| e-texts navigator |
| Wylie |
75b1 པོའམ། ལུས་སྲུལ་པོའམ། འབྱུང་པོའམ། བྲམ་ཟེའམ། སྲིན་པོའམ། གྲིབ་གནོན་ནམ། མི་དང་མི་མ་ཡིན་པ་གང་ལ་ལ་ཞིག་གམ། གཞན་སུ་ཡང་རུང་བ་ཞིག་གིས་གཟུངས་ཆེན་པོའི་གསང་སྔགས་ཀྱི་གཞི་འདི་དག་ལས་འགལ་བར་བྱེད་ན། ཏདྱ་ཐཱ། ཨག་གི་ལེ། །ཙག་གི
75b2 ལེ། བལ་ལེ། མལ་ལེ། ཨོ་ཧཱ་ནི། མོ་ཧཱ་ནི། ཛཾ་བྷ་ནི། སྟཾ་བྷ་ནི། བདག་དང་སེམས་ཅན་ཐམས་ཅད་ལ་སྲུངས་ཤིག་སྲུངས་ཤིག་སྭཱ་ཧཱ། རྒྱལ་པོ་ཆེན་པོ་ཡུལ་འཁོར་སྲུང་ཡང་ལྕགས་ཀྱི་འཁོར་ལོ་འབར་བ། རབ་ཏུ་འབར་བ། ཀུན་ཏུ་རབ་ཏུ་མཆེད་ཅིང་འབར་བ། མེ་ལྕེ་གཅིག་ཏུ་གྱུར་པས
75b3 དེའི་མགོ་ཚལ་པ་བདུན་དུ་འགེམས་སོ། །རྒྱལ་པོ་ཆེན་པོ་འཕགས་སྐྱེས་པོ་དང་། མིག་མི་བཟང་དང་། རྣམ་ཐོས་ཀྱི་བུ་ཡང་ལྕགས་ཀྱི་འཁོར་ལོ་འབར་བ་རབ་ཏུ་འབར་བ། ཀུན་ཏུ་རབ་ཏུ་མཆེད་ཅིང་འབར་བ་མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་དུ་འགེམས་སོ། །ལྷའི་དབང་པོ
75b4 བརྒྱ་བྱིན་ཡང་རྡོ་རྗེ་འཕེན་ཏོ། །གསང་བ་པའི་བདག་པོ་ལག་ན་རྡོ་རྗེ་ཡང་རྡོ་རྗེ་འབར་བ། རབ་ཏུ་འབར་བ། ཀུན་ཏུ་རབ་ཏུ་མཆེད་ཅིང་འབར་བ། མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་དུ་འགེམས་སོ། །དེ་རྒྱལ་པོའི་ཕོ་བྲང་ལྕང་ལོ་ཅན་དུ་གནས་སུ་མི་དབང་སྟེ། དེའི་མགོ་ཨརྫ་ཀའི
75b5 དོག་པ་བཞིན་དུ་ཚལ་པ་བདུན་དུ་འགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
75b6 འཕགས་པ་གཟུངས་ཆེན་པོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། @#། །རྒྱ་གར་སྐད་དུ།
75b7 ཨཱརྱ་སྭལྤཱ་ཀྵ་ར་པྲཛྙཱ་པཱ་ར་མི་ཏཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཡི་གེ་ཉུང་ངུ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན
iiif viewer powered by OpenSeadragon
