| e-texts navigator |
| Wylie |
7a1 བས་ཁྱི་ཡི་ཤ་ལ་བསྒྲུབ། །རྨི་ལྟས་རིམ་པ་ལྡན་པས་བརྟག་།བརྒྱད་ཁྲི་ཞབས་ནུབ་འཇིགས་པའི་ཆ། །གད་རྒྱངས་བཞད་མཛད་ཞལ་གསུམ་པ། །ནག་པོ་ཞབས་གདུག་གདུག་པ་འཛིན། །སྟོབས་ཆེན་རབ་ཏུ་གནོན་པ་པོ། །ཀླུ་ཆེན་མ་རུངས
7a2 གདུག་པ་ཅན། །ནོར་རྒྱས་དང་ནི་དུང་སྐྱོང་དང་། །དགའ་བོ་དང་ནི་འཇོག་པོ་དང་། །པད་མ་པད་མ་ཆེན་པོའོ། །སྟོབས་ཀྱི་རྒྱུ་དང་རིགས་ལྡན་རྣམས། །རྒྱ་མཚོ་དག་ལ་གནས་པ་ཡི། །ཀླུ་དང་གཉན་དང་ས་བདག་གསུམ། །སྤྲུལ་པ་ལས་ལས་གྲུབ་པ
7a3 ཡི། །གླེན་པ་ང་རྒྱལ་རྫུ་འཕྲུལ་ཅན། །སྤྲུལ་པ་འབུམ་སྡེ་འཁོར་དང་བཅས། །མ་ལུས་པ་ཡི་སྔགས་འདི་ནི། །གནད་ལ་བོར་བའི་རྩ་སྔགས་སོ། །ཧ་ར་ཧ་ར་ནཱ་ག་ཕུཿ། པྲ་ཧ་ར་པྲ་ཧ་ར་ནཱ་ག་ཕུཿ། ཙྪིནྡ་ཙྪིནྡ་ནཱ་ག་ཕུཿ། བྷིན་ད་བྷིན་ད་ནཱ་ག་ཕུཿ། བི
7a4 ཤཱིརྱནྟུ་ནཱ་ག་ཤ་རཱི་རཱ་ཎི་ཕུཿ། བི་སྥོ་ཊ་ཡ་ནཱ་ག་ནཱ་ཡ་ན་ནི་ཕུཿ། ནཱ་ག་བི་དཱ་ར་ཎ་ཡ་ཕུཿ། ནཱ་ག་ཀྲོ་དྷ་སཱ་ད་ནཱ་ཡ་ཕུཿ། བལ་པོ་སེའུ་དག་དང་ནི། །སྨག་ཤད་དག་གི་ལྕུག་མས་བྱབ། །དེ་ནི་ཀླུ་བཟློག་པར་བྱེད་པའི་ཆོ་གའོ། །ནཱ་ག་དུ་ན་དུས། ནཱ་ག་ཤོན་དུས།
7a5 ཧི་ལི་ཧི་ལི་ནཱ་ག་དུས་དུས། ཀླུ་ཆེན་ནཱ་གའི་སྲོག་སྙིང་སྟེ། །གནད་ལ་བོར་བའི་སྲོག་སྙིང་ངོ་། །ལྟོ་འཕྱེ་དག་གི་ཁ་ནས་ཁར། །བཅོམ་ལྡན་སྐུ་ནི་གསལ་བས་བཟླས། །དེ་ནས་རྡོ་རྗེ་འཛིན་ལ་བཀའ་སྩལ་པ། ལས་རྣམས་བཞི་ཡིས་ལས་རྣམས་འགྲུབ། །ས་གཞི་དག
7a6 ནི་སོ་སོར་བརྟག་། ཞི་བ་དཀར་ཟླུམ་པད་མ་ཅན། །རྒྱས་སེར་གྲུ་བཞི་འཁོར་ལོའོ། །དབང་དམར་ཟླ་གམ་ལྕགས་ཀྱུ་སྟེ། །དྲག་པོ་མཐིང་ནག་རྩེ་གསུམ་པའོ། །ཞི་བ་རྒྱས་པ་སོར་བཞི་དང་། །ཁྲུ་གང་ཁྲུ་དོ་མཉམ་པའོ། །དབང་དང་དྲག་པོ་སོར་གསུམ་སྟེ། །
7a7 ཁྲུ་གང་ཁྲུ་དོ་ཁྲུ་གསུམ་ཁྲུ། །འོ་མ་ཅན་དང་དྲི་ཞིམ་ཤིང་། །འབྲས་བུ་དང་བཅས་ཞི་རྒྱས་ཤིང་། །ཚེར་མ་དུར་ཁྲོད་ཤིང་དག་ནི། །ཁ་དོག་དམར་ནག་དབང་དྲག་ལ། །ཀུ་ཤ་དག་ཀྱང་དགྲམ་བྱ་སྟེ། །ལས་ཀྱི་བུམ་པས་བསང་བར་བྱའོ། །ཞི་བ་ཞོ་དང་མར་དང་ནི། །
iiif viewer powered by OpenSeadragon
