| e-texts navigator |
| Wylie |
261a1 གུཉྫ་དང་། ཏི་མི་ལི་སྟེ། འདི་རྣམས་ཀྱིས་རྒྱས་བཏབ་ན་ཐམས་ཅད་དུ་རྗེས་སུ་ཆགས་པ་དང་། དབང་དུ་བྱེད་པ་དང་། འབེབས་པ་དང་། རིམས་དང་། དུག་དང་། སྦྱར་དུག་དང་། གདོན་ལས་གྲོལ་བ་དང་། གསོད་པ་དང་། འཐབ་མོ་ལས་རྣམ་པར
261a2 རྒྱལ་བ་དང་། ཕུན་སུམ་ཚོགས་པ་ཐམས་ཅད་ཐོབ་པ་ཡིན་ནོ་ཞེས་བྱ་བ་གསུངས་སོ། །འདོད་ཆགས་ཆེན་པོ་རྣམ་དག་ཕྱིར། །རྡོ་རྗེ་སེམས་དཔའ་ཆེན་པོ་ཡིན། །ཕྱག་རྒྱའི་རྟོག་པ་རབ་ཏུ་བརྟགས། །རྡོ་རྗེ་སློབ་དཔོན་སློབ་མ་མཆོག་།དེ་ཉིད་དད་པའི་རྗེས་འབྲངས་ལ། །
261a3 རྟོགས་པ་ཙམ་གྱིས་སྐད་ཅིག་གིས། །དོན་ཡོད་ཀུན་གྲུབ་བདེ་བར་གསོལ། །ཞེས་བྱའོ། །དཔལ་མཆོག་དང་པོ་ལས་མཆོག་ཏུ་གྲུབ་པ་ཞེས་བྱ་བའི་ཕྱག་རྒྱའི་རྒྱུད་རྫོགས་།། །།དེ་ནས་མཆོག་ཏུ་མཁས་ཤིང་མཐའ་ལས་འདས་པ་ཚད་མེད་ཅིང་གཞལ་དུ་མེད་པ་མ
261a4 ལ་ཨུས་ཤིང་ལུས་པ་མེད་པའི་མཆོག་གི་དངོས་གྲུབ་ཆེན་པོའི་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་དམ་པ་གྲུབ་པ་ཞེས་བྱ་བ་རྡོ་རྗེ་གར་ལས་བྱུང་བའི་ཚོགས་ཐམས་ཅད་ཀྱི་ཕྱག་རྒྱ་སྟོང་བཤད་པར་བྱའོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས
261a5 དཔས་གསུངས་སོ། །ཕྱག་རྒྱ་ཆེན་པོ་མཉམ་གཞག་ནས། །སྒེག་བཅས་འཛུམ་སོགས་བཀྲོལ་བ་ཡིས། །ལས་ཀྱི་ཕྱག་རྒྱ་ཆེན་པོ་བརྒྱ། །ཐམས་ཅད་གར་གྱིས་བསྒྲུབ་པར་བྱ། །བདེ་བ་ཆེན་པོ་རྡོ་རྗེ་གསང་བའི་ལྕགས་ཀྱུས་ཁྱད་པར་དུ་ལས་ཀྱི་ཕྱག་རྒྱ་བཅིང་བ་སྟེ་བརྒྱ་ཕྲག
261a6 དང་པོ་མཆོག་ཏུ་བསྒྲུབས་ཏེ་རྡོ་རྗེ་དམ་ཚིག་ལྷ་མོ་རྣམས་ཀྱི་ཕྱག་རྒྱའོ། །རྡོ་རྗེ་བསྡམས་པ་བཅིངས་ནས་ནི། །ཁ་སྦྱོར་ནང་དུ་གསལ་བ་སྟེ། །མཆོག་དང་པོ་ཡི་གསང་ཆེན་གྱི། །ལས་ཀྱི་ཕྱག་རྒྱ་རྒྱ་གཞན་ཡིན། །ཞེས་བྱ་བ་རྡོ་རྗེ་ལྷ་མོ་གསང་བ་ཐམས་ཅད་ཀྱི་ཕྱག་རྒྱའོ། །
261a7 རྡོ་རྗེ་ལས་ཀྱི་མཆོད་པ་ཆེའི། །ཐལ་མོས་སྤྱི་བོར་བཟུང་ནས་ནི། །ལས་ཀྱི་ཕྱག་རྒྱ་གྲུབ་པས་ན། །དབང་པོ་རྣམས་དང་སྦྱར་བར་བྱ། །ཞེས་བྱ་བ་རྡོ་རྗེ་ཐམས་ཅད་ཀྱི་མཆོད་པ་ཆེན་པོའི་ལྷ་མོ་རྣམས་ཀྱི་ཕྱག་རྒྱའོ། །རྡོ་རྗེ་བསྙེམས་མས་གར་བྱ་ཞིང་། །སྒེག་བཅས་མཐེའུ
iiif viewer powered by OpenSeadragon
