| e-texts navigator |
| Wylie |
45a1 དྲག་པོ་དང་པོ་དེ་ཉིད་ལ། །བདག་གིས་སྦྱོར་བ་ངེས་པར་བརྩམ། །དེ་ནས་དང་པོ་བདག་ལུས་ལ། །རྒྱན་ཆ་ལྔ་ཡིས་རབ་བརྒྱན་ཏེ། །ལུས་ལ་གོས་དག་སྔོན་པོ་ཉིད། །བླ་གོས་སྨད་གཡོགས་ཡང་དག་བཅིངས། །སྤྱི་བོ་ལ་སོགས་གནས
45a2 ལྔ་རུ། །སྦྲུལ་གྱིས་ཡོངས་སུ་བཅིང་བར་བྱ། །རང་ཉིད་དཀྱིལ་འཁོར་ཤར་སྒོ་རུ། །འདུག་པས་སྦྱོར་བ་བརྩམ་པར་བྱ། །དེ་ནས་དང་པོ་བླ་རེ་གང་། །སྟེང་དུ་ངེས་པར་ཕུབ་བྱས་ལ། །ཟུར་བཞི་དག་ཏུ་བ་དན་བཞི། །སྔོན་པོས་ཡོངས་སུ་དཔྱང་བར་བྱ། །བླ་རེ་དག
45a3 གི་དཀྱིལ་དག་ནས། །སྐུད་པ་ལ་བརྒྱུས་མེ་ཏོག་གི། །ཕྲེང་བ་ཡོངས་སུ་དཔྱང་བར་བྱ། །དེ་ནས་སྔ་མའི་ཚུལ་གནས་ལ། །གོང་དུ་བསྟན་པའི་གནས་རྣམས་སུ། །བདག་གི་ལས་འདི་ངེས་པར་བརྩམ། །གཏོར་མའི་ལས་རྣམས་ཀུན་རྫོགས་དང་། །མཆོད་པ་རྣམ
45a4 པ་ལྔ་རྣམས་དང་། །སེང་ལྡེང་ཕུར་པ་སོར་བརྒྱད་ལ། །སྔགས་འདི་ཡིས་ནི་ཡང་དག་བསྔགས། །ོཾ་བཛྲ་ཀཱི་ལ་ཡ་སརྦ་བིགྷྣཱ་ན་ཧ་ན་ཧ་ན་ཧཱུ~ཾ་ཕཊ། ཨོཾ་བཛྲ་པཉྩ་ཛྙ་ན་ཤོ་དྷ་ཡ་སརྦ་ཙཀྵུ་ཀཱ་ར་ཡ་ཧཱུ~ཾ། སྔགས་དེ་དག་གིས་ཕུར་བུ་དང་། །སྐུད་པ་ལྔ་ལ་ལན་གྲངས
45a5 ནི། །ཉི་ཤུ་རྩ་གཅིག་བཟླས་བྱས་ལ། །ཙན་དན་ལ་སོགས་དྲི་ལྔ་ཡིས། །གོས་པར་ཡང་དག་བཅང་བར་བྱ། །དེ་ནས་སྔགས་པ་བློ་ལྡན་པས། །བདག་ཉིད་བསྲུང་བའི་འཁོར་ལོ་བརྩམ། །རང་གི་ཕྱི་རོལ་མཚམས་སུ་ནི། །མི་འགྱུར་ལས་ནི་བསིལ
45a6 ལྡན་བསྒོམ། །དེ་སྟེང་སྡུད་པའི་དངོས་པོ་གང་། །ཁ་དོག་ནག་པོ་ཡང་དག་བསམ། །དེ་ལས་ཁྱབ་བྱེད་རིགས་ལྔ་པ། །ཡང་དག་པར་ནི་བསམ་པར་བྱ། །དེ་ནས་ཡོངས་སུ་རྫོགས་པ་ལས། །བདུད་རྩི་འཁྱིལ་པར་བདག་བསམ་སྟེ། །རྡོ་རྗེ་སྡིགས
45a7 མཛུབ་ཕྱག་རྒྱ་ཡིས། །སྔགས་བཟླས་པས་ནི་བགེགས་བསྐྲད་ལ། །རིགས་གཙོའི་རྩེ་མོ་དེ་ཉིད་ལ། །ཀ~ཾ་ལས་ལུས་སྐྱོབ་བསམ་བྱ་སྟེ། །སྤྱི་བོར་གནས་པས་ཁྱབ་པར་བསམ། །དེ་ནས་གཏོར་མ་དེ་ཉིད་ལ། །བདུག་པ་ལ་སོགས་གང་ཡིན་དང་། །སྐྱེ་བ་བཞེས
iiif viewer powered by OpenSeadragon
