| e-texts navigator |
| Wylie |
35b1 ཐབ་ཁུང་གྲུ་གསུམ་སོར་བརྒྱད་པ། །ཁྲག་དང་དུར་ཁྲོད་སོལ་བས་བྱུག་།དཀྱིལ་དུ་རྡོ་རྗེ་རྩེ་གསུམ་བྲི། །ཟུར་དུ་མཆོད་རྟེན་གསུམ་གཞག་སྟེ། །དེ་སྟེང་དྲག་པོའི་སྣོད་བཞག་ལ། །ནང་དུ་གྲུ་གསུམ་རྩེ་མོ་ལྷོ། །གདུག་པའི་ཤིང་ཡང་ཟུར་གསུམ་བརྩིག་།དཀྱིལ་འཁོར
35b2 ཆེན་པོའི་ཤར་ལྷོར་བྱ། །ཤིང་ཤུན་དག་ལ་ཤུཏྲཱུ་ཡང་། །བརྒྱ་རྩ་བརྒྱད་བྱ་དུག་སྣ་དང་། །ཚ་བ་གསུམ་དང་བོང་བུའི་ཆུ། །རྔ་མོ་བྱ་རོག་བྲུན་ཡང་བསག་།ལྷ་ཡི་ཏིང་འཛིན་མཆོད་སྔགས་ཀྱིས། །ཏིང་འཛིན་གསལ་སྟེ་ལྷ་ལ་འབུལ། །སྲེག་པའི་སྔགས་ནི་འདིས
35b3 བྱའོ། །སརྦ་བིགྷྣཱན་མཱ་ར་ཡ་ཛྭ་ཝ་ར~ཾ། །སྟོང་རྩ་བརྒྱད་དང་བརྒྱ་རྩ་བརྒྱད། །ལན་གྲངས་མང་དུ་བྱས་པ་ཡི། །ཐལ་བ་ཆུ་ཆེན་གཞུང་ལ་བོར། །ཐབ་ཁུང་འོག་མའི་ཐལ་བ་ཡང་། །ཁྱི་ཡི་དྲི་ཆེན་ཚ་བ་གསུམ། །བསྲེས་ཏེ་ཤ་ཏྲཱ~ཾ་གཟུགས་བྱས་ལ། །ནཱ་ག་སྟ~ཾ
35b4 བྷ་ན་ན་ཞེས་རྒྱ་གྲམ་དཀྱིལ་དུ་མནན་ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལས་དྲེགས་པ་ཅན་ཤིན་ཏུ་ཚར་གཅད་པ་བསྲེག་པ་དྲག་པོའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ལྷའི་དབང་པོས་གསོལ་བ། ཀྱཻ་བཅོམ་ལྡན
35b5 འདས། གནོན་པའི་ལས་ནི་བགྱི་བ་ཡི། །ཤིན་ཏུ་ཚར་གཅད་ཇི་ལྟར་བགྱི་ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། །ལྷ་ཡི་དབང་པོ་ཆེན་པོ་ཉོན། །རུ་སྦལ་ཁོག་པ་ཁ་སྦྱར་དུ། །རྒྱ་མཚོའི་ལྦུ་བ་ཁྲེ་རྒོད་དང་། །ནཱ་ག་གེ་སར་ཅུ་གང
35b6 དང་། །དཀར་གསུམ་ཤ་ཆེན་ཤ་རཱི་ར། །མ་གི་ཏ་ཡིས་གཙོ་བྱས་ཏེ། །རུ་རྟ་དང་སྦྱར་རོ་ཉེའི་ཤུབས། །རེ་བས་གཏུམས་ཏེ་སྔོན་དམར་དཀྲི། །སྔགས་ཀྱིས་མདའ་ལ་སུམ་སྟོང་བསྔགས། །ནཱ་ག་སྟམ་བྷ་ནན། བརྒྱད་གསུམ་དབུས་མའི་ཟླ་ཟེར་ལ། །ནུབ་ཀྱི་རྒྱ་གྲམ
35b7 སུམ་མདོ་འམ། །ཡང་ན་གནོད་པའི་ས་ཕྱོགས་སུ། །ཤུག་པའི་ཕུར་པས་ཁྲུ་གང་བརྐོ། །དེར་བཅུག་གཡམ་པ་རྒྱ་གྲམ་ཅན། །དེ་སྟེང་གནོན་པའི་རི་རབ་གཞག་།དེ་དག་བྱེད་ཚེ་དམན་ཟས་སྤང་། །ཁ་ཟས་དཀར་གསུམ་མངར་གྱིས་བྱ། །ཤ་རུལ་ཁྲག
iiif viewer powered by OpenSeadragon
