| e-texts navigator |
| Wylie |
263a1 འདས་ཇི་ལྟར་ཡིན་ཞེ་ན། ཀུན་མཆོག་དངོས་གྲུབ་ཆེན་པོ་ཡི། །དབང་ཕྱུག་ཆེན་པོའི་ཕྱག་རྒྱའི་མཆོག་།རྡོ་རྗེ་དབང་ཕྱུག་ཆེར་བསྟོད་པས། །རྡོ་རྗེ་བསྙེམས་པའི་བདག་པོའི་བདག་།ཅེས་བྱ་བ་ནི་བཅོམ་ལྡན་འདས་མཆོག་དང་པོའི་སྐྱེས་བུའོ། །མཆོག་དང་པོ་ཡི་དེ་ཉིད་འདི། །
263a2 རྡོ་རྗེ་སེམས་དཔའ་གང་གང་བརྗོད། །དངོས་གྲུབ་ཀུན་གྱི་འབྱོར་པ་རྣམས། །དེ་ལ་ཐམས་ཅད་འགྲུབ་པར་འགྱུར། །ཞེས་བྱ་བ་མཆོག་གི་དེ་ཁོ་ན་ཉིད་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ནས་དེའི་འོག་ཏུ་ལས་ཀྱི་བྱ་བས་བཅོམ་ལྡན་འདས་ཐམས་ཅད་ཀྱི་མཆོག་ཉིད་དུ་བཤད
263a3 པར་བྱའོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་བཅོམ་ལྡན་འདས་ཐམས་ཅད་ཀྱི་སེམས་ཅན་ཇི་ལྟར་ཡིན་ཞེ་ན། བསམ་གྱིས་མི་ཁྱབ་རྒྱ་ཆེ་བ། །ཟབ་དངོས་ཀུན་བདེ་མི་འགྱུར་བ། །ཐམས་ཅད་ཁྱབ་ཅིང་དྲི་མ་མེད། །བྱང་ཆུབ་སེམས་ནི་བདག་བརྟན་པ། །དེ་ནས་འདིའི
263a4 ལས་ཀྱི་ཁྱད་པར་ནི། སེམས་ཉིད་བརྟན་པ་ཉིད་སེམས་པས། །ཏིང་འཛིན་དེ་ལ་མཉམ་པར་གཞག་།རྣམ་ཤེས་ལས་ནི་རྡོ་རྗེ་ཀུན། །རྡོ་རྗེ་ལས་ནི་འཛིན་འགྱུར་ཏེ། །བཅོམ་ལྡན་འདས་རྡོ་རྗེ་འཛིན་ཇི་ལྟར་ཡིན་ཞེ་ན། སེམས་དཔའི་བྱིན་རླབས་སྦྱོར་བ་ནི། །བདག་ལ་བྱིན་རླབས་མཆོག་བསྒྲུབ
263a5 པ། །ཉིན་རེ་སྒྲུབ་པར་བྱེད་ན་དེས། །རྡོ་རྗེ་སེམས་དཔའ་ཉིད་ཐོབ་འགྱུར། །དེ་ལ་བཅོམ་ལྡན་འདས་ཀུན་ཏུ་བཟང་པོའི་སྤྱོད་པ་ཇི་ལྟར་ཡིན་ཞེ་ན། སྙིང་སྟོབས་རྡུལ་དང་མུན་པས་ཀྱང་། །གང་ཕྱིར་སེམས་ཅན་དོན་གྱུར་པས། །དེ་ཕྱིར་ང་ནི་ཀུན་ཏུ་བཟང་། །བྱང་ཆུབ་སྤྱོད་པའི་རྗེས་འཇུག
263a6 པའོ། །དེ་ལ་ཇི་ལྟར་བཅོམ་ལྡན་འདས་བདུད་ཉིད་དང་འདུལ་བས་རྒྱལ་བ་ཇི་ལྟར་ཡིན་ཞེ་ན། སེམས་ཉིད་ཁོ་ན་བདུད་ཉིད་དེ། །སེམས་ཉིད་དེ་བཞིན་གཤེགས་པའོ། །རང་སེམས་གདུལ་བར་བྱ་བའི་ཕྱིར། །བདག་ནི་བདུད་ཉིད་གྱུར་པ་ཡིན། །དེ་ལ་ཇི་ལྟར་བཅོམ་ལྡན་འདས་མངོན་པར་རྫོགས
263a7 པའི་བྱང་ཆུབ་དང་སངས་རྒྱས་ཡིན་ཞེ་ན། རང་སེམས་སོ་སོར་རྟོག་པའི་ཕྱིར། །བྱང་ཆུབ་སེམས་མཆོག་རྡོ་རྗེ་ཉིད། །དེ་ཕྱིར་དེ་ཉིད་སངས་རྒྱས་ཉིད། །བདག་བྱིན་རླབས་མཆོག་གྲུབ་ཕྱིར་རོ། །དེ་ལ་ཇི་ལྟར་བཅོམ་ལྡན་འདས་ཕྱག་ན་རྡོ་རྗེ་ཡིན་ཞེ་ན། མི་ཕྱེད་སོ་སོར་རྟོགས་པ་དང་། །གདུག
iiif viewer powered by OpenSeadragon
