| e-texts navigator |
| Wylie |
172b1 @##། །རྒྱ་གར་སྐད་དུ། བཛྲ་བྷཱུ་མི་ཏྲི་ཙ་ར་ཎི་རཱ་ཛ་ཀལྤ་ནཱ་མ། བོད་སྐད་དུ། རྡོ་རྗེ་ས་གསུམ་དུ་རྒྱུ་བ་ཞེས་བྱ་བའི་རྟོག་པའི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དེ་ནས་གསང་བའི་དབང་ཕྱུག་པོ། །ཤཱཀ་ཐུབ་ཀྱིས་ནི་རིགས་ཁྲོ་བོ། །ཕྱིས
172b2 ཀྱི་རྟོག་པ་ལས་རྒྱལ་བྱེད། །རྟོག་པའི་བླ་མ་འདི་མཆོག་བཤད། །ལྷ་དང་སྔགས་དང་སྦྱོར་བ་ཡིས། །རྟོག་པས་རྟོག་པ་འཇོམས་པའི་ལམ། །རྟོག་པ་མེད་པའི་རིག་པ་ཡིས། །ཁྲོ་བོའི་དབང་ཕྱུག་ཞི་བ་བརྙེས། །དང་པོ་ཕྱག་འཚལ་དེ་འོག་ཏུ། །བཞི་པ་ཡི་ནི་ལྔ་པ་ལ། །
172b3 དབྱངས་ཡིག་གསུམ་པས་མཛེས་པར་བྱས། །དྲུག་པའི་གསུམ་པ་བླང་བྱས་ལ། །འོག་ཏུ་དབྱངས་ཀྱི་གཉིས་པས་བརྒྱན། །དེ་ལ་ཟླ་ཕྱེད་དང་ཐིག་ལེ། །ལྔ་པའི་བཞི་པ་ཉིད་དང་ནི། །དྲུག་པའི་གཉིས་པར་ཉིད་དང་ཡང་། །བཞི་པའི་བཞི་པ་ཡང་དེ་བཞིན། །ཡང་ནི
172b4 མེ་ཡི་ས་བོན་དང་། །ལྔ་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ཡི། །འོག་ཏུ་མེ་ཡི་ས་བོན་ནོ། །ལྔ་པའི་དང་པོ་ཉིད་དང་ཡང་། །གསུམ་པའི་སྡེ་པ་ལྔ་པ་ལ། །དབྱངས་ཡིག་གསུམ་པས་བརྒྱན་པ་དང་། །དེ་ནས་རྡོ་རྗེ་སེམས་དཔའ་འདོད། །ལག་ན་རྡོ་རྗེའི
172b5 སྙིང་པོའོ། །ལྔ་པ་ཡི་ནི་གཉིས་པ་ལ། །གསུམ་པའི་དང་པོ་མཐར་བཞག་པ། །འདི་རྣམས་རིག་སྔགས་དབང་བྱེད་པ། །གང་གཱ་ཀླུང་བཅུའི་བྱེ་སྙེད་ཀྱི། །སངས་རྒྱས་ཁྲོ་བོ་བྱང་ཆུབ་སེམས། །འབྱུང་པོར་བཅས་པ་འགུགས་མཛད་དོ། །རིག་སྔགས་རྣམས་ནི་ལྷ་ཉིད
172b6 དེ། །སྟོང་དང་སྙིང་རྗེ་འདྲེས་པ་ཡི། །ལྷ་འདི་སྙིང་གའི་སྦྱོར་བ་རུ། །ལེགས་པར་བཞག་པ་བསམ་པར་བྱ། །ལུགས་སུ་བྱུང་དང་བཟློག་པ་ཡི། །སྔགས་འདི་བཟླས་དང་བྲི་བར་བྱ། །ཕཊ་ཧཱུ~ཾ་ཎི་པཱ་ཛྲ་བ་རདྷ་ར་བ་ལཱཾ་ནཱི་ཨོ~ཾ། རིག་སྔགས་འབུམ་ཕྲག་བཟླས་པ་དང་། །ཡི་གེ
172b7 རེ་ལ་འབུམ་ཕྲག་དང་། །དེ་ལས་ལྷག་པའི་སྦྱོར་བ་ཡིས། །སྒྲུབ་པ་པོ་ཡི་བསམ་པ་ནི། །ཞི་དང་རྒྱས་དང་དབང་དགུག་དང་། །བསྐྲད་དང་དབྱེ་རེངས་བསད་པ་དང་། །ལས་ནི་གང་གང་འདོད་པ་དེས། །སྙིང་གར་སྦྱོར་བ་རིམ་བཞིན་བསྒྲུབ། །ལུས་གཙང་སྙིང་རྗེར་ལྡན་པ
iiif viewer powered by OpenSeadragon
