| e-texts navigator |
| Wylie |
147a1 དཔེར་ན་ཟླ་ཉ་ནམ་མཁའི་ཁམས་གནས་འདྲ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཛེས་པའི་ཏོག་ལ་བཀའ་སྩལ་པ། །ཁྱོད་ཀྱིས་འདི་ལྟར་དེ་བཞིན་གཤེགས་པའི་ཡོན་ཏན་གྱི་བསྔགས་པ་བརྗོད་པ་ནི་བསམ་གྱིས་མི་ཁྱབ་པ་ཡིན
147a2 པས་ཐམས་ཅད་ལ་ཕན་འདོགས་པར་འགྱུར་ཞིང་། གང་དག་ཁོང་དུ་མ་ཆུད་པ་དེ་དག་ཀྱང་རྗེས་སུ་མཐུན་པར་རྣལ་འབྱོར་སྒོམ་པ་ལ་སློབ་པར་འགྱུར་རོ། །གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་ལས་བྱང་ཆུབ་སེམས་དཔའ་མཛེས་པའི་ཏོག
147a3 གིས་བསྔགས་པ་བརྗོད་པའི་ལེའུ་སྟེ་ཉི་ཤུ་བརྒྱད་པའོ། ། །།དེ་ནས་བྱང་ཆུབ་ཀྱི་ཤིང་གི་ལྷ་མོས་ཀྱང་ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། །བཅོམ་ལྡན་རྣམ་དག་བློ་ལ་གུས་ཕྱག་འཚལ། །རྣམ་དག་ཆོས་གཉེར
147a4 བློ་ལ་གུས་ཕྱག་འཚལ། །ཡང་དག་ཆོས་གཉེར་བློ་ལ་གུས་ཕྱག་འཚལ། །ཆོས་མིན་སྤོང་བའི་བློ་ལ་གུས་ཕྱག་འཚལ། །རྣམ་རྟོག་མི་མངའ་བློ་ལ་གུས་ཕྱག་འཚལ། །ཀྱེ་མ་ངོ་མཚར་བཅོམ་ལྡན་མཐའ་ཡས་སྤྱོད། །ཀྱེ་མ་མཐོང་དཀའ་ཨུ་དུམ་བཱ་ར
147a5 འདྲ། །ཀྱེ་མ་ངོ་མཚར་རྒྱ་མཚོའི་རི་རྒྱལ་འདྲ། །ཀྱེ་མ་ངོ་མཚར་བདེ་གཤེགས་འོད་ཚད་མེད། །ཀྱེ་མ་ངོ་མཚར་ཁ་བསྒྱུར་སྨོན་ལམ་ཆེ། །ཀྱེ་མ་ངོ་མཚར་ཤཱཀ་རིགས་ཉི་མ་འདིས། །འདི་འདྲའི་མདོ་སྡེ་དཀོན་མཆོག་བཀས་བཤད་ནས། །བརྩེ་བས་སྐྱེ་དགུ
147a6 རྣམས་ལ་ཕན་འདོགས་མཛད། །ཐུབ་པ་རབ་དབེན་དབང་པོ་མཉམ་འཇོག་པས། །རབ་ཞི་མྱ་ངན་འདས་པའི་གྲོང་ཁྱེར་གཤེགས། །རབ་དབེན་གཟུངས་ཀྱི་སྒོ་ལ་བཞུགས་པས་ན། །རབ་དབེན་སྤྱོད་ཡུལ་ཟབ་མོ་དག་ཀྱང་མཁྱེན། །རྐང་གཉིས་གཙོ་བོ་རབ
147a7 དབེན་བཞུགས་པས་ན། །ཉན་ཐོས་སློབ་མ་ལུས་ཀྱང་དེ་བཞིན་སྟོང་། །ཆོས་རྣམས་ཐམས་ཅད་ངོ་བོ་མ་མཆིས་པས། །སེམས་ཅན་ཐམས་ཅད་ཀྱང་ནི་སྟོང་ཞིང་དབེན། །བདག་ནི་རྟག་ཏུ་བཅོམ་ལྡན་དྲན་པར་བགྱིད། །བདག་ནི་རྟག་ཏུ་བཅོམ་ལྡན
iiif viewer powered by OpenSeadragon
