| e-texts navigator |
| Wylie |
242b1 བུ་ཟོས་པ་ལས། སྲེག་པར་མི་བྱེད་དོ་ཞེས་གཤིན་རྗེའི་གཤེད་དམར་པོའི་རྒྱུད་དུ་ཐུན་མོང་གི་སྨན་གྱི་ལེའུ་སྟེ་ཉི་ཤུ་པའོ།། །།ཀྱེ་བཅོམ་ལྡན་འདས་ཅི་ལྟར་དུས་བྱེད་པ་དང་། སེམས་ཅན་བྱེད་པར་ངེས་པ་དེ་རྣམས་ཀྱི་རྒྱུ་མཚན་བཅོམ་ལྡན་འདས་ཀྱིས་བསྟན་དུ་གསོལ། རྐང་པ་དང
242b2 རྐན་ལ་ཕུག་ནས་མིག་ཏུ་ཟུག་པ་ལས་ཟླ་བ་གསུམ་གྱིས་གྲུབ་བོ། །རྣ་བར་ཕུག་པས་ཟླ་བ་བཞིས་སོ། །མཛོད་སྤུར་ཟུག་པ་ལས་ཉི་མ་གཅིག་གིས་སོ། །རྐང་པ་དང་རྐན་ལ་ཕུག་ནས་ལྟེ་བར་ཟུག་པ་ལས་ཟླ་བ་གསུམ་གྱིས་འཆིའོ། །རྐང་པ་དང་རྐན་ལ་ཕུག་ནས་སྣ་ལ་ཟུག་པ་ལས་ཟླ་བ
242b3 གསུམ་གྱིས་སོ། །བཤང་བ་རབ་ཏུ་འཛག་པའི་དུས་མཚུངས་པར་སྦྲིད་པ་བྱུང་ན་ལོ་གཅིག་གིས་སོ། །ཤིན་ཏུ་དགའ་བའི་རབ་ཏུ་གལ་ཏེ་སྦྲིད་པ་བྱུང་བ་དང་མཚུངས་པར་མཐེ་ཆུང་ཐམས་ཅད་དུ་ཟུག་པ་ལས་ཟླ་བས་སོ། །སྙིང་དང་མགྲིན་པར་ཟུག་པ་ལས་ཕྱོགས་གསུམ་གྱིས་སོ། །
242b4 མཚུངས་པར་རྐན་ལ་གསུམ་ཟུག་པ་ལས་ཉི་མ་གསུམ་གྱིས་སོ། །རྐང་པའི་མཐེ་བོང་ནས་བརྩམས་ནས་ལྟེ་བའི་མཐར་ཐུག་པར་ཟུག་པ་ལས་ཟླ་བ་དྲུག་གིས་སོ། །སྣའི་རྩེ་མོར་ཟླ་བས་དེ་དེར་གྱུར་ན་མཚན་མོ་བདུན་གྱིས་འཆི་བའི་དུས་སུ་འགྱུར་རོ། །རྣ་བ་དག་གི་དྲིལ་བུའི་སྒྲ་ལས་ཟླ་བ་གསུམ
242b5 གྱིས་སོ། །རྣ་བ་གཉིས་དང་སྨིན་མའི་དབུས་དང་ཀླད་པའི་རྩེ་མོ་རྣམས་སུ་སོ་སོ་སོ་སོར་ཟུག་པ་ལས་ཉི་མ་གཅིག་གིས་སོ། །སེན་མོ་ལ་དམར་བའི་མཆོག་ཏུ་མཐོང་བ་ལས་ཟླ་བ་དྲུག་གིས་སོ། །སོ་བསྐམས་པ་ལས་ཟླ་བ་དྲུག་གིས་སོ། །བྱས་པ་ཤེས་པར་འགྱུར་བ་ཉིད། །རྡོ་རྗེ་སྐྱེས་བ་དེ་བདག
242b6 ལ་གསོལ། །འདམ་སྐྱེས་འདབ་མ་གསུམ་པ་ནི། །གེ་སར་སྦྲང་རྩིས་བརྒྱན་པ་མཐོང་། །ེ་མ་བདེ་བ་ལྡན་པའི་ཞིང་། །ཆགས་པ་སངས་རྒྱས་ཉེ་བར་མཛེས། །ཆགས་ཅན་རྣམས་ཀྱིས་བདེ་བ་ཞི། །རྟོག་པ་ཐམས་ཅད་རྣམ་པར་སྤངས། །ཡིད་ནི་འདོད་ཆགས་ཀྱིས་དཀྲུགས་པས། །བུད
242b7 མེད་གན་རྐྱལ་བསྒྱེལ་ནས་ནི། །ཕྲག་པར་རྐང་པ་ཟུང་བྱིན་ནས། །འོག་དང་སྟེང་དུ་ངེས་བརྟགས་ནས། །དེ་ཡི་པདྨ་རྒྱས་པ་ཡི། །པདྨའི་བུ་གར་འཇུག་པར་བྱེད། །པདྨའི་འདབ་མར་ཤའི་སྙིང་པོ། །ལྡན་པར་རྡོ་རྗེ་དེ་བཅུག་ནས། །ཇི་ལྟར་བདག་གི་ནུར་ནུར་བོ། །བྱེ་བ་ཉིས་སྟོང་འབུམ
iiif viewer powered by OpenSeadragon
