| e-texts navigator |
| Wylie |
43b1 ཐོད་པ་ལྔ་ཡིས་མགོ་བརྒྱན་པ། །གཙོ་བོ་ལ་བསྟན་དགོད་པར་བྱ། །ནུབ་བྱང་བཞི་པའི་མཚམས་སུ་ཡང་། །རྡོ་རྗེ་འཇིགས་བྱེད་ཞེས་བྱ་བ། །ཁ་དོག་སྔོ་ནག་འཇིགས་པའི་གཟུགས། །ཞལ་གསུམ་ཕྱག་ནི་དྲུག་པ་ལ། །ཞབས་གཉིས་དག་ཏུ་རྣམ་པར
43b2 བཤད། །གཡས་གཡོན་དང་པོ་གླང་ཆེན་གྱི། །པགས་པ་ཡོངས་སུ་བརྐྱང་བ་འཛིན། །དེ་འོག་གཡས་པ་དགྲ་སྟ་ལ། །གཡོན་པ་རྡོ་རྗེ་ཡང་དག་འཛིན། །གསུམ་པའི་གཡས་ན་ལྕགས་ཀྱུ་སྟེ། །གཡོན་ན་མི་མགོ་རློན་པ་བསྣམས། །བརྐྱང་བསྐུམ
43b3 ཚུལ་དུ་གནས་ནས་ཀྱང་། །གཙོ་བོ་ཉིད་ལ་ཁ་བལྟས་བཞུགས། །མཚམས་ཀྱི་གྲུ་ཆད་གང་ཡིན་པར། །འོད་སྐྱེད་མ་དང་ཡིད་འཕྲོག་མ། །ཀུན་བཟང་མ་དང་གླུ་སྒྲ་ཅན། །རང་གི་ཕྱོགས་ཀྱི་ཁ་དོག་ལ། །ཤིན་ཏུ་ཞི་བས་ལྡེམ་བག་ཅན། །ཕྱག་གཡས
43b4 སུ་ནི་མེ་ཏོག་དང་། །དྲི་དང་ཞལ་ཟས་སྒྲ་བརྙན་རྣམས། །གར་གྱིས་རོལ་བར་ཡང་དག་ལྡན། །ནུ་མ་ཅུང་ཟད་འབུར་བ་ལ། །དར་དག་དཀར་པོས་སྨད་གཡོགས་པས། །གཙོ་བོ་ལ་བལྟས་མཛེས་པའི་གཟུགས། །ཕྱི་ཡི་གྲཝ་རུ་དགོད་པར་བྱ། །སྒོ་རྣམས
43b5 སུ་ནི་སྒོ་སྐྱོང་ནི། །སྲོག་གཅོད་མ་དང་དབུགས་རྔུབ་མ། །ཁྲག་འཐུང་མ་དང་ཤ་ཟ་མ། །ཞལ་གཅིག་ཕྱག་ནི་གཉིས་པ་ལ། །སྟག་དང་སེང་གེ་སྦྲུལ་དང་ཡང་། །དོམ་དུ་ཡང་དག་གནས་པ་སྟེ། །ཕྱག་གཡས་ཐོ་བ་རྐྱལ་པ་དང་། །ཧོམ་གཟར་གྲི་གུག་རྣོན
43b6 པོ་བསྣམས། །གཡོན་པ་རྣམས་ནི་ཞགས་པ་ཉིད། །ཀུན་ཀྱང་འཇིགས་པར་ཡོངས་སུ་འཛིན། །རང་གི་ཕྱོགས་ཀྱི་ཁ་དོག་སྟེ། །ཀུན་ཀྱང་ནག་པོ་ཤིན་ཏུ་བསྲེག་།གཡོན་བརྐྱང་གཡས་ནི་བསྐུམ་པ་ཉིད། །མཆེ་བ་གཙིགས་ཤིང་རྔམ་པའི་སྐུ། །ཤིན་ཏུ
43b7 ཁྲོ་གཉེར་བརྗིད་པའི་ཞལ། །གར་སྟབས་ཀྱིས་རོལ་བདེ་ཆེན་གནས། །ཅུང་ཟད་གཡོན་དུ་གཟིགས་པ་ཡིས། །ཧ་ལ་ཧ་ལའི་སྒྲ་ཡང་སྒྲོགས། །གཞན་ཡང་ལྷ་རྣམས་དེ་དག་ཀུན། །ཐོད་པ་ལྔ་ཡིས་བརྒྱན་བྱས་ནས། །རྒྱན་ཆ་ལྔ་དང་ཡང་དག་ལྡན། །ཀུན
iiif viewer powered by OpenSeadragon
