| e-texts navigator |
| Wylie |
40a1 @#། །རྒྱ་གར་སྐད་དུ། ནཱི་ལཱམྦ་ར་དྷ་ར་བཛྲ་པཱ་ཎི་ཡཀྵ་མ་ཧཱ་རུ་དྲ་བཛྲཱ་ན་ལ་ཛི་ཧྭ་ཏནྟྲ་ནཱ་མ། བོད་སྐད་དུ། ཕྱག་ན་རྡོ་རྗེ་གོས་སྔོན་པོ་ཅན་གནོད་སྦྱིན་དྲག་པོ་ཆེན་པོ་རྡོ་རྗེ་མེ་ལྕེའི་རྒྱུད་ཅེས་བྱ་བ། འཕགས་པ་ཕྱག་ན་རྡོ་རྗེ་ལ་ཕྱག་འཚལ་ལོ། །འདི་སྐད
40a2 བདག་གིས་ཐོས་པ་དུས་གཅིག་ན། བཅོམ་ལྡན་འདས་ཐམས་ཅད་འབྱུང་བའི་ཡུམ་བཙུན་མོའི་བྷ་ག་ལ་བཞུགས་ཏེ། དེ་ནས་གནོད་སྦྱིན་དྲག་པོ་བྱེ་བ་ཕྲག་བཅུ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་དྲག་ཅིང་གཏུམ་པའི་རིགས་ཇི་སྙེད་པ་ཐམས
40a3 ཅད་དང་ཐབས་ཅིག་གོ། །དེ་ནས་བཅོམ་ལྡན་འདས་དྲག་པོའི་སྐྱིལ་མོ་ཀྲུང་བཅས་ནས་གཡས་པ་ནམ་མཁའ་ལ་བསྒྲེང་། གཡོན་པ་ས་ལ་བགྲད་ནས་སྤྱན་བཟློག་པས་ཕྱོགས་བཅུར་གཟིགས་ཏེ། ཞལ་ནས་ཧཱུ~ཾ་ཧ་ཞེས་པའི་སྒྲ་ཆེར་བྱུང་ངོ་། །དེ་ནས་འཁོར་ཐམས
40a4 ཅད་གཙོ་བོ་མི་སྣང་བས་ཡུན་རིང་དུ་བརྒྱལ་བར་གྱུར་ཏོ། །དེའི་སྐད་ཅིག་དེ་ཉིད་ལ་བཅོམ་ལྡན་འདས་ཀྱི་སྤྱི་བོའི་གཙུག་ནས་སངས་རྒྱས་ཐམས་ཅད་ཀྱིས་གནང་བ། སྔགས་རྣམ་པ་གསུམ་གྱི་བདག་པོར་གྱུར་པ་ཕྱག་བརྙན་ལག་ན་རྡོ་རྗེ་ཞེས་བྱ་བ་ཁ་དོག་སྔོན་པོ་ཆེར
40a5 གྲགས་པ། ཕྱག་གཡས་པ་ན་རྡོ་རྗེ་རྩེ་དགུ་པ་ཐོགས་པ། གཡོན་པ་ན་ནམ་མཁའ་ལྡིང་གི་རྒྱལ་པོ་དྲག་པོ་ཐོགས་པ་ཞིག་རྒྱ་མཚོ་ཆེན་པོར་ཞུགས་སོ། །དེ་ནས་ནམ་མཁའ་ལྡིང་གི་གཤོག་པ་བསྐྱོད་པས་རྒྱ་མཚོར་ཞུགས་ཏེ། ཀླུའི་རྒྱལ་པོ་དགའ་བོ་དང་།
40a6 འཇོག་པོས་རང་གི་བདག་པོའི་སྤྱི་བོར་འདུད་དོ། །ཉེ་དགའ་བོ་དང་དུང་སྐྱོང་གིས་རྣ་ཆ་བྱས་སོ། །རིགས་ལྡན་གྱིས་མགུལ་རྒྱན་དུ་བྱས་སོ། །པདྨ་དང་པདྨ་ཆེན་པོས་ལག་གདུབ་ཏུ་བྱས་སོ། །སྤྲིན་གྱི་ཤུགས་ཅན་གྱིས་སེ་རལ་ཁར་བཅིངས་སོ། །ཧུ་ལུ་ཧུ
40a7 ལུས་སྐ་རགས་སུ་བྱས་སོ། །འབྲུག་སྒྲ་དང་བདུད་འཇོམས་ཀྱིས་རྐང་གཏུབ་ཏུ་བྱས་ཏེ། སླར་བདག་པོའི་ལག་པ་གཡོན་པར་སོང་ངོ་། །དེ་ནས་གནོད་སྦྱིན་བྱེ་བ་ཕྲག་བཅུ་དང་། །དྲག་པོའི་རིགས་རྣམས་བརྒྱལ་བ་ལས་སངས་ཏེ། ཕྱོགས་ཀུན་ཏུ་བལྟས
iiif viewer powered by OpenSeadragon
