| e-texts navigator |
| Wylie |
143a1 བསྐྱབས་ནས་ཕན་བཏགས་ཏེ་ངེས་པར་འབྱུང་བ་ཐོབ་པར་བྱས་ན། །ད་ལྟར་ཉོན་མོངས་པ་ཐམས་ཅད་ཟད་ནས་བག་ཆགས་ཀྱི་ལྷག་མ་མེད་དེ། ལྷ་དང་མིའི་སྟོན་པར་གྱུར་ནས་ཐམས་ཅད་མཁྱེན་པ་དང་ལྡན་པས་སེམས་ཅན་རེ་རེའི་ཕྱིར་ཡང་བསྐལ་པ་མང་པོའི་བར་དུ་སེམས་ཅན
143a2 དམྱལ་བ་དང་། གནས་གཞན་དག་ཏུ་གནས་ཏེ། སྡུག་བསྔལ་སྣ་ཚོགས་དང་དུ་བླངས་ནས་སྐྱེ་ཤི་དང་ཉོན་མོངས་པའི་འཁོར་བ་ལས་ངེས་པར་འབྱུང་བ་འཐོབ་པར་བྱེད་པ་ལྟ་སྨོས་ཀྱང་ཅི་དགོས། དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་དེ
143a3 བཀའ་སྩལ་པ། ང་སྔོན་འདས་པའི་དུས་ཀྱི་ཚེ། །བསྐལ་པ་གྲངས་མེད་ཚད་མེད་སྙེད། །རེས་འགའ་ཡུལ་གྱི་རྒྱལ་པོ་བྱས། །རེས་འགའ་རྒྱལ་བུ་བྱས་པ་ན། །རྟག་པར་སྦྱིན་པ་ཆེར་བཏང་བས། །ཤིན་ཏུ་ཕངས་པའི་ལུས་བཏང་ནས། །འཁོར་བ་ལས་ནི་ངེས་བྱུང་སྟེ། །བྱང་ཆུབ
143a4 དམ་པར་ཕྱིན་པར་སྨོན། །སྔོན་བྱུང་ཡུལ་ཆེན་ཞིག་ཏུ་ནི། །ཡུལ་བདག་ཤིང་རྟ་ཆེ་ཞེས་བྱ། །རྒྱལ་བུ་དཔའ་བོ་ཞེས་བྱ་བ། །རྟག་པར་སྦྱིན་གཏོང་སེར་སྣ་མེད། །དེ་ལ་ཕུ་བོ་གཉིས་ཡོད་དེ། །སྒྲ་ཆེན་ལྷ་ཆེན་པོ་ཞེས་བྱ། །གསུམ་པོ་ལྷན་ཅིག་ཕྱིར་བྱུང་སྟེ། །མཐར་གྱིས་རི་དང་ནགས་ཚལ
143a5 ཕྱིན། །སྟག་མོ་བཀྲེས་པས་ཉེན་མཐོང་ནས། །འདི་འདྲའི་སེམས་ནི་སྐྱེས་པར་གྱུར། །སྟག་མོ་བཀྲེས་མེས་རབ་བསྲེགས་ཀྱང་། །གཞན་བཟར་རུང་བ་ཅི་ཡང་མེད། །སྐྱེས་ཆེན་དེ་འདྲ་མཐོང་ནས་ནི། །དེ་ཡིས་བུ་ནི་ཟོས་དོགས་ཕྱིར། །ཆགས་མེད་ལུས་ནི་རབ་བཏང་ནས། །བུ་སྐྱབས་སྨས
143a6 པ་མེད་པར་བྱས། །ས་ཆེན་དང་ནི་རི་རྣམས་ཀྱང་། །དུས་གཅིག་ཐམས་ཅད་རབ་ཏུ་གཡོས། །ཆུ་ཀླུང་རྒྱ་མཚོ་ཤིན་ཏུ་འཁྲུགས། །རླབས་དྲག་ཆུ་ནི་གྱེན་དུ་འབབ། །གནམ་ས་འོད་ནི་སྟོར་བས་ན། །མུན་ནག་ཅི་ཡང་མཐོང་བ་མེད། །ནགས་ཚལ་དགོན་པའི་གཅན་གཟན་རྣམས། །
143a7 འཕུར་རྒྱུག་གནས་ནི་ཡོངས་སུ་སྤངས། །ཕུ་གཉིས་ཅི་ཕྱིར་མ་ལོག་ཅེས། །མྱ་ངན་བརྩེ་བའི་སྡུག་བསྔལ་སྐྱེས། །གཡོག་འཁོར་མང་པོ་རྣམས་དང་ནི། །ནགས་ཚལ་ཀུན་དུ་ཡོངས་སུ་བཙལ། །སྤུན་གཉིས་ལྷན་ཅིག་རབ་འགྲོགས་ཏེ། །རི་གཟར་ནགས་སུ་ཕྱིན་ནས་ནི། །ཕྱོགས་བཞིར
iiif viewer powered by OpenSeadragon
