| e-texts navigator |
| Wylie |
19a1 འཇོམས་པར་བྱེད་པའི་གླང་པོ་ཆེའི་ཀོ་རློན་གསོལ་པ། ཉོན་མོངས་པའི་ཞེ་སྡང་འདུལ་བའི་རྟགས་སུ། གཅན་གཟན་གྱི་རྒྱལ་པོ་སྟག་གི་ཤམ་ཐབས་བགོས་པ། ཉོན་མོངས་པ་ཕྲག་དོག་འདུལ་བར་བྱེད་པའི་གཟིག་གི་མགོ་བོས་བརྒྱན་པ། ཉོན་མོངས
19a2 པའི་འཁོར་བ་མ་སྤངས་པས་ཞིང་ཆེན་གྱི་གཡང་གཞི་གསོལ་བ། སྦྲུལ་དཀར་ཁྲས་དབུ་བརྒྱན་པ། སེར་ཁྲས་མགུར་ཆུ་བྱས་པ། དམར་ཁྲས་ཕྱག་གདུབ་བྱས་པ། ལྗང་ཁྲས་རྐེད་བཅིངས་བྱས་པ། ནག་ཁྲས་ཞབས་གདུབ་བྱས་པ། དུག་གསུམ་ངང་གིས་མི
19a3 སྤོང་བར་ཉོན་མོངས་པའི་ཤ་ཁྲག་གསོལ་བ། སྐུ་དང་། གསུང་དང་། ཐུགས་དང་ལྡན་པའི་ཐོད་པ་སྐམ་པོ་དང་། རློན་པ་དང་། ནེ་ཕྲེང་གིས་སྐུ་ལ་བརྒྱན་པ། ཆོས་ཉིད་སྐྱེ་བ་མེད་པའི་དོན་དང་ལྡན་ཞིང་འཁོར་བ་ཁྲག་ཞག་དང་འདྲ་བ་ལ་ཐུགས་རྗེས་གཟིགས་པའི་ཕྱིར་ཞག
19a4 གི་ཟོ་རིས་ཀྱིས་སྐུ་ལ་བརྒྱན་པ། ཐེག་པ་ཆེན་པོའི་དབང་གིས་ཐམས་ཅད་འདུལ་བའི་ཕྱིར་ཐལ་ཆེན་གྱི་ཚོམ་བུས་སྐུ་ལ་བརྒྱན་པ། ཆོས་ཉིད་སྐྱེ་བ་མེད་པའི་དོན་དང་ལྡན་ཞིང་ནོར་བུ་འབར་བས་ཆ་བྱད་དུ་སྣང་སྟེ། དབུ་སྐྲ་སྔོ་ནག་ལ་རལ་པའི་ཅོད་པན་གྱིས་བཅིངས་པ།
19a5 ཞབས་གཡས་པ་བརྗིད་པའི་ཚུལ་གྱིས་བསྐུམ་ནས་གནས་པ། ཞབས་གཡོན་པ་དྲག་པོའི་ཚུལ་གྱིས་བསྒྲད་ནས་གནས་པས་སྲོག་ལ་རྔམ་པའི་སྲིན་པོ་ཕོ་མོ་བརྫིས་པ། ཕྱག་གཡས་པ་ན་རྡོ་རྗེ་རྩེ་ལྔ་པ་རྡེག་པའི་ཚུལ་དུ་འཛིན་པ། གཡོན་པ་ན་སྡིགས་པའི་མཛུབ་མོ་ཕྱར་བ་དག
19a6 ཏུ་སྣང་བ་ཞེས་རྒྱ་གྲམ་དང་། རལ་གྲི་འབར་བས་ཡན་ལག་བཞི་ལ་ལས་ཀྱི་བྱེད་པ་པོར་དབང་བསྐུར་རོ། །དམ་རྫས་བདུད་རྩི་རྣམ་པ་ལྔས་དབང་བསྐུར་ནས་ཕྲིན་ལས་ཐམས་ཅད་ཀྱི་བྱེད་པ་པོར་དབང་བསྐུར་ཏེ། དེ་ཡང་གཉིས་སུ་མེད་པའི་རོལ་པས་སོ། །དཔལ་རྡོ་རྗེ
19a7 གཏུམ་པོ་ཐུགས་གསང་བའི་རྒྱུད་ལས་དེ་བཞིན་གཤེགས་པ་ཐམས་ཅད་ཀྱིས་འབར་བའི་ཁྲོ་བོ་ལ་དབང་བསྐུར་བའི་ལེའུ་སྟེ་དྲུག་པའོ། ། །།དེ་ནས་དཔལ་རྡོ་རྗེ་གཏུམ་པོ་ལག་ན་རྡོ་རྗེས་སྡིགས་མཛུབ་ནི་བསྒྲེང་། རྡོ་རྗེ་ནི་སྤར་ནས་འབར་བའི་ཁྲོ་བོའི་ལྟ་བས་ཀུན
iiif viewer powered by OpenSeadragon
