| e-texts navigator |
| Wylie |
44a1 ཀྱང་སྟག་གི་པགས་པ་ཡིས། །སྨད་ནི་ཡོངས་སུ་དཀྲིས་པ་ཡིན། །དེ་སྟེངས་གདན་ནི་རབ་གནས་པ། །གཙོ་བོ་ཉིད་ལ་ཉི་ཟླ་ཡིས། །ཕྲག་པ་ཉིད་ལ་འཁོར་བར་རྒྱུ། །ཚངས་པ་དབང་པོ་ལྷ་ཆེན་གཉིས། །ཞབས་ཀྱིས་ཡོངས་སུ་མནན་པ
44a2 ཡིན། །ཤར་གྱི་ལྷ་ཆེན་རྣམ་རྒྱལ་ཉིད། །ཀེང་རུས་སྟེང་ན་བཞུགས་པ་བཞིན། །གཞན་ཡང་དེ་ལྟར་གནས་པ་ཡིན། །ས་བོན་གནས་པ་གང་ཡིན་པ། །སྒྲ་དང་བཅས་པ་ཤེས་པར་བྱ། །དང་པོ་གཙོ་བོ་སྐྱེད་བྱེད་གང་། །ཧཱུ~ཾ་ལས་ངེས་པར་རྫོགས
44a3 བྱ་ཞིང་། །གཞན་རྣམས་འདི་ལས་འབྱུང་བར་བསམ། །ཧཱུ~ཾ་མ~ཾ་བ~ཾ་ཨ~ཾ། ཡ~ཾ་བ~ཾ་ཌ~ཾ་བྷ~ཾ། པྲ~ཾ་མ~ཾ་ས~ཾ་ཤ~ཾ། པྲ~ཾ་ཤ~ཾ་ར~ཾ་མ~ཾ། དེ་དག་ལས་བྱུང་སྔགས་པ་ཡིས། །འོད་དང་བཅས་པར་བདེ་གཤེགས་ཀྱི། །ཞལ་ནས་འབྱུང་བར་ཡང་དག་ལྡན། །དེ་ལས་རགས
44a4 པ་གང་ཞིག་གི། །འབར་འཕྲོ་ངེས་པར་བསྐྱེད་པར་བྱ། །དང་པོ་ཀུན་ཀྱང་གཅིག་པ་ཡིས། །བ~ཾ་ལས་གྱུར་པ་སྣ་ཚོགས་པ། །ཡང་དག་པར་ནི་སྐྱེད་པར་བྱེད། །དེ་འོག་ཀ~ཾ་ལས་རབ་བསྐྱེད་པས། །སྐམ་པོར་ཡོངས་སུ་བརྟག་པ་ཡིན། །དེ་དག་རབ་རྫོགས
44a5 སྔགས་པ་ཡིས། །སྐུ་རུ་ཡོངས་སུ་རྫོགས་བྱས་ལ། །བདག་གིས་རྣལ་འབྱོར་ཡང་དག་འགྲུབ། །དེ་ནས་སྔགས་པ་བློ་ལྡན་པས། །རིགས་སུ་ངེས་པ་གང་ཡིན་པ། །ཐབས་འདི་ལ་ནི་འཇུག་པར་བྱ། །ཀུན་ལ་འཇུག་པར་གྱུར་པ་ཡི། །ཁྱབ་པའི་བདག་པོ་ཆེན
44a6 པོ་ནི། །རིགས་ཀྱི་གཙོ་བོས་སྤྱི་ལ་ཁྱབ། །མདུན་ནི་རྡོ་རྗེའི་རིགས་ཡིན་ཏེ། །ལྷ་མིན་ལ་སོགས་ངེས་པར་འཇིག་།གཡས་པ་ཉིད་ན་གང་གནས་པ། །རིན་ཆེན་རིགས་སུ་ངེས་པ་སྟེ། །ཤ་ཟ་ལ་སོགས་ངེས་པར་འཇིག་།རྒྱབ་ན་གནས་པ་གང་ཡིན་པ། །པདྨའི
44a7 རིགས་སུ་ཡང་དག་ལྡན། །ནོར་ལ་སོགས་པ་གང་དགོད་པ། །རེ་བ་བཞིན་དུ་སྐོང་བར་བྱེད། །གཡོན་ན་ངེས་པར་གནས་པ་གང་། །ལས་ཀྱི་རིགས་སུ་ངེས་པ་ལས། །ཀླུ་དང་གནོད་སྦྱིན་ལ་སོགས་པ། །མ་རུངས་པ་རྣམས་ཡོངས་སུ་འཇིག་།གཞན་ཡང་ལྷག
iiif viewer powered by OpenSeadragon
