| e-texts navigator |
| Wylie |
176a1 ཕྲེང་བའི་རིལ་བུ་རེ་དང་ལྷ་རེ་སྔགས་རེ་བཅས་ནས་སྙིང་གར་གཟུང་། །རྣལ་འབྱོར་འདི་རྣམས་རྣམ་པར་དཔྱད་ཅིང་འགྲོ་ལ་འཇུངས་པའི་སེམས་ལྡན་པས། །བདག་དང་གཞན་ལ་ཕན་པའི་ཕྱིར་དུ་རྟོག་པ་བཤད་པ་བྱས་པ་ཡིན། །རྡོ་རྗེ་ས་འོག་ཏུ་རྒྱུ་བ་ལས་རྟོག་པ
176a2 བཞི་པའོ། ། །།དབྱར་ཁ་སྐྱེས་པའི་རྩཝ་དང་ནགས་ཚལ་ལས་བྱུང་མེ་མཆེད་ལྟར། །རླུང་གིས་གྲོགས་བྱས་བསྲེགས་ནས་ཐལ་བའི་ལྷག་མའང་མ་ལུས་བཞིན། །བསྐལ་པ་དཔག་མེད་སྐྱེས་པའི་རྟོག་པའི་དྲི་མའི་རྨ་རྣམས་ལ། །བསྲུང་བ་དད་དང་བརྩོན་འགྲུས་སྔགས
176a3 བཟླས་སེམས་དག་མེ་ཡིས་བསྲེག་། ཉི་མའི་སྙིང་པོ་འཛམ་བུའི་གླིང་གི་དབུས་སུ་རིགས་བཟུང་སྟེ། །སྐྱེས་པ་དང་ནི་བུད་མེད་དབང་པོ་སྐྱོན་མེད་ཚུལ་ཁྲིམས་ཅན། །སྐྱེ་བ་སྔ་མའི་ལམ་ཤུགས་དག་དང་བླ་མའི་ལུང་ཐོབ་པ། །དད་དང་སྙིང་རྗེའི་སེམས་ཅན་གཏོང་བའི་བློ་དང་ལྡན་པ
176a4 དེས། །རིག་པའི་ཁྲོ་བོ་བསྒོམ་དང་དེ་རྗེས་དེ་ནི་བཟླས་འབད་ན། །བསྟོད་དང་མཆོད་མཉེས་བྲན་གཡོག་ལྷ་མིན་གསང་བ་བརྙས་མེད་ཅིང་། །ཆུ་ཡི་མཆོད་སྦྱིན་འཁོར་ལོ་དག་དང་གཏོར་མ་ལ་བརྩོན་ཞིང་། །སྦྱིན་སྲེག་རྣམས་ཀྱིས་ལྷ་དང་བྲན་གཡོག་མཉེས་བྱས་ན། །རིང་པོར
176a5 མི་ཐོགས་སྒྲུབ་པ་པོ་དེས་རྟགས་དང་ཕྱག་རྒྱ་འབྱིན་པར་འགྱུར། །འདིར་ནི་མང་དུ་སྨྲ་མི་དགོས། །སྔར་ནི་རྡོ་རྗེ་ས་འོག་ཏུ། །བཤད་པའི་མཚན་མ་སྟེར་བར་འགྱུར། །ཟངས་ལྕགས་བླ་མའི་གནང་བྱའོ། །ལུས་སོགས་རིག་པའི་དབང་བསྐུར་ནས། །མེ་དང་རླུང་སོགས་འབྱུང་བ
176a6 དང་། །ནད་དང་གདོན་དང་བྱད་རྣམས་དང་། །བདུད་ཀྱིས་གླགས་ནི་རྙེད་མི་འགྱུར། །མེ་ལྕེ་ཕྲེང་བའི་རྟོག་པ་ལས། །བཤད་པའི་འཆི་བའི་སྦྱོར་བྱུང་ན། །སེར་སྣ་འདི་ནི་ཕ་རོལ་འཕང་། །སྨོན་ལམ་ལམ་སྣ་ལ་བརྟེན་ནས། །འདི་འོག་བྱང་ཆུབ་སེམས་དཔའ་ནི། །འགྲོ་བ་སྨིན
176a7 པའི་བླ་མར་འགྱུར། །ཡང་ན་སྲིད་པ་བར་མ་དོར། །སྔགས་ཀྱིས་རྣམ་ཤེས་གཟི་བསྐྱེད་ནས། །འགྲོ་ཕན་རིག་འཛིན་གྱུར་ནས། །དེ་ཡི་འོག་ཏུ་སེམས་དཔའོ། །ཐ་མའང་ལམ་བརྟེན་ནས་ནི། །རང་འདོད་པ་ཡི་ལུས་རྙེད་ནས། །སྔ་མ་ལམ་སེལ་དེ་འོག་ཏུ། །དངོས་གྲུབ་ལ་ནི
iiif viewer powered by OpenSeadragon
