| e-texts navigator |
| Wylie |
180a1 གསུང་ནི་འདི་སྐད་བཀའ་སྩལ་ཏོ། །རྡོ་རྗེ་སློབ་དཔོན་སྨོད་པ་དང་། །ཐེག་པ་ཆེན་པོ་སྤོང་བ་ནི། །བསྡུ་བའི་དངོས་པོར་བསྡུ་བར་བྱ། །དེ་ཡང་དབང་དུ་མ་གྱུར་ན། །ཁམས་གསུམ་སེམས་ཅན་ཐམས་ཅད་ནི། །སངས་རྒྱས་སྐུར་ནི་བསམས
180a2 ནས་སུ། །དེ་ཡིས་གསད་བསྒོམ་ཉེས་པ་བསྒྲག་།ཞལ་གསུམ་ཕྱག་དྲུག་རྡོ་རྗེ་འཛིན། །སྙིང་ག་ནས་ནི་སྤྲོས་བྱས་ལ། །དེ་ཡིས་བསྲུང་དང་འཇིག་རྟེན་ལྷ། །ཞགས་པ་དག་གིས་དྲངས་ནས་ནི། །ོ~ཾ་བཛྲ་ཙཎྜ་སརྦ་དུཥྚཾ་བེ་ཤ་ཛཿ། །མཚོན་ཆ་དག་གིས་བཅད་ལ
180a3 སོགས། །ོ~ཾ་བཛྲ་ཙཎྜ་སརྦ་དུཥྚཱ~ཾ་ཏ་ཀ་ཧ་ན་ད་ཧ་པ་ཙ་ཧཱུ~ཾ་ཕཊ། ཀླུ་ཡི་བཟླས་པ་འབུམ་བྱས་ཏེ། །ཉ་དང་འབྱུང་པོའི་ཉི་མ་ལ། །བདག་ཉིད་རྒྱན་དང་ལྡན་བྱས་ལ། །རྫས་དང་སྔགས་ཀྱིས་བསྲུང་བར་བྱ། །བཞི་མདོ་ལྷ་ཁང་དུས་ནམ་ཕྱེད། །སྔགས་ཀྱི་རྒྱལ་པོ་བཟླས་བྱས
180a4 ཏེ། །དེ་ནས་འཁོར་ལོ་བྲི་བར་བྱ། །སྟེང་འཁོར་འོག་འཁོར་དུག་ཤིང་གིས། །དགའ་དང་ལེགས་པའི་སེམས་ཀྱིས་བྲི། །རས་མ་ཉམས་ལ་གུར་གུམ་མཆོག་།དབུས་སུ་ཕྱག་ན་རྡོ་རྗེ་ལ། །དཔྲལ་བ་སྙིང་ག་ལྐོག་མ་རུ། །ཡི་གེ་གསུམ་བཀོད་སྐུ་གསུམ་སྟེ། །རྒྱན
180a5 དང་ཆ་ལུགས་ཚང་བར་བྲི། །འཁོར་ཡུག་ཐམས་ཅད་དུཥྚཾ་བྲི། །ཞབས་དང་སྤྱི་བོ་གཡས་དང་གཡོན། །ཟླ་བ་ཉི་མ་དབུས་སུ་ནི། །རྒྱལ་པོ་བཞི་ཡི་མཚན་མ་བྲི། །མཚམས་བཞིར་རྡོ་རྗེའི་གདན་ལ་ཧཱུ~ཾ། །འཁོར་ཡུག་ལ་ནི་ཤེས་རབ་ཐབས། །ཧཱུ~ཾ་ལས་དམ་ཚིག
180a6 སེམས་དཔའ་ལ། །ཡེ་ཤེས་སྤྱན་དྲང་མཆོད་དེ་ཞུ། །འོག་འཁོར་སྦལ་ནག་ཡན་ལག་ལྔ། །སྙིང་དང་དྲུག་ཏུ་མིང་རུས་གཞུག་།ཕྱོགས་བཞིར་རྩིབས་ལ་མཚམས་བཞིར་ཐོད། །རྩིབས་དང་ཐོད་པར་མིང་རུས་ཏེ། །ཁོར་ཡུག་གཉིས་ལ་བསྟོད་པས་བསྐོར། །སྦལ་ཁར
180a7 ཧྲི་ལས་འོད་བྱུང་བས། །ས་བདག་ཀླུ་ཆེན་བཀུག་སྟེ་མཆོད། །མཆོད་པའི་རྫས་ནི་འོ་མ་སོགས། །དེ་ནས་བསྒྲལ་བྱ་དགུག་བྱ་སྟེ། །སྐུ་གསུང་ཐུགས་ལ་ལེགས་གནས་པ། །མིང་དང་རུས་ལ་བསྟིམ་སྟེ་བཞག་།ཐོད་པ་ལས་སྲིན་ཧཱུ~ཾ་ལས་བསྐྱེད། །དེ་ལ་སྦྱོར་བ
iiif viewer powered by OpenSeadragon
