| e-texts navigator |
| Wylie |
38a1 ཅན་རྣམས་ཀྱི་ལོ་ཏོག་འཇོམས་པའི་ཐབས་བཀའ་སྩལ་དུ་གསོལ། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལོ་ཏོག་འཇོམས་པའི་ལས་བྱས་ན། །ནཱ་ག་གཟིར་ཏེ་གཞོམ་པར་བྱ་ཞེས་སྟོབས་ཀྱི་ཡི་གེ་འབྲུ་བཞི་དང་། མི
38a2 འགྱུར་བའི་ཡི་གེ་འབྲུ་གསུམ་གསུངས་པ། ཨོཾ་ཧཱུ~ཾ་བཛྲ་མ་ཧཱ་བ་ལ་ཞེས་གཏུམ་པོ་སྟོབས་ཆེན་པོའི་སྔགས་གསུངས་སོ། །ནཱ་ག་ཙིཏྟ་རྦད་ནན། ཞེས་ཀླུའི་སྙིང་གཟིར་དྲུག་པ་གསུངས་སོ། །སརྦ་དུཥྚཱ་ན། ཞེས་ཐམས་ཅད་དབང་དུ་སྡུད་པ་གསུངས་སོ། །ཕོབ
38a3 ཤར་ཤར་ཕོབ། ཅེས་ཆུ་འཁྱགས་ཀྱི་སྙིང་པོ་གསུངས་སོ། །གཅིག་ཏུ་དྲིལ་ཞིང་བརྡེག་པར་བྱ། །ནཱ་གའི་གཟུགས་བཅས་སྔགས་བཀོད་ནས། །ཡུངས་ཀར་བརྡེག་ཅིང་ཕུར་བུས་གདབ། །མཛེ་ཐོད་ནང་དུ་ཀླུ་གཟུགས་གཞུག་།ཁྲག་ཆེན་བཙན་དུག་གླ་བའི་ཁྲག་།ཡུངས
38a4 ཀར་ཡུངས་ནག་སྔགས་ཤིང་བརྡེག་། ཀླུ་གཟུགས་ནིམ་པའི་ཆུ་ནས་དབྱུང་། །དང་པོ་ཆོ་འཕྲུལ་ཆེ་བར་འདོད། །ཉམ་ཐག་པ་ན་དབབ་ལས་བྱ། །གསད་ཅིང་རོ་རུ་འདུག་པ་ན། །དུས་ལས་ཡོལ་ཏེ་ཕེབས་མི་འགྱུར། །རྟགས་དང་ལྡན་པར་གྱུར་པ་ན། །བདག་ཉིད་ཏིང
38a5 འཛིན་ལྡན་པ་ཡིས། །དྲག་པོའི་སྔགས་ཀྱིས་ཀླུ་གཟུགས་བཏུམ། །རྫས་དང་ཐོད་པ་ཆུ་མིག་མནན། །དྲག་པོ་རྒྱུ་བའི་དུས་དང་སྦྱར། །འཇིག་རྟེན་ལྡོག་པར་ཐེ་ཙོམ་མེད། །ཅེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལས་ཆུ་འཁྱགས
38a6 ལོ་ཏོག་འཇོམས་བྱེད་ཀྱི་ལེའུ་སྟེ་ལྔ་པའོ། ། །།དེ་ནས་དྲེགས་པ་ཅན་ཐམས་ཅད་ཤིན་ཏུ་ཡང་ཡི་རང་བར་གྱུར། ལྗོན་ཤིང་ལ་དུས་ཀྱི་རླུང་དྲག་པོས་བསྐྱོད་པ་བཞིན་འདར་བཞིན་དུ་འཁོད་དེ། བཀའ་བཞིན་དུ་བགྱིད་དོ་ཞེས་འཛེར་ཅིང་སྤྱན་སྔ་ན་འཁོད་པ་ལས་གནོད་སྦྱིན
38a7 གཏུམ་པོས་གསོལ་པ། ཀྱེ་བཅོམ་ལྡན་འདས་སླད་མའི་དུས་ཀྱི་བསྟན་པ་ལ་གནས་པའི་སླད་དུ་ལས་གནད་ལ་དབབ་ཏུ་གསོལ་ཞེས་གསོལ་པས། །བཅོམ་ལྡན་འདས་ཀྱིས་བཀའ་སྩལ་པ། བདུད་རྣམས་ལས་ལ་གཞུག་པ་ནི། །ཁ་རག་ནག་པོ་ཁྲ་མཱ་ཡ་ནརྀ་མཱ་ར་ཛཱ་མྲྀ་ཁུག་ཛཿ
iiif viewer powered by OpenSeadragon
