| e-texts navigator |
| Wylie |
46a1 གྱི། །མཚམས་ནས་ས་གང་བུ་མོ་ཡིས། །བླངས་པ་ལས་བྱས་མཆོད་རྟེན་ནི། །སྔོན་པོ་བཞི་དག་གཞག་པར་བྱ། །དེ་ཡི་བསྐོར་བའི་རྩེ་མོ་ལ། །གོང་གི་སྲད་བུ་བཏགས་བྱས་ཏེ། །མེ་ཏོག་སྔོན་པོའི་ཕྲེང་བ་ཡིས། །འཁོར་བར་ཡོངས་སུ་བརྒྱན
46a2 པར་བྱ། །བུམ་པ་སྔོན་པོ་བཅུ་བདུན་ཉིད། །མཐའ་མའི་ཕྱོགས་སུ་ངེས་པར་གཞག་།སྨན་དང་སྤོས་དང་སྙིང་པོ་དང་། །ལན་ཚྭ་རྩི་ཐོག་ལ་སོགས་པས། །ལེགས་པར་བཀང་བས་གནས་པ་ཡིན། །རྒྱན་རྣམས་ཀུན་གྱིས་རབ་བརྒྱན་ནས། །ལུས་ལ་མངོན་པར
46a3 ཕྱོགས་པར་བཞག་། དེ་ནས་སྔགས་པ་བློ་ལྡན་པ། །གྲངས་དང་ངེས་པར་རབ་སྦྱར་ལ། །ཞལ་ཟས་ཟུར་མེད་ལེགས་པ་དང་། །དྲི་དང་སྣང་བ་གང་ཡིན་དང་། །བྱུག་པའི་དྲི་དང་ཚངས་སྐུད་དང་། །ཕྲེང་བ་རལ་གྲི་བེ་ཅོན་རྣམས། །ཡང་དག་པ་རུ་དགོད་པར་བྱ། །
46a4 གདུགས་དང་རྒྱལ་མཚན་བ་དན་དང་། །ཕྱོགས་སུ་ངེས་པར་ཡང་དག་གནས། །དེ་ནས་བདག་པོ་གང་ཞིག་གིས། །ན་བཟའ་དར་ཡུག་སྔོན་པོ་ལ། །གུར་གུམ་ཐིག་ལེས་ལེགས་བྲིས་ལ། །དེ་ཉིད་ལ་ནི་དབུལ་བར་བྱ། །ཡོལ་བ་སྔོན་པོས་ཕྱོགས་བསྐོར་ལ། །ཕྱི
46a5 མ་རྣམས་ཀྱིས་སྣང་མི་བྱ། །གལ་ཏེ་སྣང་བར་གྱུར་པ་ན། །རང་གི་ལུས་ལས་མ་གཏོགས་པའི། །གཞན་རྣམས་བརླག་པར་འགྱུར་བ་ཡིན། །དེ་བས་ལེགས་པར་བསྒྲིམས་པ་ཡིས། །ཕྱི་རོལ་གཞན་ལ་བསྟན་མི་བྱ། །གང་ཟག་གཅིག་པུར་གནས་པ་ཡིས། །
46a6 ལས་ཀྱི་སྦྱོར་བ་འདི་བརྩམ་བྱ། །ཕྱག་དག་སྔོན་དུ་སོང་བ་ཡིས། །མཆོད་པའི་ལས་ལ་མངོན་པར་གཞག་།བདག་ཉིད་ལས་ཀྱི་ཕྱག་རྒྱར་གནས། །བསམ་པ་མངོན་དུ་གྱུར་པ་ཡིས། །ཀུན་གྱི་འབྲས་བུ་གང་ཡིན་པ། །བདག་གིས་གསལ་བར་རབ་ཏུ་བརྟག་།
46a7 སྔགས་དང་ཕྱག་རྒྱ་རབ་ལྡན་པའི། །མཆོད་པ་འདི་དག་ངེས་པ་ལས། །བགེགས་བསལ་ཡེ་ཤེས་རབ་དབབ་པའི། །རྣལ་འབྱོར་རྫོགས་པར་ཡང་དག་གནས། །རང་རང་རིགས་ཀྱི་ཕྱག་རྒྱ་ཡིས། །སྔགས་བཟླས་པ་ཡིས་དབུལ་བར་བྱ། །ོཾ་ན་མོ་ནཱི་ལཱ~ཾ
iiif viewer powered by OpenSeadragon
