| e-texts navigator |
| Wylie |
253b1 མོའི་སོར་བཞིའི་རྩེ་མོ་བསྙམས་ནས་འོག་ཏུ་རབ་ཏུ་བསྡུས་ཏེ། དབང་བསྐུར་བའི་རྡོ་རྗེ་ཐལ་མོས་དབང་བསྐུར་བ་ཐམས་ཅད་ཐོབ་པའོ། །དེས་ཅི་ལྟ་བ་བཞིན་དུ་དབང་བསྐུར་བའོ། །རྡོ་རྗེ་དེ་ཉིད་སྙིང་གར་རོ། །གྱེན་དུ་ཁ་བལྟ་བའོ། །དེ་ཉིད་ཁུ་ཚུར་རོ། །ཁུ་ཚུར་སྤྱི་བོར་བཞག་ལ་མེ་ཏོག་ལ་སོགས
253b2 པའི་མཆོད་པ་དབུལ་བར་བྱའོ། །འདི་ཉིད་གཉིས་སུ་བཞག་ནས་ལས་ཀྱི་ཕྱག་རྒྱར་གཟུང་བའོ། །དབང་བསྐུར་བ་ཐམས་ཅད་ཀྱི་རིན་པོ་ཆེའི་གཏེར་གྱི་མཆོད་པ་ཐོབ་པའི་དོན་དུ་ཡང་དག་པར་རྫོགས་པའོ། །བཅོམ་ལྡན་འདས་ཀྱི་ལས་ཀྱི་དམ་ཚིག་ནི་གསལ་བ་ཡོངས་སུ་རྫོགས་པར་བྱེད་པའོ། །
253b3 གཡོན་པའི་ཁུ་ཚུར་སྙིང་གར་བསྟོད་ནས་གཡས་པ་ནོར་སྦྱིན་པ་བཀྲོལ་བའོ། །ནོར་བུའི་ཁུ་ཚུར་གྱི་ཕྱག་རྒྱ་ཉིད་ཀྱིས་སོ། །སྙིང་པོའི་ངག་ཀླུའི་རྒྱལ་པོས་བཟླ་བ་སྟེ་བཀའ་བསྒོ་ཞིང་དེ་བཞིན་དུ་ལས་ལ་ཉེ་བར་སྦྱོར་བའོ། །གལ་ཏེ་མ་གྲུབ་ན་དབང་བསྐུར་བར་གནས་པའི་རྡོ་རྗེ་རིན་ཆེན་གྱིས་ནམ
253b4 མཁའ་ལས་ཐམས་ཅད་ཀྱི་བཀའ་བསྒོ་བའོ། །ཆོས་ཀྱི་ཕྱག་རྒྱ་ཐམས་ཅད་ཀྱི་ཚོགས་ནི་འདིའོ། །དོན་ཡོད་ཐོགས་མེད་གྲུབ་པ་དང་། ལས་ཀྱི་ཚོགས་ནི་སྒྲུབ་པ་དང་། །ངག་གི་ཕྱག་རྒྱའི་བཀའ་བསྒོ་བ། །ཐམས་ཅད་མྱུར་དུ་མཁའ་ལས་བྱུང་། །ཞེས་བྱ་བ་བཅོམ་ལྡན་འདས་རྡོ་རྗེ་སེམས
253b5 དཔས་གསུངས་སོ། །དབང་བསྐུར་བ་ཐམས་ཅད་ཀྱི་ཆོ་ག་རྒྱས་པའོ།། །།དེ་ནས་ཕྱིའི་རྒྱུད་ནི་ཕྱག་རྒྱ་ཆེན་པོ་ནི་གཡོན་པར་ཁམ་ཕོར་དང་གཡས་ན་མདའ་གཏོད་པའོ། །དེ་རྣམས་ཀྱི་དམ་ཚིག་ནི་འཇུག་པ་ལ་བྱ་སྟེ། ལག་པ་གཉིས་ཀྱི་མཐེ་བོ་དང་མཐེ་ཆུང་གི་གདུ་བུས་ལུ་གུ་རྒྱུད་བཅིང
253b6 བར་བྱས་ལ་མཛུབ་མོ་དང་དབུས་མ་དང་། སྲིན་ལག་བསྙམས་ཏེ་རྩེ་གསུམ་པས་མཚན་པ་ནི་མིང་པོ་རྣམས་ཀྱིའོ། །ཇི་ལྟ་བ་བཞིན་དུ་བཟུང་བས་ལྷ་མོ་རྣམས་ཀྱིའོ། །རྡོ་རྗེ་བསྡམས་པའི་དབུས་མ་དང་སྲིན་ལག་གིས་སོར་མོའི་རྩེ་མོ་བཞི་ལ་མཛུབ་མོ་དང་མཐེའུ་ཆུང་བཞིའི་རྩེ་མོ་འདུས་པ་ནི་ལྷ་མོ
253b7 རྣམས་ཀྱིས་འདའ་བར་དཀའ་བའི་དམ་ཚིག་གོ། །སྲིང་མོ་བཞིའི་དཀྱིལ་འཁོར་གྱི་ཕྱག་རྒྱའོ། །གང་གི་ཚེ་དཀྱིལ་འཁོར་གྱི་བརྟག་པར་མ་ནུས་ན་དེའི་ཚེ་འདི་བཅིངས་ཏེ་བལྟས་ན་དཀྱིལ་འཁོར་བརྟག་པ་དང་མཐོང་བ་དང་མཆོད་པ་ཅི་དགར་འགྲུབ་པར་འགྱུར་རོ། །གདེངས་ཀ་ཅན་གྱི་དབང་པོ་རྣམས
iiif viewer powered by OpenSeadragon
