| e-texts navigator |
| Wylie |
18b1 དབུའི་ལྟག་ཁུང་ལ་སོགས་པར་གནས་སོ། །རིགས་སོ་སོ་ཕྱག་མཚན་སོ་སོས་དབང་བསྐུར་ཏེ། དེ་བཞིན་གཤེགས་པའི་རིགས་ཀྱི་བདག་པོས་འཁོར་ལོ་སྤྱི་གཙུག་ཏུ་བྱིན་ཏེ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོུ྅ཧ~ཾ་ཞེས་གསུང་ཞིང་འཁོར་ལོ་བྱིན་ནོ། །
18b2 གསུང་རིགས་ཀྱི་བདག་པོས་ཀྱང་ཨཱཿསརྦ་ཏ་ཐཱ་ག་ཏ་བཱག་བཛྲ་སྭ་བྷཱ་བ་ཨཱཏྨ་ཀོུ྅ཧ~ཾ་ཞེས་གསུང་ཞིང་ཆོས་ཀྱི་འཁོར་ལོ་མགྲིན་པར་གཞག་གོ། །ཐུགས་ཀྱི་རིགས་ཀྱི་བདག་པོས། ཧཱུ~ཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་བ་ཨཱཏྨ་ཀོུ྅ཧ~ཾ་ཞེས་ཐུགས་ཀར་རྡོ་རྗེ་གཞག་གོ། །ཡོན་ཏ
18b3 ཨན་གྱི་རིགས་ཀྱི་བདག་པོས་ཀྱང་། སྭཱ་སརྦ་ཏ་ཐཱ་ག་ཏ་རཏ་ན་གུ་ཧྱ་ཨ་བྷི་ཥིཉྩནྟུ་མཱཾ། ཞེས་རྒྱ་གྲམ་དང་ལྟེ་བར་རིན་པོ་ཆེ་འབར་བ་གཞག་གོ། །ལས་ཀྱི་རིགས་ཀྱི་བདག་པོས་ཀྱང་ཧཱ་སརྦ་ཏ་ཐཱ་ག་ཏ་ཀརྨ་གུ་ཧྱ་ཨ་བྷི་ཥིཉྩནྟུ་མཱཾ། ཞེས་གསུང་ཞིང་གསང་གནས་སུ་རྒྱ་གྲམ
18b4 གཞག་། ཡེ་ཤེས་ཀྱི་ཁྲོ་ཆུང་སྐུ་ཆུང་ལ་སྤྱན་ཆེ་བ་རྡོ་རྗེ་དང་སྡིགས་མཛུབ་འཛིན་པ། དཀར་པོ་དང་། དམར་པོ་དང་། སེར་པོ་དང་། ལྗང་གུ་དང་། མཐིང་ག་ལ་སོགས་ཏེ་སྣ་ཚོགས་པའི་ཁྲོ་ཆུང་འཐོན་ནོ། །འཐོན་པར་གྱུར་ཏོ། །དེ་དག་གི་བྱིན་གྱི་རླབས་ཀྱིས་ས་ཆེན་པོ་འདི
18b5 རྣམ་པ་དྲུག་ཏུ་གཡོས། རབ་ཏུ་གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ། །སྲེག་པའི་བསྐལ་བའི་སྒྲ་ཙམ་ཡང་གྲག་པར་གྱུར་ཏོ། །དེ་དག་ཚུར་འདུས་ཤིང་ནམ་མཁའ་ལ་བབ་ནས། འཁོར་ལོ་འབར་བའི་ལྟེ་དབུས་སུ་གནས་པ་ལས་དེ་བཞིན
18b6 གཤེགས་པ་ཐམས་ཅད་ཀྱི་གསུང་གཅིག་གིས་རོ་ཥ་ཎ་ཡཀྵ་གྲྀཧྞ་གྲྀཧྞ་ཕཊ་ཅེས་གསུངས་པ་ལས་ཡེ་ཤེས་ཀྱི་ཁྲོ་བོ་སྐུ་དུག་ཧ་ལ་ནག་པོའི་མདོག་ལྟར་འཚེར་བ། ཡེ་ཤེས་རྔམ་པའི་སྤྱན་གསུམ་བསྐལ་བའི་གློག་ལྟར་འཁྱུག་ཅིང་གདུག་པ་ཉི་མའི་འོད་ཟེར་བཞིན་གང་ལ
18b7 བལྟས་པ་བརླག་ནུས་ཤིང་ཚ་བ། སྨིན་མ་རྔམ་པའི་གློག་དྲག་པོ་བཞིན་སེར་ནག་ཏུ་འབར་བས་གཏི་མུག་དང་། ཉོན་མོངས་པའི་མུན་པ་སེལ་བར་བྱེད་པ། སྨ་ར་སེར་ནག་ལ་ཡེ་ཤེས་ཀྱི་མེ་འབར་བ། ཉོན་མོངས་པའི་བག་ཆགས་སྲེག་པ། ཉོན་མོངས་པ་གཏི་མུག
iiif viewer powered by OpenSeadragon
