| e-texts navigator |
| Wylie |
40b1 པ་ལས་ཕྱག་བརྙན་ལག་ན་རྡོ་རྗེ་རྒྱ་མཚོའི་ནང་ན་འདུག་པ་མཐོང་ནས། རིངས་པར་ཀྱེ་མ་ཨ་ལ་ལ་བདག་ཅག་གི་གཙོ་བོ་ཉིད་བཞུགས་སོ། །ཞེས་བརྗོད་ནས་སོང་བ་ལས་ཕྱིན་ཏེ། བལྟས་པས་ཆེར་དྲག་པ་སྐྲ་ཁམ་པ་གྱེན་དུ་འཕགས་པ། མིག་མེ་མདག་གི་ཕུང་བོ
40b2 ལྟར་འབར་བ། མཆེ་བ་གཙིགས་པ། ལྕེ་གློག་ལྟར་འགྱུ་བ། གསུས་པ་རྫིང་བུ་ལྟར་འཁྱིལ་བ། རྒྱ་མཚོའི་ཟབས་སུ་དཔག་ཚད་བརྒྱད་ཁྲི་ཡོད་པ་རྐང་པའི་པུས་མོར་ཕྱིན་པ། ཀླུའི་རྒྱན་ཆ་བདུན་དང་ལྡན་པ། ལག་པ་གཡས་ན་རྡོ་རྗེ་རྩེ་དགུ་པ་ཐོགས་པ།
40b3 གཡོན་ན་ནམ་མཁའ་ལྡིང་གི་རྒྱལ་པོ་དྲག་པོ་ཐོགས་པ། སྐུ་བྱིན་པོ་ལ་དཔག་ཚད་ཉིས་འབུམ་དྲུག་ཁྲི་ཡོད་པ་བཞུགས་སོ། །དེ་ནས་གནོད་སྦྱིན་རྣམས་ཀྱིས་གསོལ་པ། གཙོ་བོ་ཁྱོད་ཀྱིས་བཅོམ་ལྡན་འདས་ལ་གསང་བའི་དོན་དྲག་པོ་རྒྱས་པར་གསོན་ཅིག
40b4 དང་། །བདག་ཅག་རྣམས་ཀྱིས་ཞུ་བར་མ་སྤོབས་ཀྱིས་ཞེས་གསོལ་ནས། ལག་ན་རྡོ་རྗེ་ལ་གོས་སྔོན་པོ་དང་ལ་བཻཌཱུརྱ་ཞུན་མའི་ནང་དུ་བཙོས་པ་ཞིག་བླ་གོས་སུ་གསོལ་ཏོ། །སྟག་གི་པགས་པ་དྲུག་སྟོང་གིས་ཤམ་ཐབས་སུ་བཅིངས་སོ། །དེ་ནས་ལག
40b5 ན་རྡོ་རྗེ་རིངས་པར་བཅོམ་ལྡན་འདས་ཀྱི་སྤྱན་སྔར་སོང་སྟེ་ཞབས་ལ་སྤྱི་བོས་གཏུགས་ཏེ། མདུན་དུ་སྙིང་པོ་དང་ལྡན་པའི་སྐྱིལ་མོ་ཀྲུང་བཅས་ཏེ་འདུག་གོ། །དེ་ནས་བཅོམ་ལྡན་འདས་ཀྱིས་ནམ་མཁའ་དང་ས་གཞི་ལ་གཟིགས་ནས། བར་སྣང་དུ་ཡང་སྤྱན་གྱིས་འཁོར་བར
40b6 གཟིགས་སོ། །དེ་ནས་ཁ~ཾ་ཐུ~ཾ་ས~ཾ། ཞེས་བྱ་བའི་སྔགས་བརྗོད་དོ། །དེ་ནས་ལག་ན་རྡོ་རྗེ་སྟན་ལས་ལངས་ནས། རྡོ་རྗེ་ཐལ་མོ་རང་གི་སྙིང་གར་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏེ། །ཀྱེ་མ་བཅོམ་ལྡན་འདས་ལ་གསང་བ་དྲག་པོའི་དོན་བདག་དང་སེམས
40b7 ཅན་ཐམས་ཅད་ལ་ཕན་པའི་ཕྱིར་ཞུ་ན། །ཅི་བཅོམ་ལྡན་འདས་ཀྱིས་སྐབས་དབྱེ་བར་གནང་ངམ་ཞེས་གསོལ་པ་དང་། ཅི་ཡང་མི་གསུང་བར་བཅོམ་ལྡན་འདས་གདུག་པའི་ཚོགས་ངེས་པར་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས་མ
iiif viewer powered by OpenSeadragon
