| e-texts navigator |
| Wylie |
145a1 མཚན་བསྔགས་པར་མཛད། །རྒྱལ་པོས་དེ་སྐད་ཐོས་ནས་ཀྱང་། །མྱ་ངན་མེ་ཡིས་ལྷག་པར་བཙོས། །བཙུན་མོས་རབ་ཏུ་ངུས་ནས་ནི། །སྐད་ཆེར་ཕྱུང་སྟེ་འདི་སྐད་སྨྲས། །བདག་གི་བུ་སྡུག་ལྷག་པར་བྱམས་པ་དེ། །མི་རྟག་སྲིན་པོ་དག་གིས་མིད་པར་གྱུར། །ད་ལྟར་བུ་གཉིས
145a2 ལུས་པར་གྱུར་པ་ཡང་། །མྱ་ངན་མེ་ཡིས་རབ་བསྲེགས་ཉོན་ཡང་མོངས། །བདག་དེང་རི་དྲུང་དག་ཏུ་མྱུར་སོང་ལ། །སྤྲོ་བསྐྱེད་སྲོག་གི་ལྷག་མ་བསྲུང་བར་བྱ། །དེ་ནས་བཞོན་ཞོན་ལམ་དུ་མྱུར་ཞུགས་ནས། །རྩེ་གཅིག་སེམས་ཀྱིས་ལུས་སྤངས་བྲག་དྲུང་སོང་། །བུ་གཉིས་ཡིད་གཅགས
145a3 བྲང་བརྡུངས་སྤྱོད་ཚུལ་ཉམས། །འགྲོ་བཞིན་ངུ་བ་དག་དང་ལམ་དུ་ཕྲད། །ཕ་མས་པང་བླངས་མྱ་ངན་སྨྲེ་སྔགས་བཏོན། །ཅིག་ཅར་ལུས་བཏང་རི་དང་ནགས་སུ་དོང་། །བྱང་ཆུབ་སེམས་དཔས་ལུས་སྤངས་ནགས་ཕྱིན་ནས། །ལྷན་ཅིག་འདུས་ནས་རབ་ངུས་སྡུག་བསྔལ་ཆེ། །རྒྱན་ཕྲེང
145a4 བཀྲོལ་ཏེ་སྙིང་ཚིམ་ངུས་ནས་ནི། །བྱང་ཆུབ་སེམས་དཔའི་རུས་བུ་ལྷག་མ་བསྡུས། །སྐྱེ་བོ་མང་པོས་ལྷན་ཅིག་མཆོད་པ་བྱས། །རིན་ཆེན་སྣ་བདུན་མཆོད་རྟེན་བརྩིགས་ནས་ནི། །རིང་བསྲེལ་དེ་ནི་སྒྲོམ་གྱི་ནང་དུ་བཞག་།མྱ་ངན་བཅས་བཞིན་སླར་ནི་གྲོང་ཁྱེར་དོང་། །ཀུན་དགའ་ལ་ནི
145a5 བཀའ་སྩལ་པ། །སྔོན་བྱུང་སེམས་ཅན་ཆེན་པོ་ནི། །ཤཱཀྱ་ཐུབ་པ་ང་ཡིན་པས། །གཞན་ཡིན་སྙམ་དུ་བསམ་མི་བྱ། །རྒྱལ་པོ་ཟས་གཙང་ཡབ་ཡིན་ཏེ། །བཙུན་མོ་ང་ཡུམ་སྒྱུ་འཕྲུལ་ཡིན། །རྒྱལ་བུ་ཆེན་པོ་བྱམས་པ་ཡིན། །རྒྱལ་བུ་འབྲིང་པོ་འཇམ་དཔལ་ཡིན། །སྟག་མོ་སྐྱེ་དགུའི་བདག
145a6 མོ་ཡིན། །བུ་ལྔ་དགེ་སློང་ལྔ་པོ་ཡིན། །གཅིག་ནི་མཽད་གལ་ཆེན་པོའི་བུ། །གཅིག་ནི་ཤཱ་རིའི་བུ་ཡིན་ནོ། །ངས་ནི་ཁྱེད་ཅག་ཐམས་ཅད་ལ། །སྔོན་གཞན་ཕན་བཏགས་པ་ཡི་གཏམ། །བྱང་ཆུབ་སེམས་དཔའི་སྤྱོད་པ་བཤད། །སངས་རྒྱས་འགྲུབ་རྒྱུ་འདི་སློབ་བྱོས། །བྱང་ཆུབ་སེམས་དཔས་ལུས
145a7 བཏང་ཚེ། །སྨོན་ལམ་རྒྱ་ཆེན་འདི་སྐད་བཏབ། །བདག་ལུས་རུས་པ་ལྷག་མ་ཡིས། །མ་འོངས་སེམས་ཅན་ཕན་འདོགས་ཤོག་།འདི་ནི་ལུས་བཏང་གནས་ཡིན་ཏེ། །རིན་ཆེན་སྣ་བདུན་མཆོད་རྟེན་དེ། །ལོ་ནི་ཚད་མེད་བར་དུ་གནས། །དེ་ནས་ས་འོག་བྱིང་བར་གྱུར། །སྔོན་གྱི་སྨོན་ལམ་མཐུ་སྟོབས་ཀྱིས། །
iiif viewer powered by OpenSeadragon
