| e-texts navigator |
| Wylie |
176b1 ཕྲ་བྷུ་ཏ་ས་མ་ཡ་སྟཾ་ཧྲྀ་ད་ཡཾ་སུ་ཏོ་ཥྱོ་མེ་བྷ་བ། སུ་པོ་ཥྱོ་མེ་བྷ་བ། ཨ་ནུ་རཀྟོ་མེ་བྷེ་བ། ཨ་དྷི་ཏིཥྛ་བྷ་ག་བཱ་ན་ཨ་ན་ཏི་ནཾ་ད་ན་སིད་དྷྱཾ་ཏུ་མེ་མནྟྲ་པ་དཻཿཛཿཧཱུ~ཾ་བ~ཾ་ཧོཿ། དེ་ནས་རྟག་ཏུ་བཅོམ་ལྡན་འདས། །དཀྱིལ་འཁོར་དུ་ནི་རང་ཉིད་བྱོན། །དགུག་ཅིང་བཅུག་ནས་བརྟན་པ་དང་། །དབང་དུ
176b2 འགྱུར་ཞིང་འགྲུབ་པ་ཡིན། །རྨད་དུ་བྱུང་བའི་རྫུ་འཕྲུལ་དུ་མ་རྣམས་མཐོང་བའམ། ཡང་ན་བཅོམ་ལྡན་འདས་རང་ཉིད་ཀྱིས་མཐོང་བར་འགྱུར་རོ། །དེ་ནས་རང་ཉིད་རྡོ་རྗེ་འཛིན། ཀུན་གྱི་སློབ་དཔོན་ནི་ཕྱག་རྒྱ་ཐམས་ཅད་གྲུབ་པ། དམ་ཚིག་ཐམས་ཅད་ཤེས་པ། ལས་ཐམས་ཅད་ནུས་པ།
176b3 བཅོམ་ལྡན་འདས་ཀྱིས་བྱིན་གྱིས་བརླབས་པ་ཡིན་ནོ། །འཇུག་པའི་ཆོ་ག་འདི་ཡིས་རྡོ་རྗེ་སློབ་དཔོན་རང་ཉིད་ཅི་སྙེད་པའི་དྲིས་བྱུགས་ཤིང་བསྒོས་པ་རྒྱན་དང་བཅས་པའི་མེ་ཏོག་གི་ཕྲེང་བས་ལུས་ཤིན་ཏུ་བརྒྱན་པ། གོས་དམར་པོ་གཉིས་བགོས་པ། རང་ཉིད་ཀྱིས་བཅོམ་ལྡན་འདས་ལ
176b4 བསྟོད་ཅིང་རྡོ་རྗེ་དང་བཅས་པའི་རྡོ་རྗེ་བསྙེམས་པས་རང་ཉིད་འཇུག་པར་བྱའོ། །བསྟོད་པ་ནི་དྲུག་ལྡན་ལ་སོགས་པ་གླུ་ཡིས་བྱའོ། །འདོད་ཆགས་ལ་སོགས་བདེ་ཀུན་ཡིད་ཁྱོད་ནི། །ཀུན་འདུས་བདག་ལ་བདེ་བ་སྩོལ་མཛོད་ཅིག་།རྡོ་རྗེ་སེམས་དགོངས་མྱུར་དུ་བདག་སྟོན་མཛོད། །བདག
176b5 དགྱེས་མཛད་དང་བདེ་མཆོག་གྲུབ་ལ་འདུད། །དེ་ནས་རབ་ཏུ་ཞུགས་ནས་དགོངས་སུ་གསོལ་བར་བྱ་སྟེ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་བདེ་བ་ཆེ། །ཀུན་ཏུ་བཟང་པོ་ཁྱོད་ཡིན་ཏེ། །རྡོ་རྗེ་བསྙེམས་བདག་ཁྱབ་བདག་ཡིན། །སེམས་ཀྱི་སེམས་དཔའི་ཏིང་ངེ་འཛིན། །
176b6 དེ་བཞིན་རྡོ་རྗེ་རྡོ་རྗེ་འཛིན། །ཀུན་མཆོག་དམ་ཚིག་དངོས་གྲུབ་ཅན། །རྡོ་རྗེ་སེམས་བདག་དེང་གྲུབ་མཛོད། །དེ་ནས་བཅོམ་ལྡན་འདས་དེ་ཉིད་ཀྱིས། །རྡོ་རྗེ་སློབ་དཔོན་བྱིན་བརླབ་འགྱུར། དེ་སྔར་མ་བྱུང་བའི་སོ་སོར་རང་རིག་པའི་བདེ་བ་གཉིས་ཀ་ལ་སྐྱེ་བར་འགྱུར་རོ། །ཕྲ་མོ་དབབ་པར་ཡང
176b7 འགྱུར་རོ། །དེ་ནས་བདག་ལ་བཅོམ་ལྡན་འདས་གྲུབ་པར་གྱུར་ཏོ་ཞེས་ཤེས་པར་བྱའོ། །དེ་ནས་དེ་བཞིན་དུ་འདུག་ལ་ཅི་འདོད་པའི་བཟླས་བརྗོད་བྱའོ། །དེ་ནས་དེ་བཞིན་དུ་འདུག་ལ་རང་གི་བསོད་ནམས་ཀྱི་བྱིན་གྱི་རླབས་ཀྱིས་འདོད་པའི་དངོས་གྲུབ་ཐོབ་པར་འགྱུར་རོ། །དེ་ནས་བརྩམས་ཏེ་སེམས་དཔའ
iiif viewer powered by OpenSeadragon
