| e-texts navigator |
| Wylie |
148b1 ར་ཎ་བི་ཤུདྡྷེ་སྭཱ་ཧཱ། །བློ་ལྡན་གྱིས་རང་དམ་ཚིག་བསྐུལ། །ཕྱག་རྒྱ་སྔགས་ཀྱིས་དབང་བསྐུར་ལ། །ཇི་ལྟར་འོས་པར་མངོན་དབང་བསྐུར། །ོ~ཾ་ཧཱུ~ཾ་ཨ~ཾ་ཛྲཱི~ཾ་ཁ~ཾ། དེ་ལྟར་ཅོད་པན་བཅིང་བྱས་ལ། །གདན་ལ་ལེགས་པར་བཞུགས་གསོལ་ཏེ། །བརྟག་པ་ལས་གསུངས
148b2 ཚུལ་གྱིས་སོ། །མདུན་ཕྱོགས་སུ་ནི་མ་བུ་བཅིང་། །ཡོབ་མིན་ཞིང་དྲང་བ་ཡིས། །དེ་ལྟར་སྐུ་གཟུགས་མཛེས་པར་དགོད། །དེ་ལྟར་མིན་ན་སྐྱོན་འབྱུང་འགྱུར། །མེ་ཏོག་སྤོས་དང་དེ་བཞིན་དྲི། །མར་མེ་ན་བཟའ་སོགས་འབྱོར་དྲི། །དེ་ཀུན་སྔགས་དང་ལྡན་པ་ཡིས། །ལྷ
148b3 རྣམས་ལ་ནི་དབུལ་བར་བྱ། །ོ~ཾ་བཛྲ་པུཥྤེ་ཨཱཿཧཱུ~ཾ་ཞེས་བྱ་བ་འདི་ལ་སོགས་པས་སོ། །མཆོག་གི་མེ་ཏོག་འདི་དེ་ནི། །ཆུ་དང་ཐང་ལས་དེ་བཞིན་སྐྱེས། །མཆོག་ཏུ་དད་པས་ཁྱེད་ལ་འབུལ། །ཅི་བདེ་བར་ནི་སོ་སོར་བཞེས། །ལྷན་ཅིག་སྐྱེས་དང་སྦྱར་ལས་བྱུང་། །མཆོག་ཏུ་བདུག
148b4 པ་འདི་དེ་ནི། །བདག་གི་དད་པས་འབུལ་ལགས་ཀྱིས། །ཅི་བདེ་བར་ནི་བཞེས་སུ་གསོལ། །ལྷན་ཅིག་སྐྱེས་དང་སྦྱར་ལས་བྱུང་། །མཆོག་ཏུ་གྱུར་པའི་དྲི་འདི་ནི། །བདག་གི་དད་པས་འབུལ་ལགས་ཀྱིས། །ཅི་བདེ་བར་ནི་བཞེས་སུ་གསོལ། །མུན་པ་འཇོམས་བྱེད་སྣང་བའི
148b5 མཆོག་། མར་དང་ཏིལ་གྱི་མར་མེ་འདི། །ཡང་དག་ཡེ་ཤེས་སྤེལ་བྱའི་ཕྱིར། །དད་པས་བདག་གིས་དབུལ་བར་བགྱི། །བཟའ་དང་བཅའ་བ་ཕུན་སུམ་ཚོགས། །ཁ་དོག་དྲི་རོ་རྣམས་དང་ལྡན། །ཐམས་ཅད་ལྡན་པའི་ལྷ་ཡི་བཤོས། །བདག་གིས་དབུལ་གྱིས་སོ་སོར་བཞེས། །དེ
148b6 ལ་སོགས་པ་གང་ཡང་རུང་། །ཅུང་ཟད་ཅི་འབྱོར་སྐུ་གཟུགས་ལ། །དེ་དག་ཐམས་ཅད་འདི་ཉིད་ཀྱིས། །རིམ་པ་ཡིས་ནི་དབུལ་བར་བྱ། །སྔགས་ཀྱི་གཙང་སྦྲ་ཙཱ་རུ་བྱ། །དེར་ནི་གསེར་གྱི་རང་བཞིན་གྱི། །ཐུར་མས་སྤྱན་ནི་དབྱེ་བར་བྱ། །ཞལ་ཟས་དེར་དབུལ་བློ་ལྡན་པས། །ོ~ཾ
148b7 ཙཀྵུ་ཤྩཀྵུཿས་མནྟ་ཙཀྵུ་བི་ཤོ་དྷ་ནི་སྭཱ་ཧཱ། ཨོ~ཾ་དྷྱཱ་ན་ས་མཱ་དྷི་པྲཱི་ཎ་ནེ་སྭཱ་ཧཱ། །དེ་ལྟར་བཟླས་ནས་དེ་ནས་ཡང་། །སློབ་མ་རབ་ཏུ་བཅུག་བྱས་ལ། །ཁྱོད་ཀྱིས་ང་ལ་གང་གསོལ་བའི། །སྐུ་གཟུགས་དག་ནི་ཁྱད་པར་དུ། །ཇི་ལྟར་གསུངས་པའི་རབ་གནས་པར། །དེ་དག་དོན་ནི་ངས་བྱས་ཏེ། །
iiif viewer powered by OpenSeadragon
