| e-texts navigator |
| Wylie |
174a1 སྤངས་པའོ། །རྡོ་རྗེ་ས་འོག་ཏུ་རྒྱུ་བ་ལས་རྟོག་པ་གཉིས་པའོ།། །།དེ་ནས་ཁམས་གསུམ་རྣམ་རྒྱལ་པོ། །སྔར་ནི་སྤྲུལ་པ་བཅུ་དྲུག་པོས། །རྟོག་པ་བཅུ་ཕྲག་དང་བཞི་ཡང་། །གཉིས་ཀྱིས་རིག་པ་འཇོམས་བྱེད་འདིར། །སྤྲུལ་པ་བརྒྱད
174a2 དུ་བསྡུས་པ་དང་། །བདག་ཉིད་གཅིག་བུ་བསྒོམ་པའང་གསུངས། །ནམ་མཁའི་ཁམས་སུ་འབྱུང་བཞི་བསམ། །རི་རབ་ལྷུན་པོ་ཧྲཱི་ཡིག་ལས། །པདྨ་འདབ་གྲངས་ལྟེ་བ་ལ། །ཟླ་བའི་དཀྱིལ་འཁོར་རྫོགས་པའོ། །ཧཱུ~ཾ་ལས་བྱུང་བའི་ཁྲོ་བོ་ནི། །ཞལ་གཅིག་ཕྱག
174a3 བཞིན་བཟའ་སྔོ། །རྡོ་རྗེ་དྲིལ་བུ་མདའ་གཞུ་འགེངས། །སྦྲུལ་དང་མི་སྡུག་མགོས་བརྒྱན་ཅིང་། །སྟག་ལྤགས་སྨད་དཀྲིས་འཇིགས་སེལ་བ། །ཁྲོ་བོ་རྣམ་རྒྱལ་བསྒོམ་པར་བྱ། །ཐུགས་ཀའི་ཧཱུ~ཾ་གི་སྦྱོར་བ་ཡིས། །ཤར་ལ་སོགས་པའི་ཕྱོགས་མཚམས་སུ། །འཇིག
174a4 རྟེན་གསུམ་སྣང་རྡོ་རྗེ་དང་། །འཇིག་རྟེན་གསུམ་འདུལ་རིན་ཆེན་དང་། །འཇིག་རྟེན་གསུམ་འཆིང་པདྨ་དང་། །འཇིག་རྟེན་གསུམ་འཇིག་ལས་ཉིད་དག་།གཡས་རྣམས་རང་མིང་མཚན་མ་ལ། །གཡོན་རྣམས་གདུག་པ་བསྡིགས་པའོ། །བདུད་རྩི་འཁྱིལ་དང་དབྱུག་སྔོན
174a5 དང་། །མི་གཡོ་བ་དང་རྟ་མགྲིན་ཁྲོ། །རྡོ་རྗེ་དང་ནི་དབྱུག་པ་དང་། །རལ་གྲི་པདྨ་གཡས་རྣམས་སོ། །གཡོན་པ་གདུག་པ་བསྡིགས་པའོ། །བརྒྱད་ཀྱི་དབུས་ན་ཁྲོ་བོ་བདག་།འཇིག་རྟེན་གསུམ་གྱི་འཁྲུལ་པ་སྦྱོང་། །དབྱུག་པ་ནག་སོགས་ཕོ་ཉ་བཞི། །སྐུ་མདོག་མཚན
174a6 མས་བརྒྱན་པ་ཁྲོས། །ལྕགས་ཀྱུ་ལ་སོགས་སྒོར་གནས་པ། །ཁྲོ་བོའི་འཁོར་ལོ་འཇིགས་སེལ་བསྒོམ། །གཙོ་བཅས་རིག་པའི་ཁྲོ་བོ་ཀུན། །རྒྱུ་མའི་ཕྲེང་བས་དོ་ཤལ་བྱས། །གོས་སྔོན་ཅན་ལ་སྟག་ལྤགས་དཀྲིས། །གདུག་པ་སེལ་བའི་ལམ་དུ་བསྒོམ། །དེ་ནས
174a7 ཁམས་གསུམ་རྣམ་རྒྱལ་གཙོ། །ཁྲོ་བོའི་མཚན་ཉིད་སྔགས་བཅས་བཤད། །དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱིས་རྗེས་སུ་གནང་བ། མཆེ་བ་གཙིགས་པ་དང
iiif viewer powered by OpenSeadragon
