| e-texts navigator |
| Wylie |
44b1 མ་ཐམས་ཅད་ཀུན། །ཕོ་ཉའི་ཚུལ་དུ་ངེས་པར་གནས། །དང་པོ་ཉི་མ་ཤར་བ་ན། །ལས་ཀྱི་སྦྱོར་བ་སྣ་ཚོགས་པ། །སོ་སོ་དག་ལ་སྙིང་པོ་ཉིད། །གོང་དུ་བུ~ཾ་ལས་རབ་རྫོགས་པའི། །བརྒྱ་རྩ་བརྒྱད་དག་ངེས་པར་བཟླས། །ཧཱུ~ཾ་གི་སྒྲ་དང་རབ་ལྡན་པས། །བདག་ཉིད་ཁ
44b2 ནི་མེ་འབར་གསལ། །ཕྱག་རྒྱ་སྣང་བར་བཅས་བྱས་ཏེ། །དེ་ཉིད་སྟང་སྟབས་བསྐྱོད་པ་ཡིས། །གདུག་པ་ཐམས་ཅད་སྲེག་བྱེད་དང་། །བདེ་གཤེགས་མངོན་པར་དགྱེས་པར་བྱ། །རྡོ་རྗེ་དྲིལ་བུ་གཟུང་བྱས་ནས། །ཁྲོ་བོའི་ཆ་ལུགས་གང་ཡིན་པས། །ཕྱོགས་རྣམས
44b3 རྨོངས་པར་བྱེད་པ་ཡིན། །ལྷ་མོའི་གཟུགས་འཆང་གང་ཡིན་པས། །གཞན་གྱི་སེམས་ཀྱང་འཕྲོག་པར་བྱེད། །རེ་མིག་རྣམས་ཀྱི་བར་གང་ཡིན། །མེ་ལྕེ་འབར་བ་ཡོངས་སུ་བྲི། །འཁོར་ལོའི་འོག་ཏུ་གནས་བྱ་བ། །ཆོས་འབྱུང་ཕྱག་རྒྱ་ངེས་པར་བྲི། །ཐབས
44b4 དང་ཤེས་རབ་ལྡན་པ་ལ། །ཀུན་འབྱུང་ཡུམ་དུ་ངེས་པར་གསལ། །རྟེན་འབྲེལ་ཡང་དག་འབྱུང་བ་ཡིས། །ཀུན་རྫོབ་ལ་ནི་དོན་དམ་བརྟེན། །དོན་དམ་ཉིད་ལ་ཀུན་རྫོབ་ཀྱང་། །བརྟེན་པ་ཉིད་དུ་ཡང་དག་གནས། །དེ་བས་སྣང་བ་མི་གསལ་བར། །ཆོས་འབྱུང
44b5 ཕྱག་རྒྱ་ངེས་པར་ཡང་། །རྒྱས་པ་ལ་སོགས་མ་ཡིན་གྱི། །དྲག་པོའི་དཀྱིལ་འཁོར་ཡིན་པ་དང་། །དེ་བཞིན་དབྱིབས་སུ་རང་གསལ་བ། །དྲན་དང་བཅས་པས་བྲི་བར་བྱ། །མཐུ་དང་ལྡན་པའི་གང་ཟག་ལ། །སྟོབས་ནི་ཤིན་ཏུ་ངེས་པར་སྐྱེ། །དཀྱིལ་འཁོར་ལྷ
44b6 གཉིས་མངོན་བསྒྲུབས་པས། །ལུས་ལ་གཟི་བརྗིད་འཇུག་པའོ། །རྡོ་རྗེ་མེ་ལྕེའི་རྒྱུད་ལས་དཀྱིལ་འཁོར་དང་ལྷའི་ལེའུ་སྟེ་གསུམ་པའོ།། །།ལག་ན་རྡོ་རྗེ་གོས་སྔོན་གྱིས། །འཇིག་རྟེན་མགོན་ལ་འདི་སྐད་གསོལ། །དཀྱིལ་འཁོར་ལྷ་རྣམས་དགྱེས་བྱ
44b7 བ། །ཐབས་དེ་གང་ལགས་གསུང་དུ་གསོལ། །ནང་གི་བདག་ཉིད་ཅན་དང་ཡང་། །ཕྱི་ཡི་ཁྲུས་སོགས་རབ་བྱས་ལ། །རབ་གསལ་ལ་སོགས་རྒྱུན་བཅད་ནས། །གང་ཡང་རུང་བའི་ལོ་ཉིད་ལ། །སྟོན་ཟླ་ར་བ་ནས་བརྩམས་ནས། །ལྷ་མིན་བླ་དང་མེ་ཏོག་གི། །
iiif viewer powered by OpenSeadragon
