| e-texts navigator |
| Wylie |
179b1 སྤོས་ཀྱིས་ནི། །དེ་ཡི་སྣ་ནས་བདུག་པར་བྱ། །སྔགས་རྒྱལ་ནཱ་ག་བོར་ནས་ནི། །མཱ་ར་ཛི་ཧ་གཞུག་པར་བྱ། །དེ་ནི་རིགས་ངན་ཐོད་པར་གཞུག་།མཆོད་རྟེན་འོག་ཏུ་མནན་པར་བྱ། །དེ་སྟེང་དུག་གསུམ་མགོ་བོ་ནི། །ོ~ཾ་ཨཱཿཧཱུ~ཾ། དར་དཀར་གཅིག་གིས་ཕུར་བྱས
179b2 ལ། །རིམ་པ་དང་པོར་གཞུག་པར་བྱ། །དེ་སྟེང་རིམ་པ་ལྔ་པ་ལ། །ཤ་ཆེན་ལ་སོགས་ལྔ་པོ་དག་།ཧཱུ~ཾ་ཏྲ~ཾ་ཧྲིཿཱ་ཨ། ར་རོག་ཁ་རུ་གཞུག་པར་བྱ། །རིམ་པ་བཞི་པ་དག་ལ་ནི། །འཁོར་ལོ་གཞུག་པར་བྱ་བ་དེ། །ཡ~ཾ་ལས་རླུང་དང་ར~ཾ་ལས་མེ། །དེ་སྟེང་འཁོར་ལོ
179b3 རྩིབས་བརྒྱད་བྲི། །དེ་སྟེང་ཉི་མ་ཟླ་བ་སྟེ། །འཁོར་ལོ་དབུས་ཀྱི་ལྟེ་བ་ལ། །དགྲ་བོའི་མགོ་བོ་ཐུར་བསྟན་བྲི། །དེ་ཡི་སྙིང་གར་མིང་བྲིའོ། །འཁོར་ལོ་ཡི་ནི་རྩིབས་བརྒྱད་ཏེ། །རྩིབས་ལ་སྔགས་ཀྱིས་བསྐོར་བར་བྱ། །མིང་ལས་བསྒྲུབ་བྱ་ཧཱུ~ཾ་ལས་སྟོན། །འོག
179b4 གི་ལས་ནི་གཉིས་ཀྱང་བྲི། །ཁྲ་དང་སྤྱང་ཀི་ལ་སོགས་པའི། །ཐོད་པར་གཟུགས་བརྙན་བཅུག་ནས་ནི། །ཡུངས་ཀར་དག་གིས་བྲབ་བྱས་ལ། །རང་གི་འོག་ཏུ་གནན་པར་བྱ། །གུ་གུལ་ནག་པོའི་སྤོས་དག་གིས། །དེ་ཡི་སྣ་ནས་བདུག་པར་བྱ། །སེང་ལྡེང་ཕུར་བུ་སོར
179b5 བཞི་པ། །གདབ་པའི་སྔགས་ཀྱིས་ལྕེ་ལ་གདབ། །རྡོ་རྗེ་རྒྱ་གྲམ་དག་གིས་ནི། །དེ་ཡི་བུ་ག་པ་དགབ་པར་བྱ། །ཉ་དང་འབྱུང་པོའི་ཉི་མ་ལ། །ཕུར་བུ་བསྐུལ་ཞིང་ཡུངས་ཀར་བརྡེག་།དེ་ནས་རིག་སྔགས་འཆང་དེ་རྣམས་ཀྱིས་ཆེད་དུ་བརྗོད་པ་འདི་ཆེད་དུ་བརྗོད་དོ། །
179b6 ཨེ་མའོ་སྟོན་པ་ཁྱད་པར་འཕགས། །ེ་མའོ་ཐབས་ཀྱང་ཁྱད་པར་འཕགས། །ེ་མའོ་འཁོར་ཡང་ཁྱད་པར་འཕགས། ཁྱད་པར་འཕགས་པ་ངོ་མཚར་ཆེ། །འཇིག་རྟེན་གསུམ་འདུལ་བའི་རྒྱུད་ལས་ས་བླ་འདུལ་བའི་ལེའུ་སྟེ་གསུམ་པའོ།། །།དེ་ནས
179b7 འཇིག་རྟེན་གྱི་ཁམས་གཞན་ནས་བྱོན་པའི་བཅོམ་ལྡན་འདས་འཁོར་དང་བཅས་པས་མཆོད་ཅིང་ཕྱག་འཚལ་ནས་གསོལ་བ་བཏབ་པ། བསད་པ་ལས་ཀྱི་འཁོར་ལོ་འདི། །ས་སྟེང་འདུལ་བར་བྱ་བའི་ཕྱིར། །རྡོ་རྗེ་ཆེན་པོས་བཤད་དུ་གསོལ། །དེ་ནས་སྟོན་པ་རྡོ་རྗེ་འཛིན། །
iiif viewer powered by OpenSeadragon
