| e-texts navigator |
| Wylie |
34a1 ཤེས་པར་བྱ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལས་བསྙེན་སྒྲུབ་ཀྱི་ལྟས་དང་། གནོད་རྟགས་བསྟན་པའི་ལེའུ་སྟེ་བཅུ་པའོ།། །།དེ་ནས་ལྷའི་དབང་པོས་གསོལ་བ། ཀྱཻ་བཅོམ་ལྡན་འདས་སེམས་ཅན་གྱི་ལུས
34a2 ལ་གདུག་པའི་དུག་ལུས་ལ་སླེབ་པའི་མཚན་ཉིད་བཤད་དུ་གསོལ། དེ་སྐད་ཅེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། །ཤ་མཐངས་བར་དུ་སླེབ་པའི་དུག་།རྟག་ཏུ་སྙིང་ཡང་མི་དགའ་ཞིང་། །ཤ་རྩ་ཟ་ཞིང་འགུལ་དང་འཕྲིག་།རྟག་ཏུ
34a3 འཕྲུག་སྙིང་འདོད་པ་དང་། །ཤ་ཡང་འོ་མའི་བྲིས་མ་བཞིན། །ཤ་མདོག་མེ་ལྕེ་འདྲ་བའོ། །སྐབས་སུ་ཤ་མཐངས་བར་དག་ན། །ཆུ་གྲང་བླུག་པ་སྙམ་བྱེད་དང་། །ཤུ་བ་བལ་བལྡགས་ཤ་བཀྲ་འོང་། །གདུག་པ་དུག་གིས་ཤ་ལ་སླེབ་པ་ནི། །འཕྲིག
34a4 འགུལ་ཟ་སྦྲིད་བེར་བ་ལྟར། །ཤ་ནི་གནག་ཅིང་དམར་ལ་བེམ། །དུ་བ་མིག་ཏུ་སོང་བ་བཞིན། །མིག་གི་ཐ་མ་ཆུ་ཡིས་གང་། །མིག་ཀྱང་ཟླུམ་ལ་སྨིན་མ་གྲུགས། །སྨིན་མ་བྱི་ཞིང་མིག་ཀྱང་འགུལ། །སོར་མོ་རྣམས་ནི་བྱི་མཇུག་འདྲ། །རྩ་དང་ཆུ་ལ་ཞུགས
34a5 པ་ནི། །ལུས་ལ་དྲི་མ་ང་བ་འབྱུང་། །ཆུ་བུར་དང་ནི་ཆུ་རྒངས་དང་། །དེ་ནི་རྩ་ཡི་མེ་ཏོག་ཡིན། །ཆུ་སེར་མདོག་ནི་དུད་ཁུ་འདྲ། །ཆུ་སེར་ཀོ་རུལ་མནམ་པ་དང་། །ཀོ་བ་རུལ་པའི་དྲི་མནམ་པའི། །ཆུ་སེར་དག་ནི་འབྱུང་བ་ཡིན། །རོ་སྟོད་མི་བདེ་བློ་ཡང་འདེགས། །
34a6 སྤྱི་ཡི་མཚན་ཉིད་འདི་དག་དང་། །འབྱུང་བར་འགྱུར་བ་དག་ཀྱང་ཡོད། །མེ་འོད་ཚ་བ་འདྲ་བ་འོང་། །ཚེར་མ་ཟུག་པ་འདྲ་བ་འོང་། །ལུས་པོ་ཚ་ལ་འབྲུམ་པ་འོང་། །ཀོར་ཚེ་ཤུ་བ་འབྱུང་བ་དང་། །རྨ་དང་སེར་ཀ་མི་འཚོ་བ། །ཀོར་ཚེ་ཚོར་བ་མེད་པར་འབྱུང་། །ན
34a7 ཚ་མེད་པའི་ཤུ་བ་འབྱུང་། །ཚ་ལ་འཁུམས་པ་འབྱུང་བ་ཡོད། །ལུས་ཀྱི་ཉམས་སྟོབས་ཆུང་བར་འབྱུང་། །གླང་ཤུ་བ་དང་ཤ་བཀྲ་འབྱུང་། །ཤ་རོ་སྦལ་མིག་འདྲ་བ་འབྱུང་། །ཤ་སུལ་ཐམས་ཅད་འགུལ་འཕྲིག་འབྱུང་། །དུག་གིས་རུས་པར་སླེབ་གྱུར་ན། །
iiif viewer powered by OpenSeadragon
