| e-texts navigator |
| Wylie |
219b1 མེ་ཏོག་གི་ཕྲེང་བས་ཉེ་བར་མཛེས་པར་བྱས་ཏེ། གང་དེ་ཐོག་མར་རལ་གྲིའི་ཚུལ་གྱིས་བཟུང་ནས་ཇི་སྲིད་དུ་འབར་བར་གྱུར་པ་དེ་སྲིད་དུ་བཟླས་པར་བྱའོ། །དེ་ནས་དབྱུག་པ་འཛིན་པར་འགྱུར་ཏེ། གཤིན་རྗེའི་གཤེད་དང་མཚུངས་པར་ཕ་རོལ་གནོན་ཏོ། །ོཾ་ཧྲཱ~ཾཿཥྚྲཱིཿབི་ཀྲྀ་ཏཱ་ན་ན་བཛྲ་དཎྜ་ཛྭཱ་ལ་ཡ་ཛྭཱ
219b2 ལ་ཡ་ཧཱུ~ཾ་ཧཱུ~ཾ་ཕཊ་ཕཊ་སྭཱ་ཧཱ། ཞེས་བཟླས་པར་བྱའོ། །དེ་ནས་ཐོད་པ་སྒྲུབ་པར་འདོད་ན་གཤིན་རྗེའི་གཤེད་ཤིང་གི་གཟུགས་ཐོད་པ་སོར་མོ་སུམ་ཅུ་སོ་གཉིས་པ་བྱས་ནས་སྔར་བཞིན་དུ་ལག་པ་གཡོན་པས་ཐོགས་ཏེ། ལག་པ་གཡས་པས་གཡོགས་ནས་ཇི་སྲིད་དུ་འབར་བར་གྱུར་པ་དེ་སྲིད་དུ
219b3 བཟླས་པར་བྱའོ། །འབྲས་བུ་ནི་དེ་ལྟ་བུ་ཁོ་ནའོ། །སྔགས་ལ་ནི། ཀ་པཱ་ལཾ་ཛྭཱ་ལ་ཡ་ཞེས་པ་ཁྱད་པར་རོ། །དེ་ནས་དབྱུག་པའི་ཕྱག་རྒྱ་བསྒྲུབ་པར་བྱ་སྟེ། དེའི་ཚེ་ལག་པ་གཡས་པ་ཁུ་ཚུར་བྱས་ནས་སྡིགས་མཛུབ་བརྐྱང་བར་བྱའོ། །དེའི་ཕྱག་རྒྱ་བཅིངས་ནས་ཇི་སྲིད་དུ་འབར་བར་གྱུར
219b4 པ་དེ་སྲིད་དུ་བཟླས་པར་བྱའོ། །དེ་ནས་གཤིན་རྗེའི་གཤེད་ཀྱི་གཟུགས་ཀྱི་དངོས་གྲུབ་ཏུ་འགྱུར་རོ། །སྔགས་ལ་ནི། དཎྜཾ་མུ་ཏྲཱཾ་ཛྭཱ་ལ་ཡ། ཞེས་བ་ཁྱད་པར་རོ། །འདི་ནི་འདོད་པ་ལྔ་པོ་ཐམས་ཅད་ལ་ཉེ་བར་ལོངས་སྤྱོད་པ་ཉིད་ཀྱིས་ཐམས་ཅད་བསྒྲུབ་པར་བྱའོ་ཞེས་ཏེ། ཇི་ལྟར་རྙེད་པའི་དམ
219b5 ཚིག་གི་རྫས་བསམ་པ་རབ་ཏུ་རྫོགས་པའི་དོན་དུ་བཟའ་བར་བྱ་ཞིང་། བཏུང་བར་བྱའོ། །ཡང་ནས་ཡང་དུ་གང་ཅིའང་རུང་། །དེ་ཀུན་གདོན་མི་ཟ་བར་ཡང་། །བཟའ་བྱ་ཐམས་ཅད་བཏུང་བར་བྱ། །ཕུད་ཀུན་གཤིན་རྗེའི་གཤེད་ལ་དབུལ། །ཞེས་པ་དངོས་གྲུབ་ཆེན་པོ་སྒྲུབ་པའི་ཆོ་གའི
219b6 ལེའུ་སྟེ་གཉིས་པའོ། ། །།དེ་ནས་དངོས་གྲུབ་ཕྲན་ཚེགས་སྒྲུབ་པར་འདོད་ན། དེ་ལ་ཞི་བ་ཅན་ལ་སོགས་པ་བསྒྲུབ་པར་བྱ་སྟེ། གྲོ་ག་ལ་ཡང་ལན་བརྒྱ་རྩ་བརྒྱད་དུ་སྔགས་པའི་འོ་མས་རྩིབས་བཅུ་གཉིས་པའི་འཁོར་ལོ་སོ་སོ་ཐ་དད་པ་མངོན་པར་བྲི་བར་བྱའོ། །དེའི་ཤར་སྒོ
219b7 ནས་བརྩམས་ཏེ། གཡས་བསྐོར་གྱིས་ཡི་གེ་བཅུ་གཉིས་བྲི་བར་བྱའོ། །ོཾ་ཧྲཱིཿཥྚྲཱིཿབི་ཀྲྀ་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ། དབུས་སུ་ཆུའི་ས་བོན་བཾ་ཡིག་བྲི་བར་བྱ་སྟེ། བཾ་ཡིག་གཉིས་ཀྱི་ཁ་སྦྱར་ལ་བསྒྲུབ་བྱའི་མིང་དེའི་དབུས་སུ་བྲི་བར་བྱའོ། །ཕྱི་རོལ་ཏུ་ཡི་གེས་བསྐོར་བར་བྱའོ། །དེ་ནས
iiif viewer powered by OpenSeadragon
