| e-texts navigator |
| Wylie |
41b1 པར་བྱ། །དེ་ལས་ངེས་པར་བྱུང་བས་ན། །ཀུན་སྣང་གང་ཡིན་དངོས་དང་སྦྱར། །བསམ་པའི་དངོས་ལ་འཇུག་རྣམས་ཀྱི། །ཡན་ལག་ཐབས་རྣམས་ཐམས་ཅད་དུ། །གོང་དུ་སྨོས་ནས་བརྗོད་པ་ཡིན། །དོན་དུ་གསལ་བར་ཟློས་པ་ཡི། །ཚིག་ནི་རྒྱས་པར
41b2 བརྗོད་མི་དགོས། །ལས་ལས་གྲུབ་པའི་གཟུགས་རྣམས་ལ། །དྲག་པོ་ཡོངས་སུ་སྟོན་པ་དང་། །གནོད་སྦྱིན་བེ་ཅོན་ཐོགས་རྣམས་ལ། །གཙོ་བོའི་དོན་དུ་བཤད་པས་ན། །ཚིག་ཏུ་ངེས་པར་ཡང་དག་བརྗོད། །ཁྱོད་ཀྱི་ལུང་འཆང་རབ་དགའ་བས། །དེ་ཉིད་རིགས
41b3 སུ་བྱུང་བ་སྟེ། །ཀུན་ཀྱང་དྲག་པོའི་ལས་ལ་དགའ། །སྣང་བ་དག་པར་མི་མཐོང་བཞིན། །དེ་ཉིད་ལ་ནི་ངེས་པར་བརྗོད། །གོང་དུ་བསྟན་པ་གང་ཡིན་པ། །སོ་སོ་དག་ལ་གདོན་མི་ཟ། །སྦྱོར་བ་སྣ་ཚོགས་དེས་བསྒྲུབས་ན། །སྣང་བར་འབྱོར་བ་སྣ་ཚོགས་པ། །མངོན
41b4 དུ་རྒྱས་ཤིང་ངེས་པར་གསལ། །སྣང་བ་ཆེན་པོ་བདག་མེད་པར། །རྒྱུད་པས་ཡོངས་སུ་གྲུབ་པ་ཡིན། །ཀུན་རྫོབ་གོང་མའི་ཚིག་ལྟ་བུ། །དངོས་པོ་བསྟེན་པ་ལྟ་བུར་མཐོང་། །དོན་དམ་འོག་མའི་སྒྲ་ལྟ་བུར། །ཉོན་མོངས་ཀུན་བསྲེགས་རང་བཞིན་གྱིས། །འོད
41b5 གསལ་བ་རུ་གནས་པ་ཡིན། །སྙིང་པོ་དོན་དམ་ལ་འཇུག་པ། །ཕྱི་རིམ་ཀུན་རྫོབ་ལ་བརྟེན་བྱ། །དང་པོར་སངས་རྒྱས་མི་གནས་ཤིང་། །སྔ་མིའི་བྱ་བ་སྦྱོར་བར་བརྩོན། །དབང་ཐོབ་པ་ལ་རློམ་སེམས་མེད། །བླ་མའི་མན་ངག་ངེས་པ་ལས། །བླ་མ་ཉིད་ལ་ཅི
41b6 ནུས་ཀྱིས། །ཡང་དག་པར་ནི་མཆོད་པར་བྱ། །རྡོ་རྗེ་ངོ་བོ་ཀུན་འབྱུང་དང་། །གདུག་པ་ཐམས་ཅད་སྲེག་ཕྱིར་གང་། །དངོས་པོ་ལ་འཇུག་གོང་མའི་སྒྲ། །གོང་མའི་ཚིག་ཏུ་བརྗོད་པ་ཡིན། །ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་མེ་ལྕེའི་རྒྱུད་ལས། ངེས་ཚིག
41b7 གི་ལེའུ་སྟེ་གཉིས་པའོ། ། །།གོས་སྔོན་ལག་ན་རྡོ་རྗེ་ཡིས། །སངས་རྒྱས་མགོན་ལ་འདི་སྐད་གསོལ། །གང་ཞིག་བསྒྲུབ་པར་བྱ་བ་ཡི། །ཐབས་ཀྱི་དཀྱིལ་འཁོར་གསུང་དུ་གསོལ། །རིག་པའི་རྒྱལ་པོས་བཀའ་སྩལ་པ། །ཡང་དག་དོན་དམ
iiif viewer powered by OpenSeadragon
