| e-texts navigator |
| Wylie |
75a1 བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཆང་བ་དང་། འཛིན་པ་དང་། ཀློག་པ་དང་། ཡིད་ལ་བྱེད་པ། ཀུན་ཆུབ་པར་བྱེད་པ་དེ་ཚེ་རབས་ཉི་ཤུ་རྩ་གཅིག་གི་བར་དུ་ཚེ་རབས་དྲན་པར་འགྱུར་རོ། །དེ་བྱང་ཆུབ་ཀྱི་སེམས་ལས
75a2 ཕྱིར་ལྡོག་པར་མི་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །ཏདྱ་ཐཱ། རུ་ལེ། མ་ཧཱ་རུ་ལེ། ཧེ་ཧེ་རི། མཏྟ་རི། ཛཾ་བྷ་ནི། སྟཾ་བྷ་ནི། ཀུན་དགའ་བོ་དད་པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི
75a3 དག་གི་ཤིང་སྐམ་པོ་བསྲུང་བའམ། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ནམ་མཁའ་བཅིང
75a4 བ་དང་། ས་བཅིང་བ་བྱས་ཏེ། དེ་ལ་སྲད་བུས་བཅིངས་ན་དེའི་རྩ་བ་ཡང་སྐྱེ་བར་འགྱུར། ཡལ་ག་དང་། ལོ་མ་དང་། ལྕུག་མ་དང་། མེ་ཏོག་དང་། འབྲས་བུ་ཡང་སྐྱེ་བར་འགྱུར་ན་རྣམ་པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས་ཏེ། ཀུན་དགའ་བོ་སྔོན་གྱི་ལས་ཀྱི་རྣམ་པར་སྨིན་པ་ནི
75a5 མ་གཏོགས་སོ། །ཀུན་དགའ་བོ་ཉི་ཟླ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་དབང་ཆེ་བར་གྲགས་པ་འདི་གཉིས་ནི་ས་ལ་ལྟུང་ཡང་སྲིད་དོ། །ཀུན་དགའ་བོ་རིའི་རྒྱལ་པོ་རི་རབ་གནས་ནས་གཡོ་ཡང་སྲིད་དོ། །ཀུན་དགའ་བོ་རྒྱ་མཚོ་ཆེན་པོ་འདི་ལྟར་ཟབ་པ། འདི་ལྟར་རྒྱ་ཆེ་ལ་འདི
75a6 ལྟར་རྫུ་འཕྲུལ་ཆེ་ཞིང་མཐུ་ཆེ་བ་བཞི་པོ་འདི་དག་ནི་སྐམས་ཤིང་ཡོངས་སུ་ཟད་དེ་མཐར་ཐུག་པར་འགྱུར་ཡང་སྲིད་དོ། །ཀུན་དགའ་བོ་ས་ཆེན་པོ་འདི་ནི་རྣམ་པ་སྟོང་དུ་འགྱེས་ཀྱང་སྲིད། ཆུ་ནི་གཤེར་བ་ཉིད་འདོར་ཡང་སྲིད། མེ་ནི་ཚ་བ་འདོར་ཡང་སྲིད། རླུང་ནི་གྲང་བ་འདོར་ཡང་སྲིད་ཀྱི་གཟུངས
75a7 ཆེན་པོའི་གསང་སྔགས་ཀྱི་གཞི་འདི་དག་ནི་སླུ་མི་སྲིད་དོ། །ཀུན་དགའ་བོ་ལྷའམ། ཀླུའམ། ལྷ་མ་ཡིན་ནམ། ནམ་མཁའ་ལྡིང་ངམ། རླུང་ལྷའམ། དྲི་ཟའམ། མིའམ་ཅིའམ། ལྟོ་འཕྱེ་ཆེན་པོའམ། གནོད་སྦྱིན་ནམ། སྲིན་པོའམ། སམ། ཤ་ཟའམ། གྲུལ་བུམ་མམ། སྲུལ
iiif viewer powered by OpenSeadragon
