| e-texts navigator |
| Wylie |
21b1 འཇིགས་པ་ལས་སྐྱོབ་པར་བྱེད་དོ། །མེ་ཚན་དང་། བྱེ་ཚན་དང་། གཅེར་བུ་དང་། རྒྱལ་པོའི་ཆད་པ་དང་། ས་གཡོ་བ་དང་། གཞན་གྱི་རིག་སྔགས་ཀྱིས་གནས་འགུལ་བ་དང་ཕུར་བུས་འདེབས་པ་ལས་ཐར་བར་བྱེད་དོ། །མཚལ་གྱིས་ཁྲག་བསྐམས་པ་སོས་པར་བྱེད
21b2 དོ། །དུང་གིས་རུས་པ་ཆག་པ་སོས་པར་བྱེད་དོ། །རས་སྐུད་དམར་པོས་ནི་སྲོག་འགགས་པ་ཚངས་པའི་ཚེ་དང་ལྡན་པར་བྱེད་དོ། །དཀར་དང་མངར་གྱིས་ཞལ་ཟས་རོ་མཆོག་བརྒྱ་དང་ལྡན་པར་བྱེད་དོ། །དེ་དག་ཀུན་ཀྱང་རིན་པོ་ཆེའི་བུམ་པ་འམ། ཁམ་ཕོར་ལྟ་བུ་མཆུ་ལྔ
21b3 པར་བླུགས་ནས་སྦས་ན་གང་ཉམས་པ་དེ་སོས་པར་འགྱུར་རོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་ཀླུ་གསོ་བའི་ལེའུ་སྟེ་བཅུ་པའོ།། །།དེ་ནས་ལྷའི་དབང་པོས་གསོལ་པ། ཀྱེ་རྡོ་རྗེ་ཁྲོ་བོ་ཆེན་པོ། འདི་དག་བསྡིགས་ན་ཇི་ལྟར་བསྡིགས། །
21b4 གགས་དག་གཅད་པ་ཇི་ལྟ་བུ། །བརླག་པར་བྱ་བ་ཇི་ལྟ་བུ། །རྡོ་རྗེ་ཁྲོ་བོས་བཀའ་སྩལ་པ། །ཉོན་ཅིག་དབང་པོ་རྣམ་པར་རྒྱལ། །བསྡིགས་པར་བྱ་བ་འདི་དག་གོ། །ཤིན་ཏུ་ཁྲོས་བཅས་མགོ་སྟོད་ལ། །མཁའ་ལྡིང་ག་རུར་སྤྲུལ་པར་བྱ། །རྡོ་རྗེ་ཁྲོ་བོ་འཆོལ་བ
21b5 གདོན། །ཕྱོགས་བཅུར་རྡོ་རྗེ་སྤྲོ་བར་བྱ་ཧཱུ~ཾ་ཧཱུ~ཾ་ཧཱུཾ། བཛྲ་ཙཎྜ་ཨ~ཾ་ཨཱཿ་ནཱ་ག་པྲ་ཐ་པྲ་ཐ། ཧཱུ~ཾ་ནཱ་ག་ནཱ་ཤ་ཡ་ཕཊ། ཅེས་བཀའ་སྩལ་པས་དྲེགས་པ་ཅན་དེ་དག་ལུས་ལ་གཅད་གཏུབས་ཀྱི་སྡུག་བསྔལ་བྱུང་གིས་དོགས་ཏེ། འཕྲལ་ཉིད་དུ་གདུག་པ་ཅན་དེ་དག་ཤིན་ཏུ
21b6 བྲེད་པར་གྱུར་ཏེ་བཀའ་བཞིན་དུ་ཉན་ནོ། །ཤིན་ཏུ་འཇིགས་དངངས་ནས་བཅོམ་ལྡན་འདས་ཐུགས་རྗེས་གཟིགས་སུ་གསོལ་ཞེས་བཀའ་ཉན་ནོ། །དེ་ནས་གགས་གཅད་པར་འདོད་ན་སྦྱིན་སྲེག་བཞིན་ལས་བྱའོ། །གང་ན་བ་དེར་ཆ་བསྙམས་ལ། །ནག་ཕོ་དྲི་དང་ལྡན་པར
21b7 བྱུག་། ཟུར་གསུམ་སུམ་བརྩེགས་ཐུར་དུ་བརྐོ། །ཁ་ཁྱེར་ཐམས་ཅད་རྡོ་རྗེ་གནག་།དབུས་སུ་གཞལ་ཡས་རྒྱ་གྲམ་བྲི། །སེ་སྐྱེར་གདུག་པའི་ཤིང་དག་ལ། །ཟུར་གསུམ་ཁྲུ་དོའི་ཚད་དུ་བརྩིག་།ལོགས་ལ་རཀྟའི་ཚར་ཚར་བཏང་། །ཚེར་ཅན་ནག་པོ་ཟུར་གསུམ
iiif viewer powered by OpenSeadragon
