| e-texts navigator |
| Wylie |
43a1 བདེ་ཆེན་བསྣམས། །མོ་ནི་ཞགས་པ་ཡོངས་སུ་འཛིན། །ཁྲོ་ཞལ་གཟིགས་པ་མི་བཟད་པས། །ཕྱོགས་བཅུ་རྣམས་སུ་རབ་ཏུ་གཟིགས། །དེ་ཉིད་མགོན་པོ་གང་ཡིན་པ། །ཕྱོགས་གཉིས་པར་ནི་རབ་ཏུ་དགོད། །ནུབ་ཕྱོགས་གསུམ་པར་དགོད
43a2 བྱ་བ། །ལུས་ངན་སྲས་པོ་སྟོབས་པོ་ཆེ། །ཁ་དོག་ལྗང་གུ་ཉིད་ལ་ཡང་། །སྤྱན་ནི་རྒྱས་པ་ཉིད། །ཞལ་གཅིག་ཕྱག་ནི་གཉིས་པ་ལ། །སྤྱི་བོར་རྡོ་རྗེ་རྨོག་གིས་བརྒྱན། །གཡས་པ་ཉིད་ལ་རྡོ་རྗེ་ཅན། །གཡོན་པ་ནེའུ་ལེའི་རྐྱལ་པ་འཛིན། །ཞབས
43a3 གཉིས་དྲང་པོར་རབ་གནས་ཏེ། །ཤར་ཕྱོགས་བལྟས་པས་ཡོངས་སུ་གནས། །བྱང་ཕྱོགས་བཞི་པར་དགོད་བྱ་བ། །བདུད་རྩི་འཁྱིལ་པ་ཡོངས་སུ་གནས། །ཁ་དོག་སྔོན་པོ་དེ་ཉིད་ལ། །ཚམ་རྔམ་ཁྲོ་གཉེར་བརྗིད་པའི་ཞལ། །གཡས་བསྐུམ་གཡོན་བརྐྱང་སྟང
43a4 སྟབས་ཚུལ། །ཕྱག་གཉིས་བྲང་དུ་རབ་བསྣོལ་ཏེ། །གཡོན་དུ་ངེས་པར་ཅུང་ཟད་གཟིགས། །ལྷོར་བལྟས་ཡང་དག་དགོད་པར་བྱ། །བྱང་ཤར་རྡོ་རྗེ་གནོད་སྦྱིན་ཏེ། །ཁ་དོག་དམར་ནག་འཇིགས་པ་ལ། །གཡས་བརྐྱང་གཡོན་བསྐུམ་རབ་བཞུགས་ནས། །
43a5 ཕྱག་གཡས་གྲི་གུག་རྣོན་པོ་འཕྱར། །གཡོན་པ་ཅང་ཏེའུ་དྲག་པོ་རྡུང་། །གཙོ་བོ་ལ་བལྟས་དགོད་པར་བྱ། །ཤར་ལྷོ་རྡོ་རྗེ་རོ་ལངས་ཉིད། །ཁ་དོག་སྔོ་སྐྱ་རབ་འབར་ལ། །མི་བཟད་འབར་བ་འཇིགས་པའི་གཟུགས། །ཅུང་ཟད་གཡས་སུ་ངེས་པར་གཟིགས།
43a6 གཡས་བརྐྱང་གཡོན་བསྐུམ་ཚུལ་གནས་ཏེ། །རྡོ་རྗེ་ལྕགས་སྒྲོག་རབ་བཟུང་ནས། །གུང་སྲིན་ལ་སོགས་གསུམ་པོ་རྣམས། །དམ་པོར་བཀུག་པས་ཡོངས་སུ་བསྡམས། །མཐེབ་མཛུབ་བཞི་རྣམས་རབ་བརྐྱང་སྟེ། །སྤྱི་བོར་ངེས་པར་བསྣོལ་བར་བསྣམས། །ལྷོ
43a7 ནུབ་རྡོ་རྗེ་མཁའ་འགྲོ་སྟེ། །ཁ་དོག་དམར་སྐྱ་ཉིད་ལ་ཡང་། །ཤིན་ཏུ་མི་བཟད་འཇིགས་པའི་གཟུགས། །ཞབས་གཉིས་མཐིལ་སྦྱར་བཙུགས་པ་ལ། །ནམ་མཁའ་གྲུ་བཞི་པ་རུ་འདོད། །ལག་གཉིས་སྤྱི་བོ་ཐལ་སྦྱར་ནས། །མེ་ལྕེ་འབར་བ་ཡོངས་སུ་འཛིན། །
iiif viewer powered by OpenSeadragon
