| e-texts navigator |
| Wylie |
186b1 ཁ་ཁྱེར་རྣམས་ལ་གནས་པ་ཡི། །རྡོ་རྗེ་ལྷ་མོའི་ཚོགས་ཀྱིས་མཆོད། །ཟླ་བ་ཕྱེད་ལ་གནས་པ་ཡི། །རྡོ་རྗེ་རིན་ཆེན་རྣམས་ཀྱིས་མཛེས། །རླུང་གིས་བསྐྱོད་པའི་དར་དཔྱངས་ཀྱི། །བ་དན་དྲིལ་བུའི་སྒྲ་སྒྲོགས་པ། །དྲ་བ་མེ་ལོང་མེ་ཏོག་གི། །ཕྲེང་བ་ཆེན་པོ་བཏགས་པས་བརྒྱན། །
186b2 བདེ་བ་ཆེན་པོ་རྡོ་རྗེ་ཆེ། །རྡོ་རྗེ་ཀུན་གྱིས་མངོན་འདུས་བྱས། །རྡོ་རྗེ་སེམས་དཔའ་གནས་ཆེན་པོ། །སངས་རྒྱས་ཀུན་གྱིས་ངེས་བསྟན་པ། །བྱང་ཆུབ་སེམས་དཔའི་གནས་པ་མཆོག་།རྡོ་རྗེ་འཆང་བ་ཀུན་གྱི་གནས། །བདེ་བ་ཆེན་པོ་རྡོ་རྗེ་ཆེ། །ནོར་བུ་ཆེ་མཆོག་ཅེས་བྱ
186b3 བ། །རྡོ་རྗེ་ཆེན་པོའི་ཁང་པ་ན། །བདེ་བ་ཆེན་པོ་བཞུགས་པ་ཡིན། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་བསྙེམས་ཚུལ་བདག་པོའི་བདག་།སེམས་ཅན་ཀུན་གྱི་སེམས་གང་ཡིན། །
186b4 བརྟན་ཕྱིར་སེམས་དཔར་བཤད་པ་ཡིན། །མཉམ་པར་གཞག་པས་ཏིང་འཛིན་ཏེ། །ངེས་པའི་ཕྱིར་ནི་རྡོ་རྗེར་འགྱུར། །སེམས་དཔའི་བྱིན་རླབས་སྦྱོར་བ་ཡིས། །སླར་ཡང་རྡོ་རྗེ་སེམས་དཔར་འགྱུར། །དེ་ཉིད་རྟག་པ་བཅོམ་ལྡན་འདས། །བྱང་ཆུབ་སྤྱོད་པའི་རྗེས
186b5 འགྲོ་ཡིན། །རང་སེམས་སོ་སོར་རྟོགས་སོགས་ན། །སངས་རྒྱས་བྱང་ཆུབ་ཆོ་ག་བཞིན། །བདུད་ནི་སངས་རྒྱས་རྡོ་རྗེ་ཆེ། །རྡོ་རྗེ་འཆང་ཆེན་དེ་ཉིད་ཡིན། །དེ་ཉིད་དེ་བཞིན་གཤེགས་པའི་རིགས། །དེ་ཉིད་རྡོ་རྗེ་རིགས་ཆེན་པོ། །དེ་ཉིད་པདྨའི་རིགས་དག་པ། །དེ་ཉིད
186b6 ནོར་བུའི་རིགས་དམ་པ། །དེ་ཉིད་ཆགས་དང་ཆགས་བྲལ་བའི། །འདོད་དང་ཐར་པ་དེ་ཉིད་ཡིན། །དུས་གསུམ་སྲིད་གསུམ་མཆོག་གསུམ་དང་། །འཇིག་རྟེན་གསུམ་དང་ཁམས་གསུམ་པ། །མི་གཡོ་ཐམས་ཅད་མཆོག་དེ་ཉིད། །བརྟན་ཞིང་སྙིང་པོ་ནོར་བུ་ཆེ། །
186b7 རྒྱུ་བ་སེམས་ཀྱི་འདུ་བྱེད་ཐབས། །ཐམས་ཅད་བྱེད་པ་ཐམས་ཅད་ཉིད། །དང་པོའི་སེམས་དཔའ་སེམས་དཔའ་ཆེ། །བྱང་ཆུབ་སེམས་དཔའ་བདེ་རབ་སོགས། །སེམས་དཔའི་སྐྱིལ་མོ་ཀྲུང་བཅས་ནས། །པདྨའི་ལྟེ་བར་ཞུགས་པ་ཡིན། །བཙུན་མོའི་ཚོགས་བཅས
iiif viewer powered by OpenSeadragon
