| e-texts navigator |
| Wylie |
37a1 སྦྱིན་གསང་བའི་བདག་། དུག་གསུམ་དུག་གི་རྩ་བ་ཡང་། །དུག་གསུམ་ལས་ནི་བྱུང་བ་ཡིན། །རྩ་བའི་དུག་ལ་རང་བཞིན་མེད། །དེ་ནི་དུག་གསོ་སྨན་གྱི་མཆོག་།སྨན་ཉིད་རང་འབྱུང་གཞན་ལས་མིན། །དེ་ཉིད་རང་དང་གཞན་ལས་གྲོལ། །
37a2 རྩ་བའི་དུག་ལ་རང་གྲོལ་ན། །དུག་གསུམ་ལ་སོགས་གཞན་དུ་མེད། །དུག་ལྔ་ལས་འཕྲོས་འབྱུང་ལྔའི་དུག་།ཀུན་རྫོབ་ཙམ་དུ་འབྱུང་བ་འཇོམས། །དེ་དག་རབ་ཏུ་གཞོམ་པའི་ཕྱིར། །རང་གཞན་རང་གྲོལ་བདུད་རྩི་ཡི། །རྩ་བའི་དུག་སོགས་འཇོམས
37a3 པར་བྱེད། །ལྷ་ཡི་སྐུ་དང་སྔགས་ཀྱི་མཐུ། །ཡེ་ཤེས་འབྱུང་བ་ཆེན་པོ་ཡིས། །ལས་ཀྱི་འབྱུང་བ་འཇོམས་པར་བྱེད། །རྫས་ཀྱིས་ཀྱང་ནི་དེ་བཞིན་ནོ། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལས་དུག་དང་དུག
37a4 འཇོམས་བྱེད་ཀྱི་ལེའུ་སྟེ་དང་པོའོ། ། །།དེ་ནས་གནོད་སྦྱིན་གཏུམ་པོས་འདི་སྐད་ཅེས་གསོལ་ཏོ། །ཀྱཻ་བཅོམ་ལྡན་འདས་དུག་ཆེན་པོ་དེ་དག་སྨིན་པ་ལ། གདོན་པའི་ལས་དག་གང་གིས་བགྱི། །ནན་ཏན་གྱིས་ནི་བཀའ་སྩོལ་ཅིག་།ཅེས་གསོལ
37a5 བས། བཅོམ་ལྡན་འདས་ཀྱིས་བཀའ་སྩལ་པ། བཛྲེ་སརྦ་ཥྚཾ་ཙིཏྟ་རྦད་ནན། མ་ཧཱ་ཀཱ་ལ་ཙིཏྟ་རྦད་ནན། སརྦ་ཤ་ཏྲཱུ~ཾ་མཱ་ར་ཡ་རྦད་ནན། ཞག་གྲངས་ཉི་ཤུ་གཅིག་ཏུ་བྱ། །ནམ་ལངས་ཉི་མ་ཤར་ག་རུ། །སྟོང་ཚར་རེ་སྟེ་དེ་བཞིན་དུ། །སྲོད་དང་ཐོ་རངས
37a6 ནམ་གུང་ལ། །མ་ཁྲག་གསུམ་དང་དུག་སྣ་དང་། །དྲག་པོའི་རྫས་རྣམས་དག་གིས་བྲབ། །ནཱ་གའི་གཟུགས་བྱས་རྫ་ཡི་ནང་། །གཟུགས་ནང་ཕུཿལ་སྔགས་ཕྲེང་བསྐོར། །རྫ་ནང་ཐལ་ཆེན་འབྲུབ་ཁུང་དུའོ། །སྔགས་པར་རྩ་བའི་འཁོར་ལོ་ཡིས། །ཁ་ཆོད
37a7 སྨེ་གོས་ནག་པོ་དགབ། །དེ་ནས་དྲག་པོའི་སྦྱིན་བསྲེག་བྱ། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལས་གདུག་པ་སྲོག་གི་འཁོར་ལོའི་ལེའུ་སྟེ་གཉིས་པའོ།། །།དེ་ནས་ཡང་གསུངས་པ། ནཱ་གའི་གཟུགས
iiif viewer powered by OpenSeadragon
