| e-texts navigator |
| Wylie |
172a1 པར་བྱའོ། །གལ་ཏེ་དམ་ཚིག་འདས་གྱུར་ན། །ཕ་གསོད་འགྲོ་བ་གང་ཡིན་དང་། །མ་གསོད་པ་ཡི་འགྲོ་བ་གང་། །འགྲོ་བ་དེར་ནི་འགྲོ་བར་འགྱུར། །རྟག་ཏུ་དམ་པ་བསྟེན་པར་བྱ། །དམ་པ་མིན་པ་ཡོངས་སུ་སྤང་། །གཞན་ལ་དེ་ཉིད་བསྟན་མི་བྱ། །
172a2 རྟག་ཏུ་མིང་པོ་གསུམ་པོ་བསྒྲུབ། །འདི་ནི་དམ་ཚིག་གོ། །དེ་ནས་གླུ་དང་གར་དང་། རོལ་མོ་དང་། དགོད་པ་དང་། དགའ་བ་དང་། ཟ་བ་དང་མགུ་བས་མེལ་ཚེ་བྱའོ། །ཕྱག་རྒྱ་དང་གར་ཕྱི་རོལ་མོའི་མཆོད་པ་ཡང་བྱས་ལ་སློབ་དཔོན་གྱིས་ཀྱང་ཕྱག་རྒྱ་དེ་དང་བཅས་པས་བྱུང་བ་དང་།
172a3 འབྱུང་བར་འགྱུར་བའི་ཡེ་ཤེས་བརྗོད་པར་བྱའོ། །དེ་ནས་བརྩམས་ཏེ་དངོས་གྲུབ་ཐམས་ཅད་དང་། ཕུན་སུམ་ཚོགས་པ་ཐམས་ཅད་དང་། འབྱོར་པ་ཐམས་ཅད་འགྲུབ་པར་འགྱུར་རོ། །དམ་ཚིག་གི་དཀྱིལ་འཁོར་རོ། །དེ་ནས་སྲིང་མོ་བཞེས་བཅོམ་ལྡན་འདས་ལ་ཕྱག་འཚལ་ཏེ།
172a4 རང་གི་དེ་ཁོ་ན་ཉིད་ཀྱི་སྙིང་པོ་འདི་ཕུལ་ལོ། །ཧཱུ~ཾ། དེ་ནས་འདིའི་དཀྱིལ་འཁོར་བཤད་པར་བྱ་སྟེ། །དཀྱིལ་འཁོར་ཀུན་ནས་ཟླུམ་པོར་ཐིག་བཏབ་ལ། ཐིག་བཞི་ལ་འཁོར་ལོ་བཞི་པ་བྱས་ལ་དཀྱིལ་འཁོར་དེ་རྣམས་སུ་སྒོ་བཞིར་བལྟ་བའི་ལྷ་མོ་བཞིའི་གཟུགས་བརྙན་གཞག་པར་བྱ་སྟེ།
172a5 འདི་ལྟ་སྟེ་དགའ་བ་མོ་ནི་ཤར་དུ་ལྟ་བ། མདའ་དང་གཞུ་ཐོགས་པ་ལ་བརྩོན་པ། སྒེག་མོ་མདོག་དམར་བའོ། །གསོད་མ་ལྷོ་ཕྱོགས་སུ་ལྟ་བ་ལག་ན་རལ་གྲི་དང་ཕུབ་ཐོགས་པ་མདོག་ནག་པོའོ། །ཕག་མོ་ནུབ་ཏུ་ལྟ་བ་ལག་ན་གསེར་གྱི་གཏེར་ཐོགས་པ། གསེར་གྱི་མདོག་ཅན་ནོ། །
172a6 གྲུབ་པ་མོ་ཞི་བ་མོ་ཞེས་བྱ་བ་བྱང་དུ་ལྟ་བ། ལག་ན་གྲི་དང་། ཤ་ཁར་ཐོགས་པ་མདོག་དཀར་མོའོ། །ཕྱི་རོལ་གྱི་སྒོ་བཞིར་མཚན་མ་དགོད་པ་གཞག་པར་བྱའོ། །དེ་ནས་སློབ་དཔོན་དྲིལ་བུ་དཀྲོལ་ཞིང་། ལག་པ་གཡོན་པ་ཁ་ཊྭཱ~ཾ་ག་དང་བཅས་པས་འཇུག་པར་བྱའོ། །ཞུགས
172a7 ནས་སྙིང་པོ་བཟླས་པར་བྱའོ། །དེ་ནས་ཕྱག་རྒྱ་དང་གར་གྱི་མཆོད་པ་བསྟབ་པར་བྱའོ། །དེ་ནས་ཡིད་ལ་འདོད་པའི་དངོས་གྲུབ་ཐམས་ཅད་སྟེར་བར་འགྱུར་རོ། །ཐམས་ཅད་ཀྱིས་མཆོད་པར་འགྱུར་རོ། །མཁའ་འགྲོ་མ་ལ་སོགས་པ་གདོན་ཐམས་ཅད་ཀྱིས་མི་ཚུགས་པ་དང་། འདི
iiif viewer powered by OpenSeadragon
