| e-texts navigator |
| Wylie |
80b1 རྒྱན་རྣམས་རབ་ཏུ་གཡོ་བའི་ལུས། །རབ་ཏུ་བསྐྱོད་དེ་ལངས་ནས་ནི། །སྡིག་བྲལ་མངའ་བདག་རྒྱལ་བ་ལ། །ཕྱག་འཚལ་ཐལ་མོ་སྦྱར་བྱས་ནས། །ཀུན་གྱིས་ས་ཡི་དབང་ཕྱུག་པོ། །ཐུབ་མཆོག་དམ་པ་དེ་ལ་ནི། །མཚན་བརྒྱ་རྩ་བརྒྱད་དག་གིས་བསྟོད། །མཉམ་ཉིད་ཆོས་དེ་དེ་བཞིན
80b2 ཉིད། །ཤིན་ཏུ་རྟོགས་པ་ལམ་མེ་བ། །དུལ་བ་བརྟན་པ་དྲི་མ་སེལ། །དྲི་མ་མེད་པ་སྐྱོན་བྲལ་བ། །ཐུབ་པ་སངས་རྒྱས་ཤིན་ཏུ་ཞི། །འཇིག་རྟེན་མགོན་པོ་སྐྱེ་དགུའི་བདག་།དེ་བཞིན་གཤེགས་པ་ཉོན་མོངས་ཐུལ། །དེ་བཞིན་རྒྱལ་བ་རྡུལ་བསལ་བ། །སྟོན་པ་སྟོན་མཛད་བརྟན་པ་སྟེ། །
80b3 སྡིག་པ་མེད་པ་རྡུལ་དང་བྲལ། །འཇིག་རྟེན་མགོན་པོ་སྣང་མཛད་པ། །དག་པ་ཞི་བ་ཟས་གཙང་སྲས། །ཉོན་མོངས་རབ་བཅོམ་ཕན་འདོགས་པ། །སྟོན་པ་པོ་སྟེ་དྲི་མ་སེལ། །སྤྱོད་ཚུལ་དྲི་མེད་ཚུལ་བཟང་བ། །ཟབ་པ་རྣམ་པར་གནོན་པ་བརྟན། །བཙན་པོ་ཐུགས་བརྩེ་རྣམ་པར་རྒྱལ། །
80b4 མགོན་པོ་དེ་བཞིན་མགོན་མཛད་པ། །ཞི་བའི་བདག་ཉིད་ཞེ་སྡང་བྲལ། །བཅིངས་པ་ལས་གྲོལ་ངེས་པར་གྲོལ། །འཇིག་རྟེན་ཀུན་མཆོག་འཁྲ་བའི་ས། །བདག་གིར་མི་འཛིན་དྲི་མ་མེད། །ཉོན་མོངས་སེལ་བ་དཔལ་དང་ལྡན། །དཔལ་མཛད་དེ་བཞིན་ཕན་པ་མཛད། །མཉམ་པ་མེད་པ་དཔེ་མེད
80b5 པ། །ཁྱབ་བདག་ཉོན་མོངས་ལས་རྣམས་སྤོང་། །ཁེངས་པ་མེད་པ་དམན་པ་མེད། །མཉམ་པ་དེ་བཞིན་མི་མཉམ་མཉམ། །སྣང་བ་བརྙེས་པ་སྣང་བྱེད་མེད། །འཇིག་རྟེན་སྣང་མཛད་སྡིག་མེད་པ། །སྒྲིབ་པ་ཐམས་ཅད་སྤངས་པ་སྟེ། །འཇིག་རྟེན་ཀུན་ལ་ཕན་པར་བརྩོན། །དཔའ་བོ་ཞི་བ་ཞི་མཛད
80b6 པ། །ཉོན་མོངས་དགྲ་རྣམས་ཟད་པར་མཛད། །མངའ་བདག་ཐབས་མཁྱེན་ཐབས་ཆེ་བ། །སེམས་ཅན་ཀུན་གྱི་འཁྲ་ས་ལགས། །དོན་ཡོད་རྙེད་དཀའ་བློ་དང་ལྡན། །རྡོ་རྗེའི་དཀྱིལ་འཁོར་ཐུབ་པར་དཀའ། །སྐྱོབ་པ་འཇིགས་སེལ་ཚངས་པ་སྟེ། །དེ་བཞིན་སངས་རྒྱས་ཆོས་འཛིན་པ། །དཔའ
80b7 བོ་ཆེན་པོ་འཇིགས་པ་མེད། །གཟུགས་བཟང་མཚན་རྣམས་གསལ་བ་སྟེ། །སུམ་ཅུ་རྩ་གཉིས་མཚན་མངའ་བ། །ཆོས་ཀྱི་ལོངས་སྤྱོད་རྒྱ་མཚོ་ལགས། །དཔེ་བྱད་བཟང་པོ་བཀོད་པ་ཡིས། །སྤྲས་པའི་བདག་ཉིད་ཡ་མཚན་སྟོན། །དཀའ་བ་མེད་པའི་སྟོན་པ་པོ། །དེ་བཞིན་དེས་པ་བདེ་སྦྱིན་པ། །
iiif viewer powered by OpenSeadragon
