| e-texts navigator |
| Wylie |
42b1 གསུམ་པ་གཅིག་གི་ཚད་དང་ལྡན། །དེ་ལྟར་ཚད་དུ་ལྡན་པ་ལས། །ཤིན་ཏུ་མཉམ་པར་འཐས་པར་བྱ། །དེ་ཉིད་རྗེས་སུ་འཇུག་པ་ཡིས། །དང་པོའི་སྲད་བུ་གང་ཡིན་པས། །ཁ་དོག་སེར་པོའི་ཐིག་གདབ་བྱ། །དཀྱིལ་འཁོར་དགུ་རུ་ངེས་པ་ལས། །འབྲུ་དང་ས་དང་རིན
42b2 ཆེན་དང་། །ཕྱེ་མ་ཉིད་དུ་བཏགས་པ་ཡིས། །དཀྱིལ་དུ་པདྨ་བཅུ་དྲུག་པ། །འདབ་མར་ལྡན་པར་བྲི་བར་བྱ། །ཤར་དང་ལྷོ་དང་ནུབ་བྱང་དང་། །མཚམས་རྣམས་སུ་ཡང་དེ་བཞིན་བྲི། །ལེ་ཚེའི་པདྨ་གང་ཡིན་པ། །སྣ་ཚོགས་པར་ནི་ཡང་དག་བཤད། །མཚམས
42b3 རྣམས་སུ་ནི་མཆོད་པ་ཡི། །ལྷ་མོ་ཡོངས་སུ་དགོད་པར་བྱ། །སྒོ་བཞི་དག་ཏུ་ཁྲོ་མོ་བཞི། །སྦྱོར་བས་ཡང་དག་དགོད་པར་བྱ། །རིན་ཆེན་ཕ་གུ་འདོད་ཡོན་དང་། །དྲ་བ་དྲ་ཕྱེད་ཡང་དག་ལྡན། །ཏྭ་ར་ཎ་ནི་བཞིས་བརྒྱན་ཅིང་། །སྣ་ཚོགས་རྡོ་རྗེ་གཞིར་གནས་ཡིན། །
42b4 གདུགས་དང་གང་ཡིན་པ། །རྒྱན་རྣམས་ཀུན་གྱིས་རྣམ་པར་སྒེག་།སྔགས་པ་བྱང་ཆུབ་བློ་ལྡན་པས། །ཀེང་རུས་ཕྲེང་བ་ཉིད་དང་ཡང་། །སྦྲུལ་མགོའི་ཕྲེང་བས་རྣམ་པར་བརྒྱན། །རྡོ་རྗེ་སྣ་ཚོགས་རབ་འབར་བའི། །ཕྲེང་བས་ཕྱི་རོལ་ལེགས་པར་བསྐོར། །
42b5 ཟུར་བཞི་དག་ཏུ་བུམ་པ་བཞི། །རྒྱན་གྱིས་རྫོགས་པར་ཡང་དག་བྲི། །དེ་དཀྱིལ་ཕྱག་ན་རྡོ་རྗེ་ཉིད། །སྔ་མའི་ཚུལ་གྱིས་ཡོངས་སུ་གནས། །ཤར་དུ་ཁམས་གསུམ་རྣམ་རྒྱལ་ཉིད། །ཡང་དག་པར་ནི་བྲི་བྱ་སྟེ། །ཁ་དོག་དམར་པོ་ཉིད་ལ་ཡང་། །དབུ་གསུམ་ཕྱག་ནི
42b6 དྲུག་པའི་དབྱིབས། །ཞབས་བཞི་བརྐྱང་བསྐུམ་ཚུལ་དུ་བཞུགས། །ཕོ་ནི་རྡོ་རྗེ་ངེས་པ་ལས། །མོ་ནི་དགྲ་སྟ་ཡང་དག་ལྡན། །བར་མ་གཉིས་ཀྱིས་འཆིང་བྱེད་པ། །གུང་མོ་མཐེ་བོ་ངེས་མདུད་ནས། །གཞན་རྣམས་ཡོངས་སུ་བརྐྱང་པ་ཡིན། །དེ་ཉིད་སྙིང་པོ་གང་ཡིན
42b7 པ། །སྙིང་གར་ཡང་དག་བཟུང་བྱས་ནས། །དེ་འོག་ཕོ་ཡིས་ཞགས་པ་འཛིན། །མོ་ཡིས་རལ་གྲི་བཟུང་བྱས་པ། །དང་པོ་ཉིད་ལ་དགོད་པར་བྱ། །ལྷོ་རུ་ནག་པོ་ཆེན་པོ་ཉིད། །ཁ་དོག་དུད་སྤྲིན་ལྟ་བུ་ལ། །ཞལ་གཅིག་ཕྱག་ནི་གཉིས་པའི་དབྱིབས། །ཕོ་ཉིད་ཙན་དན
iiif viewer powered by OpenSeadragon
