| e-texts navigator |
| Wylie |
33b1 ཟློག་དང་མི་ཟློག་ཇི་ལྟ་བུ། །ཁྲོ་བདག་ཆེན་པོས་བཤད་དུ་གསོལ། །ཞེས་གསོལ་པས། །བཅོམ་ལྡན་འདས་ཀྱིས་བཀའ་སྩལ་པ། །དགའ་བས་ཉོན་ཅིག་ལྷ་ཡི་དབང་པོ་ཁྱོད། །བསྙེན་དང་སྒྲུབ་པ་རྟགས་དང་གནོད་པ་རྟོགས། །ལྕགས་ཟངས་མི་དང་གཅེར
33b2 བུ་བུམ་པ་ཐོགས། །བ་ལང་ཉ་ལྕིབས་ཟས་སུ་ཟ་བ་དང་། །མེ་ཆེན་འབར་དང་ཟམ་པ་འཛུགས་པ་དང་། །སྐྱེ་ཤིང་འཛུགས་དང་ཉི་མ་ཤར་བ་དང་། །བཟང་བ་ཡི་ནི་རྟགས་སུ་ཤེས་པར་བྱ། །ཉི་མ་ནུབ་དང་ནམ་སྲོས་ཐུར་དུ་བབས། །བཙོན་དུ་བཟུང་ནས་མི་ཐེག་ཁུར
33b3 བསྐུར་དང་། །སྒྲུབ་པོ་གཞན་ཡུལ་འགྲོ་བ་ངན་པའི་རྟགས། །ལུང་པ་དང་ནི་སྐམ་ནས་ཆུ་བྱུང་དང་། །ཉ་སྦྲུལ་ས་རླུང་གསོད་དང་འཆོད་པ་དང་། །རིད་དང་སྐེམས་པ་དེ་དག་ཁྲི་ལ་འདུག་།གཅེར་བུ་སྤྱི་བཅིངས་ཚོགས་ཀྱིས་སེམས་ཅན་གསོལ་བ་མཐོང་། །འཇིགས
33b4 པའི་ཆུ་མིག་སྐམས་དང་རྟག་ཏུ་ནོར་བུ་རྒྱུད། །སྦལ་སྦྲུལ་ཟས་སུ་ཟ་དང་ཁྱི་སྤྱང་གསོད་ལ་སོགས། །བཟང་བ་ཡི་ནི་ལྟས་སུ་ཤེས་པར་བྱ། །ཆུ་ནང་ཆུང་དང་སྦལ་སྦྲུལ་ལུས་ལ་འཇུག་།དེ་དག་ཕྱི་བཞིན་དུ་ནི་འབྲང་བྱེད་ཅིང་། །སྦྲང་བུ་མཆུ་རིང་ལ་སོགས་ལུས་ལ་ཟ། །བ
33b5 ལང་མ་ཧེའི་ཚོགས་ཀྱིས་བརྡུངས་ནས་འདེད་པ་དང་། །ཁྱི་སྤྱང་ཚོགས་ཀྱིས་ཟུགས་དང་འདམ་དུ་ཚུད། །འབག་སེང་བུ་ཆུང་ལ་སོགས་སྟོན་པ་ངན། །གནོད་པའི་རྟགས་སུ་གཏིང་རིང་གྲོག་པོ་རུ། །མི་ཤོང་བཞིན་དུ་ཕྱིན་དང་སླར་མི་ཐར། །རི་བྲག་དོག་མོ་ལུང་པ
33b6 ཕུག་རྡུགས་དང་། །ལྷ་ཁང་གནས་ཁང་ཧྲུལ་པོར་མི་ཤོང་བཞིན། །སྒོ་ལ་འཛུལ་ནས་སླར་ཡང་མི་ཐོན་དང་། །ཆུ་ངན་མཚོ་དང་ལུ་མ་ཉ་སྦྲུལ་སོགས། །ཕག་པ་བ་གླང་མ་ཧེ་ལ་སོགས་ཏེ། །ཤིན་ཏུ་ཡིད་དུ་མི་འོང་གཟུགས་མང་སྟོན། །རི་གཟར་མི་ཐར་ཅེ་སྤྱང
33b7 ཚོགས་ཀྱིས་འདེད། །དེ་དག་གནོད་རྟགས་ལུས་ཀྱི་ཉམས་མྱོང་ཡང་། །ནུལ་བ་དང་ནི་ཀུ་དང་ཆང་ལ་དགའ། །ནད་དང་ཉམས་ལྕི་ཡན་ལག་ན། །ཤ་ནི་འགུལ་འཕྲིག་ཤུ་གཡན་ཤ་བཀྲ་དང་། །ངོ་ལྷེག་ཤ་རོ་སྐབས་སུ་ཟུག་གཟེར་ཆེ། །དེ་དག་གནོད་པའི་རྟགས་སུ
iiif viewer powered by OpenSeadragon
