ་བ་དང་། དེ་བཞིན་གཤེགས་པ་རྣམས་ཀྱིས་སེམས་ཅན་དང་། སེམས་ཅན་མེད་པར་རབ་ཏུ་མཁྱེན་པ་དང་། ཆོས་ཐམས་ཅད་ཀྱི་རང་བཞིན་མེད་པ་ལ། ལོག་པའི་རྣམ་པར་རྟོག་པ་ཡོངས་སུ་སྤངས་པས། མྱ་ངན་ལས་འདས་པ་ཞེས་བྱ་བ་དང་། གང
162a6 སྲེད་པའི་བདག་ཉིད་ཅན་ནི་ཚོར་བ་ལ་ནན་ཏན་བྱེད་དོ། །ཚོར་བ་ལ་ནན་ཏན་བྱེད་པའི་དབང་གིས་སྡུག་བསྔལ་རྣམ་པ་སྣ་ཚོགས་མྱོང་བར་འགྱུར་རོ། །དེ་བཞིན་གཤེགས་པ་རྣམས་ནི་བདག་དང་བདག་གིར་འཛིན་པ་ཡོངས་སུ་བཅད་ཅིང་ཚོལ་བ་མི་མངའ་བས། མྱ་ངན་ལས
162a7 འདས་པ་ཞེས་བྱ་བ་དང་། འདུས་བྱས་ཀྱི་ཆོས་ཐམས་ཅད་ནི་བགྲང་ཞིང་དཔག་ཏུ་ཡོད་ལ། འདུས་མ་བྱས་ཀྱི་ཆོས་ནི་བགྲང་ཞིང་དཔག་པ་ཐམས་ཅད་དང་བྲལ་བ་སྟེ། སངས་རྒྱས་ཀྱིས་འདུས་བྱས་ཀྱི་ཆོས་སྤངས་ཤིང་། འདུས་མ་བྱས་ཀྱི་ཆོས་མངོན་དུ་མཛད་དེ། བགྲང
iiif viewer powered by OpenSeadragon
