| e-texts navigator |
| Wylie |
153a1 དཔའ་སྤྲིན་ཆེན་བཀྲ་ཤིས་དང་། བྱང་ཆུབ་སེམས་དཔའ་སྤྲིན་ཆེན་རིན་ཆེན་དཔལ་དང་། བྱང་ཆུབ་སེམས་དཔའ་སྤྲིན་ཆེན་ཉི་མའི་སྙིང་པོ་དང་། བྱང་ཆུབ་སེམས་དཔའ་སྤྲིན་ཆེན་ཟླ་བའི་སྙིང་པོ་དང་། བྱང་ཆུབ་སེམས་དཔའ་སྤྲིན་ཆེན་སྐར་མའི་འོད་དང་།
153a2 བྱང་ཆུབ་སེམས་དཔའ་སྤྲིན་ཆེན་མེའི་འོད་དང་། བྱང་ཆུབ་སེམས་དཔའ་སྤྲིན་ཆེན་གློག་གི་འོད་དང་། བྱང་ཆུབ་སེམས་དཔའ་སྤྲིན་ཆེན་འབྲུག་སྒྲ་དང་། བྱང་ཆུབ་སེམས་དཔའ་སྤྲིན་ཆེན་ཤེས་རབ་ཀུན་དུ་འཆར་དང་། བྱང་ཆུབ་སེམས་དཔའ་སྤྲིན་ཆེན་རྣམ་དག་ཆར་པའི་རྒྱལ
153a3 པོ་དང་། བྱང་ཆུབ་སེམས་དཔའ་སྤྲིན་ཆེན་མེ་ཏོག་ཤིང་རྒྱལ་དང་། བྱང་ཆུབ་སེམས་དཔའ་སྤྲིན་ཆེན་ཨུཏྤ་ལའི་དྲི་དང་། བྱང་ཆུབ་སེམས་དཔའ་སྤྲིན་ཆེན་རིན་པོ་ཆེ་ཙནྡན་དྲི་བསིལ་སྐུ་དང་། བྱང་ཆུབ་སེམས་དཔའ་སྤྲིན་ཆེན་མུན་སེལ་དང་། བྱང་ཆུབ་སེམས་དཔའ
153a4 སྤྲིན་ཆེན་རབ་རིབ་སེལ་བ་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་གྲངས་མེད་པ་རྣམས་སོ་སོ་ནས་ཕྱི་དྲོའི་དུས་ཀྱི་ཚེ། ནང་དུ་ཡང་དག་པར་འཇོག་པ་ལས་ལངས་ཏེ། བཅོམ་ལྡན་འདས་ག་ལ་བ་དེར་སོང་ནས། བཅོམ་ལྡན་འདས་ཀྱི་ཞབས་གཉིས་ལ་སྤྱི
153a5 བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །དེ་ནས་ཡང་ལིཙྪ་བཱི་གཞོན་ནུ་རྣམས་ལ་འདི་ལྟ་སྟེ། གཞོན་ནུ་སེང་གེའི་འོད་དང་། གཞོན་ནུ་སེང་གེའི་བློ་གྲོས་དང་། གཞོན་ནུ་ཆོས་སྦྱིན་དང་། གཞོན་ནུ་དབང་པོ་སྦྱིན་དང་། གཞོན་ནུ་འོད་ཆེན་དང་།
153a6 གཞོན་ནུ་དཔལ་ཆེན་དང་། གཞོན་ནུ་སངས་རྒྱས་སྐྱོང་དང་། གཞོན་ནུ་ཆོས་སྐྱོང་དང་། གཞོན་ནུ་དགེ་འདུན་སྐྱོང་དང་། གཞོན་ནུ་རྡོ་རྗེ་སྐྱོང་དང་། གཞོན་ནུ་ནམ་མཁའ་སྐྱོང་དང་། གཞོན་ནུ་ནམ་མཁའ་སྒྲོགས་དང་། རིན་ཆེན་སྙིང་པོ་གཞོན་ནུ་དང་། བཀྲ་ཤིས་མཆོག་གི་སྙིང་པོ་གཞོན
153a7 ནུ་ལ་སོགས་པ་ལྔ་འབུམ་བརྒྱད་སྟོང་དེ་དག་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བདེ་བར་གནས་པ། ཐེག་པ་ཆེན་པོ་ལ་རབ་ཏུ་མོས་པ་དེ་དག་སོ་སོ་ནས་ཕྱི་དྲོའི་དུས་ཀྱི་ཚེ། བཅོམ་ལྡན་འདས་ག་ལ་བ་དེར་ལྷགས་ནས། བཅོམ་ལྡན་འདས་ཀྱི་ཞབས་ལ་སྤྱི་བོས
iiif viewer powered by OpenSeadragon
