| e-texts navigator |
| Wylie |
175b1 གནས་དང་། ལྔས་རྩེན་དང་། པི་ཙི་ཀུཎྜ་ལི་རྣམས་ལ་མཁོ་བ་སྦྱིན་པར་བྱའོ། །འདི་རྣམས་རྟ་ལ་བཅིབས་པ་ལ། །འོད་དང་ལྡན་ཞིང་མེ་ལོང་ཅན། །རས་དཀར་གཙང་མས་གསལ་བྱས་ལ། །གསལ་སྣང་ཀུན་ནི་བྲི་བར་བྱ། །ཡང་ན་ཀུན་ཀྱང་སྦྲུལ་ནག་བཅིབས། །འཇིགས
175b2 པའི་མཚོན་ཆ་ཕྱག་ན་བསྣམས། །བསྐུལ་བ་དག་པར་དབང་བྱས་ན། །མངོན་སྤྱོད་ལས་ཀུན་བྱེད་པར་འགྱུར། །དྲག་པོ་དགུ་དང་ཉི་ཤུ་བརྒྱད། །ས་གསུམ་ཁྱབ་པ་སྤྲོས་ནས་ནི། །སྔགས་གྲུབ་སྟོབས་ཀྱིས་བདག་བྲན་བྱེད། །དུས་ཚོད་དུས་ལ་མཆོད་པར་བྱེད། །དེ་ནས
175b3 དབུལ་བས་འཇིགས་པ་ལ། །རྨུགས་འཛིན་བསྒྲུབ་པ་ཡིད་འོང་བཤད། །ཀུན་ཀྱང་གཏེར་རྣམས་མནན་པ་ལ། །རིན་ཆེན་འབར་བས་ཁྱིམ་འགེངས་པ། །སྐྱོར་གང་རྡོ་རྗེ་ཆུས་འགྲུབ་འགྱུར། །པདྨ་ཟླ་དང་གཏེར་ཆེན་ལ། །ཛོ~ཾ་ལས་བྱུང་བའི་གནོད་སྦྱིན་དགུ། །བཀུག
175b4 ལ་རང་རང་གསང་སྔགས་ཀྱིས། །ཆུ་དང་བཅས་པའི་མཆོད་སྦྱིན་དབུལ། །འདི་ནི་སྔགས་ཀྱི་རྐང་པ་རྣམས་སོ། །ོ~ཾ་བཻ་ཤྲ་པ་ཎཱ་ཡ་སྭཱ་ཧཱ། ཨོ~ཾ་ཛཾ་བྷ་ལཱ་ཡ་སྭཱ་ཧཱ། ཨོ~ཾ་པཱུརྞ་བྷ་དྲཱ་ཡ་སྭཱ་ཧཱ། ཨོ~ཾ་མ་ཎི་བྷ་དྲཱ་ཡ་སྭཱ་ཧཱ། ཨོ~ཾ་ཀུ་བེ་རཱ་ཡ་སྭཱ་ཧཱ། ཨོ~ཾ་སཾ་པྲ་ཛྙ་ནཱ་ཡ་སྭཱ་ཧཱ། ཨོ~ཾ་གུ་ཧྱ་སྠཱ་ནཱ་ཡ
175b5 སྭཱ་ཧཱ། ཨོ~ཾ་པཱཉྩི་ཀཱ་ཡ་སྭཱ་ཧཱ། ཨོ~ཾ་པི་ཙིཀུཎྜ་ལི་ནེ་སྭཱ་ཧཱ། དེ་ནས་ཡང་དག་སྤྱོད་པའི་མཆོག་།ལྷ་ཡི་བརྟུལ་ཞུགས་དག་པ་བཤད། །དུས་རྣམས་ཀུན་དུ་དར་རས་གཙང་མའི་གོས་སྔོན་བྱིན་གྱིས་བརླབ་བྱ་ཞིང་། །བྲམ་ཟེའི་རིགས་ལྟར་དྲི་ཅན་ཟས་དང་འགྲོ་མགྱོགས་ཤ་ལས་རིང
175b6 དུ་འདུག་། སྨྱུང་བར་གནས་ཤིང་ཆུས་བཀྲུས་དཀར་གསུམ་དག་དང་གཙང་བའི་ཟས་ཟ་ཞིང་། །ངག་གི་རླུང་བསྡམས་དད་དང་སྙིང་རྗེས་ཡིད་བརླན་རྟག་ཏུ་བརྩོན་པར་འཇུག་།བསམ་གཏན་ཁང་པ་མདོག་ནི་སྔོ་བསྒྱུར་བ་ལྕི་དྲི་ཞིམ་ཆུ་ཡིས་བྱུགས། །དཀར་དང་སྔོ་བའི་མེ་ཏོག
175b7 བཀྲམ་ལ་སྐུ་གདུང་བླ་མ་མདུན་བཞག་ལ། །ཆོ་རིགས་བཙུན་པའི་སྒྲུབ་པོས་གོས་དཀར་བགོས་ལ་ཀུ་ཤའི་སྟན་ལ་འདུག་།སྙིང་རྗེས་ཁྲོས་པའི་རིག་སྔགས་དམ་པ་དག་ཅིང་མཛེས་པར་བཟླས་པར་བྱ། །རུ་དྲཱཀྵ་ཡི་བགྲང་ཕྲེང་བརྒྱ་ཕྱེད་བྱིན་གྱིས་བརླབས་ལ་ལག་གཡས་གཟུང་། །
iiif viewer powered by OpenSeadragon
