| e-texts navigator |
| Wylie |
257b1 གདོན་དང་། ནད་དང་། མཁའ་འགྲོ་མའི་ཕྱག་རྒྱ་ཉེ་བར་ཞི་བ་དང་། ཤི་བ་ཡང་དག་པར་གསོ་བ་དང་། དབང་ཕྱུག་ཐམས་ཅད་ཐོབ་པ་དང་། གཟུགས་སྣ་ཚོགས་པའི་བྱ་བ་ཐམས་ཅད་ལ་རབ་ཏུ་འཇུག་པ་ལ་སོགས་པའི་དོན་གྲུབ་པའི་དངོས་གྲུབ་མཐའ་ཡས་པ་དེ་བཞིན་གཤེགས་པ
257b2 ཐམས་ཅད་ཀྱི་ཏིང་ངེ་འཛིན་གྱིས་རབ་ཏུ་བྱེད་པའོ། །ནམ་མཁའ་ཕྲ་བར་བསྐྱོད་པ་དག་གིས་རོལ་ཞིང་རྣལ་འབྱོར་ཐམས་ཅད་ཀྱིས་རྗེས་སུ་ཆགས་པར་བྱ་སྟེ། འདི་ལ་བཅོམ་ལྡན་འདས་ནམ་མཁའི་སྙིང་པོའི་རྡོ་རྗེ་བྱིན་གྱིས་བརླབས་པ་ཞེས་བྱ་བའི་ཕྱག་བྱ་བའི་ཕྱག་རྒྱ་སྟེ། འདིས་རྒྱས
257b3 བཏབ་པས་བཅོམ་ལྡན་འདས་རྗེས་སུ་ཆགས་ཤིང་དགྱེས་པ་དང་། བརྟན་པར་རྗེས་སུ་ཆགས་ནས་ནམ་མཁའ་ཐམས་ཅད་ཀྱི་བདག་ཉིད་ཀུན་གྱི་དངོས་པོ་ཉིད་ཀྱི་ཕྱིར་བསམ་པ་ཐམས་ཅད་ཡོངས་སུ་རྫོགས་པ་དང་། མཆོག་གི་དངོས་གྲུབ་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི
257b4 ཚོགས་ཡིད་ལ་འདོད་པ་རྣམས་སྒྲུབ་པར་བྱེད་པའོ་ཞེས་བྱ་བ་ཡང་གསུངས་སོ། །མཆོག་དང་པོ་ནི་མཆོག་ཉིད་དུ། །གསང་བ་དམ་པ་གསུངས་པ་ཡིན། །མིག་སོགས་ཕྱག་རྒྱས་རྒྱས་བཏབ་པའོ། །རྡོ་རྗེ་སེམས་དཔས་གསུངས་པ་ཡིན། །རྡོ་རྗེ་ཀུན་འཛིན་སློབ་དཔོན་གྱི། །ཙུམ
257b5 བ་ན་དང་འཁྱུད་སོགས་ཀྱིས། །ཐམས་ཅད་རྣལ་འབྱོར་རྗེས་བསྒྲུབ་སྟེ། །མྱུར་དུ་ཀུན་ལ་རྒྱས་གདབ་བྱ། །སྙིང་པོ་ཕྱག་རྒྱ་སྔགས་རིག་པའི། །སྒྲུབ་པ་འདི་ནི་རྨད་བྱུང་སྟེ། །གྲུབ་པ་མེད་པ་རྣམས་ལ་ཡང་། །དངོས་གྲུབ་ཐམས་ཅད་རབ་སྒྲུབ་བྱེད། །གང་ལ་དངོས་གྲུབ་མེད་གྱུར
257b6 དང་། །བསོད་ནམས་ཕུན་ཚོགས་མེད་པ་ཡང་། །བདག་ཉིད་རྡོ་རྗེ་སེམས་དཔའ་འམ། །རྒྱས་བཏབ་མྱུར་དུ་འགྲུབ་པར་འགྱུར། །གལ་ཏེ་རྡོ་རྗེ་སེམས་དཔའ་མཆོག་།སྙིང་པོ་ལ་སོགས་ཉེ་སྙིང་པོས། །བསྒྲུབ་བྱ་གྲུབ་པར་མ་གྱུར་ན། །ཙུམ་བ་སོགས་ཀྱིས་རྒྱས་གདབ
257b7 བྱ། །གང་ཕྱིར་གསང་བའི་ཕྱག་རྒྱ་ནི། །དངོས་གྲུབ་ཀུན་གྱི་བདེ་དམ་པ། །རྡོ་རྗེ་སེམས་དཔའི་མཆོད་པ་མཆོག་།དེ་ཡིས་མྱུར་དུ་འགྲུབ་པར་འགྱུར། །དེ་ཉིད་ཆེན་པོ་འདི་གྲུབ་པ། །མཆོག་གི་བདག་ཉིད་དམ་པ་སྟེ། །མཆོག་ཏུ་གསང་བ་བསོད་ནམས་ལྡན། །སོ་སོའི་སྐྱེ་བོ་ལ
iiif viewer powered by OpenSeadragon
