| e-texts navigator |
| Wylie |
153b1 བཞིན་གྱི་ཞལ་ལམ། སྐུ་ཐམས་ཅད་སྟོན་པར་འགྱུར་རོ། །ཆོ་འཕྲུལ་དཔག་ཏུ་མེད་པ་ཡང་སྟོན་པར་འགྱུར་རོ། །དེ་ནས་བཅོམ་ལྡན་འདས་བདག་ཉིད་མཐོང་བ་སྩོལ་བའམ་དངོས་གྲུབ་མཆོག་ཀྱང་སྩོལ་བར་འགྱུར་རོ། །དེ་ནས་བརྩམས་ཏེ་ཉིན་རེ་ཞིང་དངོས་གྲུབ་ཐམས་ཅད་འཐོབ
153b2 པར་འགྱུར་རོ། །གང་དུ་ཞུགས་པ་ཙམ་ཉིད་ཀྱིས་མི་ཚུགས་པ་དང་། མི་གསོད་པར་འགྱུར་རོ། །དངོས་གྲུབ་ཐམས་ཅད་དང་། ཕུན་སུམ་ཚོགས་པ་ཐམས་ཅད་དང་། ཡེ་ཤེས་ཐམས་ཅད་དང་། བྱ་བ་ཐམས་ཅད་བཅོམ་ལྡན་འདས་ཕྱག་ན་རྡོ་རྗེས་སྒྲུབ་པར་མཛད་དོ། །དེ
153b3 ནས་དེ་ཡང་དག་པར་མཆོད་དེ་རྡོ་རྗེའི་མིང་གིས་དབང་བསྐུར་ཞིང་། དཔའ་བོའི་རྡོ་རྗེ་བཅོམ་ལྡན་འདས་ལ་མནོས་ལ། སྙིང་པོ་བཟླས་ན་བཅོམ་ལྡན་འདས་མཐོང་བ་སྩལ་ནས། རང་ཉིད་ཀྱིས་སྩོལ་ཅིག་ཅེས་བརྗོད་ལ་རང་གིས་བླང་བར་བྱའོ། །དེ་ནས་སྐད་ཅིག་དེ་ཉིད་ལ་དངོས་གྲུབ
153b4 མཆོག་ཡིད་ལ་འདོད་པ་འགྲུབ་པར་འགྱུར་རོ། །ཡང་ན་བདག་ཉིད་ཀྱིས་ཟླ་བ་དྲུག་གིས་ཡིད་ལ་འདོད་པའི་དངོས་གྲུབ་མཆོག་འགྲུབ་པར་འགྱུར་རོ། །ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ནས་རྡོ་རྗེ་མིང་གི་དབང་བསྐུར་བ་ལ་སོགས་པ་ཡང་དེ་བཞིན་ནོ། །དེ་ནས
153b5 བྱིན་གྱིས་བརླབ་པ་ལ་སོགས་པ་ཡང་བྱས་ནས་ཡང་ཇི་ལྟར་འདོད་པའི་ཆོ་གས་བསྒྲུབས་ལ་འབྱུང་བར་བྱ་ཞིང་དཀྱིལ་འཁོར་ཆེན་པོའི་གསང་བ་བསྒྲུབ་པ་ལན་ཅིག་བྱའོ། །དེ་ནས་སློབ་མ་གཞུག་པར་བྱ་སྟེ། དེ་ལ་དང་པོར་རྡོ་རྗེ་སློབ་དཔོན་གྱིས་དང་པོའི་རབ་ཏུ་དགའ་བའི་རྡོ་རྗེའི་ཕྱག་རྒྱ
153b6 བཅིངས་ལ་འཇུག་པར་བྱའོ། །ཞུགས་ནས་དེ་བཞིན་དུ་ཕྱག་བྱས་ལ་སྙིང་པོས་ཅི་ལྟར་མངོན་པར་འདོད་པའི་ཚིག་དང་། བཅོམ་ལྡན་འདས་བསྒྲུབས་པས་ཕྱག་རྒྱ་ཆེན་པོས་བསྒྲུབ་པར་བྱའོ། །དེ་ནས་བཅོམ་ལྡན་འདས་བསྒྲུབས་པས་མཚན་མ་དེ་ཉིད་འབྱུང་སྟེ་ཤེས་ནས་ཕྱག་རྒྱ
153b7 ཆེན་པོ་ཉིད་འགྲུབ་པར་འགྱུར་རོ། །དངོས་གྲུབ་ཐམས་ཅད་ཀྱང་འགྲུབ་པར་འགྱུར་ཏེ། ཞུགས་པ་འདིས་ནི་རྡོ་རྗེ་སློབ་དཔོན་བདག་ཉིད་དེ་བཞིན་དུ་འགྲུབ་པར་འགྱུར་རོ། །དེ་ནས་དེ་བཞིན་དུ་རྡོ་རྗེ་བླང་བ་ལ་སོགས་པ་བྱས་ནས། རྡོ་རྗེ་སློབ་མ་ལ་ཆོ་ག་རྒྱས་པ་འདི་བཞིན་དུ་བྱས་ཏེ།
iiif viewer powered by OpenSeadragon
