| e-texts navigator |
| Wylie |
34b1 ཕྱི་ཡི་ཤ་རྣམས་ཀུན་སྐམས་ཏེ། །མདོག་ནི་སྔོ་སྐྱ་ཤ་མདངས་འཆོར། །གོས་ཀྱི་མདངས་ཀྱང་འཆོར་བ་སྟེ། །དེ་ནི་ཐར་བར་མི་འགྱུར་ཀྱང་། །སྔགས་དང་རྫས་དང་ཏིང་འཛིན་གྱིས། །ཚེ་རིང་སྐད་གསང་ལུས་ཀྱང་བདེ། །ཞེས་གསུངས་སོ། །དཔལ་རྡོ་རྗེ
34b2 གཏུམ་པོ་ཐུགས་གསང་བའི་རྒྱུད་ཕྱི་མ་ལས་གདུག་པའི་དུག་རུས་པ་ལ་སླེབ་པའི་མཚན་ཉིད་བསྟན་པའི་ལེའུ་སྟེ་བཅུ་གཅིག་པའོ། ། །།དེ་ནས་ལྷའི་དབང་པོས་གསོལ་པ། ཀྱེ་མ་བཅོམ་ལྡན་འདས་སླད་མའི་དུས་ཀྱི་འགྲོ་བ་ལ་ཕན་གདགས་པའི་ཕྱིར་རྫས་ཀྱི་ཁྱད
34b3 པར་བཀའ་སྩལ་དུ་གསོལ་ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། ཉོན་ཅིག་ལྷ་ཡི་དབང་པོ་གཙོ། །ཕྱི་མའི་དུས་ཀྱི་སེམས་ཅན་རྣམས། །གདུག་པའི་དུག་གིས་ཉེན་པ་ན། །ཕན་པའི་སྦྱོར་བ་འདི་ལྟ་བུ། །ཀུན་ཀྱང་སྔགས་ཀྱིས་བསྒྲུབ
34b4 པར་བྱ། །མེ་འོད་འདྲ་ན་སྤྱང་དུག་བཏང་། །ཚེར་མ་ཟུག་པ་ལྟ་བུ་ལ། །ར་དུག་དང་ནི་རེ་ལྕག་གོ། །ཚ་ལ་འབྲུམ་པ་བྱུང་བ་ན། །བཙོད་དང་སྤང་སྤོས་བཏང་བར་བྱ། །ཤ་ནི་ཀོར་ཚེ་ཤུ་བ་ལ། །ར་ཐུག་སྲེ་དང་ལོང་རྟོལ་བཏད། །རྨ་དང་སེར་ཀ་མི་འཚོ་ན། །ཁོང
34b5 དུ་བསྒྲུབ་པའི་མ་གི་ཏ། །དེ་ཉིད་དྲག་པོའི་སྔགས་ཀྱིས་གདུལ། །ཀོར་ཚེ་ཚོར་བ་མེད་པ་ལ། །སྟག་ཤ་གསེར་གྱི་མེ་ཏོག་དང་། །རྒྱ་ཚ་སྦྱར་ཏེ་བཏང་བར་བྱ། །ཤ་བུ་ཐལ་བ་བདུད་རྩིས་གསོ། །མུ་ཟི་བ་བླ་ལྡོང་རོས་དང་། །དྲི་ཆུ་སྦྱར་ཏེ་བསྐུ་བར་བྱ། །
34b6 ན་ཚ་མེད་པའི་ཤུ་བ་ལ། །བོང་རིལ་ཏི་ཚ་མར་དཀར་བསྐུ། །ཚ་འཁུམས་ལྕེ་བོག་རྭ་རུ་གཞོབ། །ཚ་དང་ཞུན་ཆེན་སྦྱར་བར་བྱ། །ལུས་ཀྱི་ཉམས་སྟོབས་ཆུང་བ་ན། །བུམ་པའི་ཆུ་དང་མ་གི་ཏ། །སྦྱར་ཏེ་བཀྲུ་ཞིང་བཏུང་བར་བྱ། །དྲི་ཆུ་ཞུན་ཆེན་བཏང་བར་བྱ། །ཤ
34b7 བཀྲ་གུར་གུམ་ཕག་ཚིལ་ལོ། །གླང་ཤུ་འདྲ་བ་བྱུང་བ་ན། །གསེར་གྱི་མེ་ཏོག་མུ་ཟི་དང་། །སྔགས་ཀྱི་བྱ་བ་འབད་པར་བྱ། །ཤ་རོ་སྦལ་མིག་འབྱུང་བ་དང་། །ཤ་ཡི་སུལ་རྣམས་འགུལ་བ་ལ། །གླ་བ་མུ་ཟི་ལྕེ་པོག་གནག་།ཤ་མཐངས་བར་གྱི་དུག
iiif viewer powered by OpenSeadragon
