| e-texts navigator |
| Wylie |
33a1 ཅིག་ལྷ་ཡི་དབང་པོ་དག་། གདུག་པའི་དུག་ལ་རྣམ་མང་ཡང་། །བསྡུས་ན་རྣམ་པ་གཉིས་ཡོད་དེ། །མངོན་སུམ་དུག་དང་རྐུ་དུག་སྟེ། །རྐུན་ཐབས་དུག་ནི་བཟློག་པར་དཀའ། །གདུག་ཅན་ཉོན་མོངས་གསུམ་ལྡན་ཏེ། །གཏི་མུག་ཆེ་བས་བྱོལ
33a2 སོང་རིགས། །འདོད་ཆགས་ཆེ་བས་དབྲལ་བར་དཀའ། །ཤིན་ཏུ་ཞེ་སྡང་ཆེ་བས་ཀྱང་། །དུག་ནི་རྐུན་ཐབས་དག་ཏུ་གཏོང་། །དེ་ཕྱིར་སླར་ཡང་ལྡོག་པར་བྱེད། །ཕྲག་དོག་ཆེ་བས་རང་རྟེན་ལ། །གཞན་གྱིས་གཙེས་ན་གཞན་ལ་གནོད། །རྐུན་ཐབས་དུག་གི
33a3 མཚན་ཉིད་ཀྱང་། །ཐབས་ཤིང་གདུག་པའི་དུག་ཀློད་ཀྱང་། །བར་བར་སྐབས་སུ་ལྡང་བར་བྱེད། །དེ་བཟློག་ཐབས་ནི་ཤིན་ཏུའང་དཀའ། །དེ་ཡི་བཟློག་ཐབས་དམ་པ་འདི། །ངས་བསྟན་པ་ལ་ཐེ་ཚོམ་དུ། །གང་ཞིག་བྱེད་པར་གྱུར་པ་དེ། །ནམ་ཡང་གྲུབ
33a4 པར་མི་འགྱུར་ཏེ། །གྲུབ་ཀྱང་གཡེལ་བར་གྱུར་པ་ཡིན། །དེ་ནས་ལྷ་ཡི་དབང་པོ་དག་།ཐེ་ཙོམ་མེད་པར་ངེས་པར་བྱོས། །ཙན་དན་དམར་པོས་གཙོར་བྱས་ཏེ། །ནཱ་ག་གེ་སར་མ་གི་ཏ། །རྒྱ་ཚིལ་རྒྱ་མཚོའི་ལྦུ་བ་དང་། །ཕག་རྒོད་དག་གི་ཤ་དག་སྟེ། །
33a5 ཡང་ན་རྒྱ་ཚིལ་མ་གི་ཏ། །ཕག་རྒོད་ཤ་དང་སྦྱར་བྱས་ཏེ། །ལྕགས་སྣོད་ནང་དུ་ལྕགས་ཀྱིས་ཕུར། །འབུམ་ཕྲག་གསུམ་དུ་བསྙེན་བྱས་ནས། །སྒྲུབ་པས་དཀར་གསུམ་གཞན་མི་བསྟེན། །འོ་མ་སོལ་ཆུས་ལུས་བཀྲུས་ཏེ། །ཉ་ལ་གནས་དྲུག་ཐིག་ལེ་བྱ། །
33a6 མཁུར་ཚོས་གཉིས་དང་དཔྲལ་བ་དང་། །སྙིང་ག་ལྐོག་མ་ལག་མཐིལ་གཉིས། །ཐིག་ལེ་མཚོན་གང་པ་རེ་བྱ། །ལྟེ་བ་པུས་མོ་གསང་གནས་སུ། །མ་གི་ཏ་ཉིད་འབའ་ཞིག་བྱུག་།ཐིག་ལེ་རེ་ལ་ཉི་ཤུ་གཅིག་།དེ་ལྟར་ལོ་གཅིག་བར་དུ་བྱ། །གངས
33a7 རི་ལ་ནི་ཉི་མ་བཞིན། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལས་རྐུན་ཐབས་ཀྱི་དུག་བཟློག་པའི་ལེའུ་སྟེ་དགུ་པའོ།། །།དེ་ནས་ལྷའི་དབང་པོས་གསོལ་པ། ཀྱཻ་མ་ཁྲོ་བདག་རྡོ་རྗེ་འཛིན། །གདུག་པའི་དུག་གི་མཚན་ཉིད་གང་། །
iiif viewer powered by OpenSeadragon
