| e-texts navigator |
| Wylie |
171b1 ལ་སོགས་པས་ཚིམ་པར་བྱས་ནས་ཕྱིར་འབྱུང་བར་བྱའོ། །དངོས་གྲུབ་ཐམས་ཅད་ཀྱི་དམ་ཚིག་ཅེས་བྱ་བའི་ཕྱག་རྒྱའི་དཀྱིལ་འཁོར་རོ། །དེ་ནས་སྦྲང་རྩིར་བྱེད་པ་ལ་སོགས་པ་མིང་པོ་གསུམ་གྱིས་བཅོམ་ལྡན་འདས་ལ་ཕྱག་འཚལ་ཏེ། མགྲིན་གཅིག་ཏུ་རང་གི་དེ་ཁོ་ན་ཉིད་ཀྱི་སྙིང་པོ
171b2 འདི་ཕུལ་ལོ། །སྭ། དེ་ནས་འདིའི་དཀྱིལ་འཁོར་བཤད་པར་བྱ་སྟེ། ཟུར་བཞི་པ་དང་སྒོ་བཞི་པར། །ཕྱི་ཡི་དཀྱིལ་འཁོར་བྲི་བར་བྱ། །དེ་ཡི་ནང་དུ་དཀྱིལ་འཁོར་ནི། །གཞུ་ཡི་དབྱིབས་ཅན་བྲི་བར་བྱ། །དེ་ཡི་དབུས་སུ་མིང་པོ་ནི། །མཆོག་གསུམ་དག་ནི་གཞག་པར་བྱ། །
171b3 སྦྲང་རྩི་བྱེད་དང་རྒྱལ་བྱེད་དང་། །དེ་བཞིན་དོན་རྣམས་ཐམས་ཅད་ནི། །འགྲུབ་པར་བྱེད་ཅེས་བྱ་བའོ། །གོ་ཆ་ཡ་ལད་བགོས་པ་དང་། །དེ་བཞིན་ཐོད་པ་མཚན་མ་འཛིན། །ལྷ་མོའི་གོས་དང་ཕྲེང་བ་འཆང་། །ཅུང་ཟད་དགོད་ཅིང་ཁྲོ་བ་དང་། །སེང་གེའི་ཁྲི་ལ་འདུག་པ་དང་། །འོད
171b4 ཀྱི་དཀྱིལ་འཁོར་གྱིས་མཛེས་པའོ། །དངོས་གྲུབ་ཀུན་སྟེར་དག་པ་སྟེ། །གསུམ་ནི་སྲིད་གསུམ་དག་དང་མཚུངས། །སྒོ་དང་མཚམས་ནི་ཐམས་ཅད་དུ། །ཚོགས་ལ་སོགས་པ་ལེགས་པར་བཞག་།གྲུབ་དང་འཕེལ་ཆེན་གནོད་སྦྱིན་དང་། །གཏུམ་དང་ཁྲོ་མཆོག་གསོད་པའོ། །
171b5 ཕྱི་རོལ་བ་དན་རྩེ་མོ་ལ། །དྲིལ་བུ་ཕྲེང་བཅས་ཐམས་ཅད་དུ། །བུམ་པ་གང་བ་རོ་མཆོག་བཅས། །འབྱུང་པོ་མ་ལུས་གཏོར་མར་བཅས། །གླུ་རྣམས་གླུ་རུ་ལེན་པ་དང་། །རོལ་མོ་རྡུང་བར་བྱེད་པ་དང་། །དེ་བཞིན་སློབ་དཔོན་གར་བྱེད་པས། །ཕྱག་རྒྱ་ཀུན་གྱིས་འཇུག་པར་བྱ། །
171b6 ཞུགས་ནས་སྒྲུབ་ལ་དད་པ་ཡིས། །ཡང་ནས་ཡང་དུ་འདུད་བྱ་ཞིང་། །མེ་ཏོག་ཀུན་གྱིས་མཆོད་པ་ཡིས། །བསྒྲུབ་དང་དེ་ཉིད་དག་ཀྱང་བརྗོད། །འཇིག་རྟེན་གསུམ་པོ་སྲིད་གསུམ་མཆོག་།ངན་སོང་གསུམ་མཆོད་གསུམ་རྣམ་གསུམ། །ལེགས་ལྡན་སྦས་པས་གྲུབ་པ་ནི། །
171b7 དངོས་གྲུབ་ཀུན་ལ་རྟག་ཏུའོ། །དེ་ནས་སྙིང་པོ་ལན་ཅིག་བརྗོད་ཅིང་ཕྱག་རྒྱ་ཐམས་ཅད་ཀྱི་གཡས་པའི་མཛུབ་མོ་ལྕགས་ཀྱུར་བྱས་ལ་དགུག་པར་བྱའོ། །དེ་ནས་དྲིལ་བུ་དང་བཅས་པའི་ཕྲེང་བ་རྣམས་གཡོའོ། །ཐམས་ཅད་ཕབ་ནས་དེ་བཞིན་དུ་གཞུག་པར་བྱའོ། །དེ་ནས་དམ་ཚིག་འདི་བརྗོད
iiif viewer powered by OpenSeadragon
