| e-texts navigator |
| Wylie |
179a1 འོད་ཟེར་འཕྲོས་པས་བཅོམ་ལྡན་བསྡུ། །འོད་ཟེར་གཉིས་པའི་རྩེ་མོ་ལས། །མཆོད་པ་རྣམ་པ་བཅུ་སྤྲོས་ཏེ། །བཅོམ་ལྡན་ཚོགས་ལ་མཆོད་པ་བྱ། །དེ་ནས་ཡང་དག་བསྟོད་བྱས་ལ། །འོད་ཟེར་གསུམ་པས་སྙིང་གར་གཞུག་།སྙིང་གའི་མཚན་མ་ཟླ་དཀྱིལ
179a2 ཐིམ། །བཛྲ་ཉི་ཤུ་གཅིག་དབུས་གནས། །དེ་ལ་སྔགས་རྒྱལ་བསྐོར་བར་བྱ། །སྔགས་ནི་རྣམ་པ་བཞི་རུ་བཤད། །མིང་དང་དོན་དང་སྤེལ་བ་དང་། །བཟླས་པ་དག་དང་རྣམ་པ་བཞི། །བཟླས་པ་རྣམ་པ་བཅུ་དྲུག་ཏུ། །རྒྱུད་འདི་ལས་ནི་རབ་ཏུ་གྲགས། །རྡོ་རྗེ་ཡི་ནི་བཟླས་པ
179a3 དང་། །རིན་ཆེན་པདྨའི་བཟླས་པ་དང་། །ལས་ཀྱི་བཟླས་པ་བཞི་པོ་དག་།ལས་བཞི་པོ་ནི་རང་བཞིན་ཅན། །རང་བཞིན་རྡོ་རྗེའི་བཟླས་པ་དང་། །དྲག་པོའི་ལས་དང་ཟོ་ཆུན་རྒྱུད། །མགལ་མེའི་འཁོར་ལོའི་བཟླས་པ་དང་། །མདའ་དང་སྦྲུལ་གྱི་བཟླས་པ་དང་། །འགོག་པ་ཡི་ནི
179a4 བཟླས་པ་དང་། །སྐུ་བསྲུངས་བཀའ་ཉན་བཟླས་པའོ། །ཁྱབ་འཇུག་མདུང་དང་ཚངས་པའི་གཞུ། །མར་མེ་ལྟ་བུའི་བཟླས་པའོ། །བཟླས་པའི་མཚན་མའི་རང་བཞིན་ཏེ། །རྟག་ཏུ་ལྷ་རྣམས་བུམ་པ་ཡིས། །དབང་བསྐུར་བྱེད་པ་བྱུང་བའམ། །ཡང་ན་ལོ་བརྒྱད་ལོན་པ་འབྱུང་། །
179a5 ཡང་ན་མེ་ཏོག་སྔོན་པོ་སྟེ། །མ་བྱུང་ན་ཡང་དུས་བསྙེན་བྱ། །དེ་ནས་བསྒྲུབ་པ་བརྩམ་པར་བྱ། །དཀྱིལ་འཁོར་རྣམ་པ་བཞི་རུ་བཤད། །ཞི་རྒྱས་བསྡུས་དང་དྲག་པོ་སྟེ། །འདིར་ནི་དྲག་པོའི་གཙོ་བོའོ། །དཀྱིལ་འཁོར་ཉམས་སུ་བླང་བའོ། །བླ་མ་ལྔ་རུ་ཤེས་པར་བྱ། །བདག
179a6 ཉིད་རྒྱན་དང་ལྡན་པ་ལ། །ཤར་གྱི་ཕྱོགས་སུ་བལྟ་བར་བྱ། །ཆོ་ག་གསུམ་གྱིས་དབྱུང་བའོ། །དཔལ་བེའུ་ཞུ་བ་རྡོ་རྗེར་གྱུར། །དཀྱིལ་འཁོར་དབུས་ཀྱི་ལྟེ་བ་ལ། །བཅོམ་ལྡན་ཆོ་ག་བཞིན་དུ་བསྐྱེད། །ཡེ་ཤེས་སེམས་དཔའ་སྤྱན་དྲངས་ལ། །དཔལ་བེའུ་ཞུ་བས་ཡེ་ཤེས་སོ། །
179a7 མཐའ་མ་སྐར་མ་ལྟ་བུ་ཡི། །རང་བཞིན་དཔལ་བེའུ་ཧཱུ~ཾ་དང་ནི། །ཡེ་ཤེས་སེམས་དཔའི་ཐུགས་དཀྱིལ་ལས། །སྔགས་ཀྱི་འཁོར་ལོ་བསྐོར་བར་བྱ། །དེ་ཡི་དབུས་སུ་བསྒྲུབ་བྱ་གཞག་།ཧཱུ~ཾ་ལས་བསྐྱེད་པའི་ཕུར་བུ་ནི། །དེ་ཡི་ལྕེ་ལས་བརྟེན་པར་བྱ། །གུ་གུལ་ནག་པོའི
iiif viewer powered by OpenSeadragon
