| e-texts navigator |
| Wylie |
264b1 ཕྱག་མཚན་གྱི་དེ་ཁོ་ན་ཉིད་དོ། །ཀུན་མཆོག་དངོས་གྲུབ་ཆེན་པོ་ཡི། །དབང་ཕྱུག་ཆེན་པོའི་མཚོན་ཆ་ཆེ། །གསང་བ་ལྔ་ཡི་དེ་ཉིད་ཆེ། །རྡོ་རྗེ་རྩེ་ལྔ་ཞེས་བརྗོད་དོ། །དེ་ནས་རིགས་ཐམས་ཅད་ཀྱི་ཕྱག་མཚན་གྱི་དེ་ཁོ་ན་ཉིད་ཤེས་པ་ནི། སངས་རྒྱས་ཐམས་ཅད་སངས་རྒྱས་ཉིད། །སྣ་ཚོགས་བྱ་བར་རྡོ་རྗེ་ཅན། །འཇིག་རྟེན་དབང་ཕྱུག་རྡོ་རྗེ
264b2 ཆོས། །ནོར་བུ་ནོར་བུ་བསགས་པའོ། །ཞེས་བྱ་བ་དབང་བསྐུར་བ་ཐམས་ཅད་ཀྱི་ཕྱག་མཚན་གྱི་དེ་ཁོ་ན་ཉིད་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་ཇི་ལྟར་ཐམས་ཅད་དགུག་པའི་རྒྱུད་ཡིན་ཞེ་ན། །རྟོག་པ་ཐམས་ཅད་གསང་ཆེན་གྱི། །རྡོ་རྗེ་ལྕགས་ཀྱུ་དྲིལ་བཅས་པས། །བཀུག་སྟེ་དེ་ནས་རྗེས་བསྒྲུབ་པ། །
264b3 དྲིལ་བུ་ཉིད་ཀྱིས་བྱ་བ་ཡིན། །ཇི་ལྟར་མཆོད་པ་ཐམས་ཅད་ཀྱི་ཆོ་ག་ཡིན་ཞེ་ན། རྟོག་པ་ཀུན་གྱི་གསང་ཆེན་གྱིས། །རབ་ཏུ་དགའ་བས་མཆོད་ནས་ནི། །གླུ་དང་རོལ་མོ་རྣམ་འཕྲུལ་བས། །མཆོད་དེ་སླར་ཡང་རྣལ་འབྱོར་མཆོད། །དེ་ལ་ཇི་ལྟར་དངོས་གྲུབ་ཐམས་ཅད་ཀྱི་བྱིན་གྱིས་བརླབས་པའི་དམ་ཚིག་ཆེན་པོའི་དེ་ཁོ་ན
264b4 ཉིད་ཡིན་ཞེ་ན། རྟོག་པ་ཀུན་གྱི་གསང་ཆེན་གྱིས། །ཕྱག་རྒྱ་ཀུན་གྱིས་ལེགས་བྱིན་བརླབས། །དམ་ཚིག་ཆེན་པོ་འདི་ཉིད་ཀྱིས། །རང་ཉིད་བསྒྲུབས་ནས་སྙིང་པོ་བཟླས། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་བསྙེམས་པའི་བདག་པོའི་བདག་།
264b5 ཅེས་བྱ་བ་མཆོག་དང་པོའི་སྐྱེས་བུའོ། །དེ་ལ་ཇི་ལྟར་རང་ལྷག་པའི་ལྷ་ཐམས་ཅད་ཀྱི་སྒྲུབ་པ་ཆེན་པོའི་རྒྱུད་ཡིན་ཞེ་ན། བརྟན་པ་དང་ནི་གཡོ་བ་དང་། །རྟོག་པ་ཀུན་ལས་བསྒྲུབ་བྱ་གང་། །རང་གི་ལྷག་པའི་ལྷ་སྦྱོར་བས། །དེ་དག་ཐམས་ཅད་བསྒྲུབ་པར་བྱ། །དེ་ནས་ཐམས་ཅད་རྗེས་སུ་སྒྲུབ་པའི་རྒྱུད་ནི། རྡོ་རྗེ་དྲིལ་བུ་འཛིན
264b6 གྱུར་ནས། །རྡོ་རྗེ་དྲིལ་བུ་རབ་སད་ཅིང་། །རྟོག་པ་ཐམས་ཅད་རྗེས་བསྒྲུབས་པས། །མཆོག་དང་ལས་སོགས་འགྲུབ་པར་འགྱུར། །དེ་ལ་ཇི་ལྟར་འབད་པ་མེད་པ་ཐམས་ཅད་སྒྲུབ་པའི་རྒྱུད་ཡིན་ཞེ་ན། བསྒྲུབ་བྱ་ཅི་འདོད་བསྒྲུབས་ནས་ནི། །ཕྱི་ནས་ཇི་ལྟར་འདོད་པ་ཡིས། །ཅི་འདོད་སྤྱོད་པ་ལ་སྤྱོད་ཅིང་། །ཐམས་ཅད་བྱེད
264b7 ཅིང་ཐམས་ཅད་བཟའ། །ལངས་པའམ་ནི་འདུག་པའམ། །གང་དང་དེ་རུ་འཆག་པའམ། །དགོད་པ་དང་ནི་སྨྲ་བའམ། །གང་དེར་ཇི་བཞིན་དེ་བཞིན་ནོ། །དབང་པོ་གང་དང་གང་ལམ་གྱུར། །དེ་དང་དེ་ཡི་ངོ་བོར་བྱ། །མཉམ་པར་བཞག་ནས་རྣལ་འབྱོར་གྱིས། །རང་གི་ལྷག་པའི་ལྷ་སྦྱོར་བྱ། །དེ་ཉིད་རྣལ་འབྱོར་འདི་ཡིས
iiif viewer powered by OpenSeadragon
